الموضوع: حد بيسافر على طريق الغردقة للصعيد؟؟؟ الجو أمان ولا قلق؟؟؟؟؟؟؟؟؟

المشاركة الأصلية كتبت بواسطة أدهم

هطلع من القاهرة للتجمع وطريق الاسماعيلية للعين السخنة والغردقة للصعيد
الطريق ده كويس؟

يا باشا طريق الاسماعيليه ملوش علاقه بمشوارم
حضرتك هتاخد طريق السخنه بتاع القطاميه ( من الدائرى) ومنه تكمل على طريق الغردقه وحسب مانا فاكر عند الزعفرانه تاخد يمين بعد بنزينه وطنيه بتاعت الحيش يبقى انت كده ماسك طريق الشيخ فضل حوالى ٢٦٩ كم والله اعلم وبيطلعك على الطريق الشرقى اللى على المنيا الجديده ومنها على مدينه المنيا وبعد كده كمل قبلى اما من نفس الطريق بس معرفش مكمل قبلى لحد فين واما تعدى النيل وتمسك الزراعى وده مؤرف او انك تمسك الغربى بس هيبقى مشوار عليك
اتمنى تلاقى الشرقى مكمل قبلى بعد اسيوط
اهم حاجه فى الحوار ده عربيتك لانك اذا عطلت معاك الجبل بس

يا جماعهمتلخبطوش الراجل ...
هتطلع من القاهره للعين السخنه من عند القطاميه و تمسك طريق الغردقه (اسمه الاسماعيليه الغردقه فعلا) و طوالى للغردقه و تعدى الغردقه من على الدائرى فى اتجاه سفاجا و تمسك طريق قنا سفاجا و تنزل منه على الاقصر على طول
لحد سفاجا الطريق كويس بس خلى بالك بيقولو فى سيول اليومين دول فممكن تلاقى حتت مقفوله من الطريق

قنا سفاجا ممشيتش عليه قبل كده بس واحد صاحبى مشى عليه للاقصر و بيقول كويس بس مشكلته انه مفيش خدمات بس اسفلت كويس ... ساعتين و نص من سفاجا كان فى الاقصر
و فى حته بيقول مطلع مع ملفات ... لو الصبح و عربيتك كويسه اتكل على الله افضل بكتير من انك تاخد طريق الصعيد