كيف تكافيء bmw عملائها الذين يتركون مرسيدس-بنز من أجل سياراتها

الفيديو دا بيحكي قصة سيدة من عشاق مرسيدس وكانت على وشك شراء عربية مرسيدس جديدة

لكن انبهرت بإعلان BMW Series 4 الجديدة وقررت تشتريها

المهم المدام راحت كاتبة الكلمتين دول على صفحة BMW على الفيس، وعينك ماتشوف الا النور

استقبولها استقبال VIP في واحد من مراكز BMW في ميونخ، وسلموها العربية في حفلة وخلوها تقابل مخرج الإعلان

بصراحة فكروني بنفس اهتمام BMW بالعملاء لما كنت في القطامية ملطوع ساعة عشان اسأل على زرار تحكم الشباك اللي في الباب اللي ورا وفي الأخر المهندس نصحني اتصل ب 19269 عشان انجز ومضيعش وقتي

اسيبكم مع الفيديو

[youtube]http://www.youtube.com/watch?v=189KFuGHVVo[/youtube]

احترام الناس و العملاء، مش في مصر التعامل كأنك بتشحت من التوكيلات.
انا زرت المكان ده في ميونخ bmw welt حاجة بصراحة توهم ، حسيت اني في كوكب تاني.
شكرا يا باشا علي الفيديو.

هههههه و ليك عين تقارن اي حاجه في مصر بالمانيا
يا جبروتك يا اخي

لما شفت الفيديو ده دلوقتي
وافتكرت خدمة العملاء المصريه في الانترنت
واصرارهم انهم دايما صح
وان الخط يداونلود ب 20 كيلو ايام السرعه ال 512 وكل شئ تمام وانا بس اللي مش فاهم

او خدمة ما بعد البيع في المعارض والتوكيلات
مندوب مبيعات غبور لما كان بيقولنا ان الالانترا الجديده ديسكات قدام بس عشان المهندسين اكتشفوا ان العربيه طويله
ولو حطوا ديسكات ورا العربيه هتعوم

او جهاز حماية المستهلك اللي من كتر شغله مش مخوف تجار القطاعي خالص

عرفت فعلا ليه احنا احسن شعب :)

يا سيدي الفاضل هو حضرتك مقتنع من الاساس ان بي ام بتاعه مصر زي بي ام بتاع ألمانيا
انا أعرف شخص كان في امكانه ماديا يشتري الخامسه و اشتري ال 316 عشلن من بره !

ربنا يوعدنا في بلدها الام ان شاء الله

اقتباس:

---

المشاركة الأصلية كتبت بواسطة psycholain

احترام الناس و العملاء، مش في مصر التعامل كأنك بتشحت من التوكيلات.
انا زرت المكان ده في ميونخ bmw welt حاجة بصراحة توهم ، حسيت اني في كوكب تاني.
شكرا يا باشا علي الفيديو.

---

عفوا

اقتباس:

---

المشاركة الأصلية كتبت بواسطة horas3000

هههههه و ليك عين تقارن اي حاجه في مصر بالمانيا
يا جبروتك يا اخي

---

جبروت ليه بس؟

اللي افهمه ان المفروض ان لما اسم كبير زي بي ام يحط استثمارات في اي دولة لازم يضمن ان على الأقل مستوى الخدمة يكون قريب للمستوى في الشركة الأم

ليا واحد صاحبي اشترى 320 2013 من كام شهر، بيقولي مندوب المبيعات كان بيكلمه صبح وليل زي الحبيبة، وبمجرد ما دفع واشترى العربية صاحبي بيحاول يكلمه عشان طقم دواسات معين كان وعده بيه والمندوب حتى مش مكلف نفسه يرد على التليفون

اقتباس:

---

المشاركة الأصلية كتبت بواسطة abdulkhaleq

لما شفت الفيديو ده دلوقتي
وافتكرت خدمة العملاء المصريه في الانترنت
واصرارهم انهم دايما صح
وان الخط يداونلود ب 20 كيلو ايام السرعه ال 512 وكل شئ تمام وانا بس اللي مش فاهم

او خدمة ما بعد البيع في المعارض والتوكيلات
مندوب مبيعات غبور لما كان بيقولنا ان الالانترا الجديده ديسكات قدام بس عشان المهندسين اكتشفوا ان العربيه طويله
ولو حطوا ديسكات ورا العربيه هتعوم

او جهاز حماية المستهلك اللي من كتر شغله مش مخوف تجار القطاعي خالص

عرفت فعلا ليه احنا احسن شعب :)

---

مهندسين غبرو عباقرة، حضرتك مش محتاج تتكلم عنهم :)
الإلنترا الجديدة ثابتة ثبات خرافي طبعا (بس وهي واقفة)

اقتباس:

---

المشاركة الأصلية كتبت بواسطة kareem.elaraby

يا سيدي الفاضل هو حضرتك مقتنع من الاساس ان بي ام بتاعه مصر زي بي ام بتاع ألمانيا
انا أعرف شخص كان في امكانه ماديا يشتري الخامسه و اشتري ال 316 عشلن من بره !

ربنا يوعدنا في بلدها الام ان شاء الله

---

المفروض في معايير جودة واسم عالمي
ومعنى وجود علامة بي ام على اي منتج انها ترتقي لمستوى المنتج دا في بلده الأم من حيث الأداء وخدمة ما بعد البيع

دي طبيعة بشريه وهي الإستغلال وعدم ألحياء ....يا سلام لو يشتغلك كمان عشان يعوض مركب النقص .....
بحس إن مندوب المبيعات بتاع المصرية أو أي معرض بيتكلم وكأن هو اللي أصلا عامل تصميم العربية ...
يعني بيبقي في المعرض واقف زي ستيف جوبز لما كان بيقدم جهاز جديد من أبل ....وأن هو بيبيعلك العربيه دي جميلة منه أنت ما كنتش تحلم بيها مش أنت شقيت عشان تجيب فلوسها ...
وأنا في مصر رايح توكيل أغير زيت حاسس إن المهندس زي ما يكون كان نفسه يعمل أي حركة نقص بس لقاني كلمت المدير بعديها بقينا حبايب وكأننا كنا زمايل في ثانوي ..
توكيل هيونداي في أمريكا الشمالية عشان يوجد لنفسه أسم رفع الضمان علي كل عربياته في سنة ٢٠٠٠ لعشر سنين بينما كان أتخن توكيل لأي ماركة تانية ٣ سنين ...والمهندسين لما تخش بيبقي مستعد يلمعلك جزمتك ...ودلوقتي إعلان الهينداي جنسيس بيقولك تتعب نفسك ليه عشان تغير زيت كلم أقرب توكيل من شغلك يجيلك واحد ياخد المفتاح من السكرتارية يعأيرلك الزيت ويرجعهالك تاني وسييبلك المفتاح في السكرتاريه برضه .... (ناقص يقولك وممكين تخليه يجيبلك الخضار كمان )،،،،
مع إلعلم إن في حركات وطيان برضه كتير في التوكيلات وأنا أعرف واحد كان معاه s-كلاس موديل ٢٠١٢ عطلت علي الطريق كمل ودخل التوكيل قلوله لازم تبات لتاني يوم في أي فندق حوالينا ومش فضينلك ومفيش عربية بديلة والراجل كان أصلا مسافر يعني مش من نفس البلد وحلف ما يجيب مرسيدس تاني بعد الحركه الوسخة دي ...
فكله بظروفه ...بس مصر ليها الرياده في المواضيع دي عشان حضارة العشر تلاف سنه ...

اقتباس:

---

المشاركة الأصلية كتبت بواسطة anxs111

دي طبيعة بشريه وهي الإستغلال وعدم ألحياء ....يا سلام لو يشتغلك كمان عشان يعوض مركب النقص .....
بحس إن مندوب المبيعات بتاع المصرية أو أي معرض بيتكلم وكأن هو اللي أصلا عامل تصميم العربية ...
يعني بيبقي في المعرض واقف زي ستيف جوبز لما كان بيقدم جهاز جديد من أبل ....وأن هو بيبيعلك العربيه دي جميلة منه أنت ما كنتش تحلم بيها مش أنت شقيت عشان تجيب فلوسها ...
وأنا في مصر رايح توكيل أغير زيت حاسس إن المهندس زي ما يكون كان نفسه يعمل أي حركة نقص بس لقاني كلمت المدير بعديها بقينا حبايب وكأننا كنا زمايل في ثانوي ..
توكيل هيونداي في أمريكا الشمالية عشان يوجد لنفسه أسم رفع الضمان علي كل عربياته في سنة ٢٠٠٠ لعشر سنين بينما كان أتخن توكيل لأي ماركة تانية ٣ سنين ...والمهندسين لما تخش بيبقي مستعد يلمعلك جزمتك ...ودلوقتي إعلان الهينداي جنسيس بيقولك تتعب نفسك ليه عشان تغير زيت كلم أقرب توكيل من شغلك يجيلك واحد ياخد المفتاح من السكرتارية يعأيرلك الزيت ويرجعهالك تاني وسييبلك المفتاح في السكرتاريه برضه .... (ناقص يقولك وممكين تخليه يجيبلك الخضار كمان )،،،،
مع إلعلم إن في حركات وطيان برضه كتير في التوكيلات وأنا أعرف واحد كان معاه s-كلاس موديل ٢٠١٢ عطلت علي الطريق كمل ودخل التوكيل قلوله لازم تبات لتاني يوم في أي فندق حوالينا ومش فضينلك ومفيش عربية بديلة والراجل كان أصلا مسافر يعني مش من نفس البلد وحلف ما يجيب مرسيدس تاني بعد الحركه الوسخة دي ...
فكله بظروفه ...بس مصر ليها الرياده في المواضيع دي عشان حضارة العشر تلاف سنه ...

---

دايما بتجيب الخلاصة والله

وفعلا تشبيه ستيف جوبز صحيح مع الفارق ان الأخ ستيف راجل يعتبر متواضع :)

تحياتي وترجع مصر بالسلامة

اقتباس:

---

المشاركة الأصلية كتبت بواسطة amrico

جبروت ليه بس؟

اللي افهمه ان المفروض ان لما اسم كبير زي بي ام يحط استثمارات في اي دولة لازم يضمن ان على الأقل مستوى الخدمة يكون قريب للمستوى في الشركة الأم

ليا واحد صاحبي اشترى 320 2013 من كام شهر، بيقولي مندوب المبيعات كان بيكلمه صبح وليل زي الحبيبة، وبمجرد ما دفع واشترى العربية صاحبي بيحاول يكلمه عشان طقم دواسات معين كان وعده بيه والمندوب حتى مش مكلف نفسه يرد على التليفون



[/color][/size][/font]

---

مش للدرجه دي يا زعيم
برضه كل دوله و ليها طريقه تعامل خاصه بيها
و الشركه الام متقتدرش تملي علي التوكيل يعامل زباينه ازاي
و مثلا في حاجات لو اتعملت هنا هنستغلها ابشع استغلال
هما في الاول و الاخر تجار و طالما التوكيل شغال و بيبيع يبقي تمام

و انت مش محتاج تجيبلي مواقف لان انا نفسي متعرض لواحد
و انا بجيب عربيتي اتفقت مع المندوب هغير الجنط اللي نازل عندي باللي بينزل علي ال sport و كان لسه قدامي ييجي شهر علي الاستلام
سايسني و قالي ماشي و هتتكلف مش عارف قد ايه و هنعمل اوردر و حوار عشان ال trade in و ان الجنط اللي انا عايزه اعرض و هنغير الكوتش كمان و انا موافق علي كل حاجه
ساعه الاستلام فاجئني بان الموضوع ممشيش و اني لو عايز ممكن اطلب الجنوط لوحدها دلوقتي و هتستني اسبوعين و طبعا مش هيبقي trade in و انا اتصرف في الجنوط اللي معايا
طبعا انا كبرت و مرضتش اعمل مشكله و استلمت العربيه و خلاص لاني كنت مستعجل و قولت انا اولي بالفلوس

اقتباس:

---

المشاركة الأصلية كتبت بواسطة horas3000

مش للدرجه دي يا زعيم
برضه كل دوله و ليها طريقه تعامل خاصه بيها
و الشركه الام متقتدرش تملي علي التوكيل يعامل زباينه ازاي
و مثلا في حاجات لو اتعملت هنا هنستغلها ابشع استغلال
هما في الاول و الاخر تجار و طالما التوكيل شغال و بيبيع يبقي تمام

و انت مش محتاج تجيبلي مواقف لان انا نفسي متعرض لواحد
و انا بجيب عربيتي اتفقت مع المندوب هغير الجنط اللي نازل عندي باللي بينزل علي ال sport و كان لسه قدامي ييجي شهر علي الاستلام
سايسني و قالي ماشي و هتتكلف مش عارف قد ايه و هنعمل اوردر و حوار عشان ال trade in و ان الجنط اللي انا عايزه اعرض و هنغير الكوتش كمان و انا موافق علي كل حاجه
ساعه الاستلام فاجئني بان الموضوع ممشيش و اني لو عايز ممكن اطلب الجنوط لوحدها دلوقتي و هتستني اسبوعين و طبعا مش هيبقي trade in و انا اتصرف في الجنوط اللي معايا
طبعا انا كبرت و مرضتش اعمل مشكله و استلمت العربيه و خلاص لاني كنت مستعجل و قولت انا اولي بالفلوس

---

على العموم مبروك العربية وربنا يديك خيرها ويكفيك شرها

اقتباس:

---

المشاركة الأصلية كتبت بواسطة amrico

على العموم مبروك العربية وربنا يديك خيرها ويكفيك شرها

---

الله يبارك فيك يا زعيم
و صدقني بالمقارنه بتوكيلات تانيه توكيل bmw حاجه 5 نجوم
و التوكيلات في مصر كلللللها ميجوش ربع نجمه بالمقارنه ببره

انا عايز اتكلم عن العربية بس بصراحة, انا مش مقتنع بالمرسيدس بقدر منا مقتنع بالبي ام

تحس ان المرسيدس مجرد فخامة كدابة يعني بتديك برستيج اي نعم بس كل دا كلام فاضل

المفروض البي ام تغير اسمها وتسميها come to drive ههههههه :)))))))))))))

اداء بجد مافيش هزار وتغلب المرسيدس يعني ال1 اداءها اعلى من الa وال3 ادائها اعلى من الc وهكذا

بجد ما شاء الله على ال4 سيرس وان شاء الله نلاقي حد يجمعلنا عنها كل المواصفات والاوبشنز والمحركات اللي حتنزل بيها

عشان شكلها كدا حتطلع على ال800 الف والله اعلم :))))))))))

800 ألف بسسسسسسسسسسسسسس :]
انا دخلت عملت BUILD لالفئه الرابعه و ال 35 و الاكس درايف كمان و قربت تقول بابا و ماما و اتكلفت باين 65 ألف دولارر طبعاااااااا
و ال Z4 ال 35Si
و ال M3 كذلك
مفيش أي واحده كسرت ال 70000 $
الفئه السادسه هي بس اللي كسرت و عملت 110 000 $
, و لسه شايفها أول امبارح في مصر ملاكي :]

انا عن نفسي ما عنديش مانع أسافر اسرائيل أجرب و أسوق و أبقي أرجع تاني :]
و أرجع ليه يمكن كمان أعد هناك ما دام فيها البي ام بالمواصفات ديه :]

اقتباس:

---

المشاركة الأصلية كتبت بواسطة Kareem.ElAraby

800 ألف بسسسسسسسسسسسسسس :]
انا دخلت عملت BUILD لالفئه الرابعه و ال 35 و الاكس درايف كمان و قربت تقول بابا و ماما و اتكلفت باين 65 ألف دولارر طبعاااااااا
و ال Z4 ال 35Si
و ال M3 كذلك
مفيش أي واحده كسرت ال 70000 $
الفئه السادسه هي بس اللي كسرت و عملت 110 000 $
, و لسه شايفها أول امبارح في مصر ملاكي :]

انا عن نفسي ما عنديش مانع أسافر اسرائيل أجرب و أسوق و أبقي أرجع تاني :]
و أرجع ليه يمكن كمان أعد هناك ما دام فيها البي ام بالمواصفات ديه :]

---

انا مش عارف انا ضربت رقم كدا بالبركة

m3 ايه ؟ هي ال m3 موجودة في مصر ؟

اقتباس:

---

المشاركة الأصلية كتبت بواسطة |saqr|

انا مش عارف انا ضربت رقم كدا بالبركة

m3 ايه ؟ هي ال m3 موجودة في مصر ؟

---

مفيش حاجه مش موجوده في بلدك :]

اقتباس:

---

المشاركة الأصلية كتبت بواسطة Kareem.ElAraby

مفيش حاجه مش موجوده في بلدك :]

---

بس ال m3 اغلى من الفئة الرابعة ولا ارخص ؟

للأسف..................بينا و بينهم عشرات السنين الضوئية.

زيها تقريبا أو فرق قليل بالدولار طبعا

اقتباس:

---

المشاركة الأصلية كتبت بواسطة Ahmed A.Maksoud

للأسف..................بينا و بينهم عشرات السنين الضوئية.

---

صحيح

اقتباس:

---

المشاركة الأصلية كتبت بواسطة |saqr|

انا عايز اتكلم عن العربية بس بصراحة, انا مش مقتنع بالمرسيدس بقدر منا مقتنع بالبي ام

تحس ان المرسيدس مجرد فخامة كدابة يعني بتديك برستيج اي نعم بس كل دا كلام فاضل

المفروض البي ام تغير اسمها وتسميها come to drive ههههههه :)))))))))))))

اداء بجد مافيش هزار وتغلب المرسيدس يعني ال1 اداءها اعلى من الa وال3 ادائها اعلى من الc وهكذا

بجد ما شاء الله على ال4 سيرس وان شاء الله نلاقي حد يجمعلنا عنها كل المواصفات والاوبشنز والمحركات اللي حتنزل بيها

عشان شكلها كدا حتطلع على ال800 الف والله اعلم :))))))))))

---

المرسيدس مش سهلة ابدا وماينفعش يتقال عليها انها مجرد فخامة كدابة :-))

ال 435 نازله بمليون و نص يا رجاله
و مرسيدس لا تقل في اي حاجه عن bmw و في عندها عربيات بتتفوق علي منافستها من bmw

المرسيدس طبعاً عربيات ممتازه لكن BMW تتفوق عليها بجداره كـDriving Experience و Handling و Traction لكن برضه المرسيدس عربيات ليها وزنها انما BMW بتتفوق عليها من زمان

بشكل عام الـBMW دي الـUltimate Driving Machine !!!!!!!!!!

لكن برضه ميمنعش حجم وعراقة المرسيدس نهائي لكن قدام BMW لأ الـBMW تتفوق على المرسيدس وده مش كلامي ولا كلامنا احنا ده كلام العالم كله اللي جرب اعلى عربيات من BMW واعلى عربيات من Mercedes !!!!!!!!!!!!!!

اقتباس:

---

المشاركة الأصلية كتبت بواسطة 2CODE

المرسيدس طبعاً عربيات ممتازه لكن BMW تتفوق عليها بجداره كـDriving Experience و Handling و Traction لكن برضه المرسيدس عربيات ليها وزنها انما BMW بتتفوق عليها من زمان

بشكل عام الـBMW دي الـUltimate Driving Machine !!!!!!!!!!

لكن برضه ميمنعش حجم وعراقة المرسيدس نهائي لكن قدام BMW لأ الـBMW تتفوق على المرسيدس وده مش كلامي ولا كلامنا احنا ده كلام العالم كله اللي جرب اعلى عربيات من BMW واعلى عربيات من Mercedes !!!!!!!!!!!!!!

---

حتي هذه اللحظة..BMW مردتش رد مجزي علي MERCEDES اللي نزلت الـ w222

مش هقولك أكتر من كده :)

وده هدية مني ليك

http://www.youtube.com/watch?v=cHsv9oRDikw

اقتباس:

---

المشاركة الأصلية كتبت بواسطة |saqr|

تحس ان المرسيدس مجرد فخامة كدابة يعني بتديك برستيج اي نعم بس كل دا كلام فاضل

---

يا باشا مرسسدس وبي إم كل واحدة فيهم بتدي الإتقان في الصناعة بثقافة أو من زاوية مختلفه .....وكل واحد ومزاجه ...بس هتفضل مرسيدس هي المتربعة علي العرش (مع العلم أني أكتر حاجة بحبها في الألماني هي a8 )....لاكن مرسيدس بتصنع تاريخ ....بتعمل عربية مهما الزمن عدي عليها هي قيمتها موجودة ....

لحاد أوائل التسعينات ما كانش في غير مرسيدس وبس ....فدي مواضيع منتهيه ...

ولو سقت التلاتة الألمان الكبار مرسيدس وبي أم وأودي هتعرف الفروق بينهم كويس ومع ذالك هتعرف إن التلاتة كبار أوي أوي أوي ...

اقتباس:

---

المشاركة الأصلية كتبت بواسطة inspiron

حتي هذه اللحظة..BMW مردتش رد مجزي علي MERCEDES اللي نزلت الـ w222

مش هقولك أكتر من كده :)

وده هدية مني ليك

People's Reactions to the new S-Class 2014 // W222 on Test Drive in Toronto - YouTube

---

انا شخصيا مستني الرد علي احر من الجمر
و عموما لسه شويه عليه
مرسيدس رفعت ال bar جامد المره دي

اقتباس:

---

المشاركة الأصلية كتبت بواسطة Anxs111

يا باشا مرسسدس وبي إم كل واحدة فيهم بتدي الإتقان في الصناعة بثقافة أو من زاوية مختلفه .....وكل واحد ومزاجه ...بس هتفضل مرسيدس هي المتربعة علي العرش (مع العلم أني أكتر حاجة بحبها في الألماني هي a8 )....لاكن مرسيدس بتصنع تاريخ ....بتعمل عربية مهما الزمن عدي عليها هي قيمتها موجودة ....

لحاد أوائل التسعينات ما كانش في غير مرسيدس وبس ....فدي مواضيع منتهيه ...

ولو سقت التلاتة الألمان الكبار مرسيدس وبي أم وأودي هتعرف الفروق بينهم كويس ومع ذالك هتعرف إن التلاتة كبار أوي أوي أوي ...

---

انا و لله الحمد كان ليا الحمد و سقت التلاته الكبار
ال s و ال 7 و ال a8
و متفق معاك جدا انهم كبار قوي قوي قوي
و الاختلافات ما بينهم كذلك
كل ماركه و ليها شخصيه مميزه جدا عن التانيه

و تقبل مني الهديه دي

http://www.youtube.com/watch?v=4coNA...ature=youtu.be

مقبولة الهديه وألف شكر يا شريف بيه ....

بيعملوا زى عندنا مش عارف الناس دى هتفضل تقلدنا لحد امتى

الاول بصراحه الموضوع بالنسبالى ليس اكتر من ذكاء شركه عالميه فالشركه باللى هى عملته مش بس كسبت زبون ودلعته لا دى عملت دعايه كانت ممكن تصرف ملايين علشان تعملها وكمان قالت باسلوب غير مباشر ان موديلاتها احسن من مرسيدس كتقليل من سمعه منافس فى السوق بطريقه قانونيه
ولكن ده ميمنعش ان التوكيل ومراكز الصيانه لها تعريف مختلف بين بلد زى المانيا وبلد زى مصر وده مش عيب حد ده عيب ضمير
يا رب نشوف توكيلاتنا بالتعريف الالمانى لكلمه توكيل وكذلك مراكز الصيانه
تحياتى .

اقتباس:

---

المشاركة الأصلية كتبت بواسطة inspiron

حتي هذه اللحظة..bmw مردتش رد مجزي علي mercedes اللي نزلت الـ w222

مش هقولك أكتر من كده :)

وده هدية مني ليك

YouTube

---

الله ينور

اقتباس:

---

المشاركة الأصلية كتبت بواسطة silent~dream

بيعملوا زى عندنا مش عارف الناس دى هتفضل تقلدنا لحد امتى

---

:)

اقتباس:

---

المشاركة الأصلية كتبت بواسطة eslamrace

الاول بصراحه الموضوع بالنسبالى ليس اكتر من ذكاء شركه عالميه فالشركه باللى هى عملته مش بس كسبت زبون ودلعته لا دى عملت دعايه كانت ممكن تصرف ملايين علشان تعملها وكمان قالت باسلوب غير مباشر ان موديلاتها احسن من مرسيدس كتقليل من سمعه منافس فى السوق بطريقه قانونيه
ولكن ده ميمنعش ان التوكيل ومراكز الصيانه لها تعريف مختلف بين بلد زى المانيا وبلد زى مصر وده مش عيب حد ده عيب ضمير
يا رب نشوف توكيلاتنا بالتعريف الالمانى لكلمه توكيل وكذلك مراكز الصيانه
تحياتى .

---

زي ما حضرتك بتقول الموضوع ضمير في الأول وفي الآخر

اقتباس:

---

المشاركة الأصلية كتبت بواسطة horas3000

و تقبل مني الهديه دي

Audi A8 + S8 2014 اودي ايه 8 + اس 8 - YouTube

---

حبيت أردلك الهدية يا Mr Horas3000 ....
check the video in this link for the R8....

http://www.nilemotors.net/Nile/38900...-kawasaki.html

اقتباس:

---

المشاركة الأصلية كتبت بواسطة anxs111

حبيت أردلك الهدية يا mr horas3000 ....
Check the video in this link for the r8....

http://www.nilemotors.net/nile/38900...-kawasaki.html

---

تسلم يا كبير
و انا شفت الفيديو ده بالفعل
سفاله بعيد عنك
شفت و هو بياخد غرز علي 200+

أساسي يا باشا ...دي عربية مش طبيعية والتجميع كئنك بين ٣٠ و-٨٠ مش ١٥٠ ال-٢٨٠ ....عزم إبن ستين ...