اقتباس:
المشاركة الأصلية كتبت بواسطة ahmed_adham
طيب يعني الفكره مش جديده ليه كل الاستغراب اللي في الموضوع ده بقى؟
أنا عارف بس كميه الاستهجان والاستغراب اللي في الموضوع خلتني أشك. البلاك بيري ليه باقه لوحده في كل شبكات العالم من ييجي 6 سنين ويمكن أكتر طب ليه معترضين لما البرامج المشابهه تبقى باشتراك هيه كمان؟
سكايب بفلوس بس بفلوس أقل بكتير من تكلفه الاتصالات الدوليه والناس بتشتري ومش بتشتكي يعني ولو الفايبر بقى بفلوس بكره يطلع غيره مجاني (ان مكنش فيه فعلا برامج مجانيه لنفس الهدف غيره كتير).
ياسيدى خدمات البلاك بيرى من يوم ما نزلت وهيه بفلوس وبإشتراك
واللى بيشترى بلاك بيرى هو حر فى اختياره
الاعتراض هنا ان الحاجه اللى ببلاش الحكومة مستكتراها على الشعب ده وعاوزه تخليها بفلوس
وكل ده لحماية شبكة واحده بتقلبنا كلنا المصرية للاتصالات
لو مؤسس فايبر أو واتس اب قرر انه يعمله بإشتراك هوه حر
تانى يوم بيظهر البديل المجانى
انما الحكومة تستهبل فيها وتاخد مننا فلوس على حاجه مجانيه فهو ده المرفوض
خصوصا ان شركات الاتصالات فى مصر بتكسب مليارات مننا
على فكرة من كام سنة جهاز تنظيم الاتصالات عمل حظر للسكايب من على الموبايلات
أو اليو اس بى موديم