ما هي أفضل سيارة في حدود 30,000 جنيه ؟

**falcon44** · 10-11-2013 02:40 PM

انا محتار زيك بالزبط وانا فى نفس الرنج بتاعك كمان
فى ناس نصحتنى بالكيا برايد وناس نصحتنى بالاونو والاكسيل ومش عارف اعمل ايه
واحتياجاتى للعربيه زيك تقريبا وعايز عربيه تسافر مرتين او تﻻته فى الشهر ومشاوير يوميه عاديه فى حدود 40 او 50 كيلو
وطبعا عايز استهلاك بنزين معقول وقطع غيار موجوده وسهولة صيانه
لو وصلت لحاجه او عندك راى تانى ياريت تعرفنى

**جيفارا** · 10-11-2013 05:25 PM

لا حول ولا قوة الا بالله....!!!!
انتو عينيكو مجتش ع الفيليشيا سكودا خالص ؟؟؟؟

عربية بسم الله ما شاء الله .... كل ما اشوفها احترمها...
بحس انها عربية اصيلة وشيك جدا
ولو حد صاحب اسرة يجيبها كومبي
تبقى جبرت.... واتعشت

ولكن بالله عليك بلاش الفورد اسكورت
وللامانة مجربتهاش
بس عمري ما شفت واحدة ف الشارع محترمة...

**mohraga2y** · 10-11-2013 05:48 PM

دوجان 96 اة فيات قرطبة السيارتين مفيش احلى من كده وفى حدزد السعر ده.

**ayam7** · 10-11-2013 06:19 PM

إفتحلى صدرك وإعتبرنى أخوك الصغير انا هقول رأى مخالف للجميع ( بلاش ) طبعا انا عارف انك مخنوق من الزحمة وارفها والمواصلات والعطلة بس عربية بالسعر دة من وجهة نظرى المتواضعة هتتعبك وهتصرف عليها يبقى نستنى شوية فلوسنا تزيد ونتوكل على الله فى حاجة فى رينج افضل

**جيفارا** · 10-11-2013 07:33 PM

حكاية تستنى ع الفلوس دي كانت طبق الاصل موضوع فيلم عربي اسمه السرعة لاتزيد عن صفر
بطولة احمد بدير وعبلة كامل
كان بيحكي عن قصة اتنين مجوزين حديثا وموظفين يعني محدودي الدخل وربنا يوسع ع الجميع
وكان عندهم طفل ومصاريف وكانوا على قدهم اوي وبيساعدو بعض
وكانت مشكلتهم ف بيتهم بعيد عن اشغالهم
وكل مكانو يحوشو مبلغ عربية جديدة زيرو يلاقوا سعرها يغلى كتير يحوشوا اكتر ببطء تغلى الزيرو
واتبهدلوا ف المواصلات والطفل اتبهدل معاهم يا عيني
ومكنش ينفع مراته تراعي الطفل ف البيت عشان مرتبها جوزها محتاجه تساعده بيه
فكان قرارهم يجيبو عربية مستعملة على قدها
وجابوها ومشيو بيها ولكن عشان على قد فلوسهم القليلة شوية عطلت منهم كتير
وكامو بيتاخروا على الشغل وياخد خصومات ويخلصو رصيد الاجازات ويضيعو كل وقتهم ودخلهم
على الصنايعية عشان يصلحوها وفضلو على كده لحد لما بداو يخسرو واتحولت حياتهم للاصعب
فكان القرار انهم يبيعوها .... وخسرو ف تمنها ده غير خسارة مصاريف التصليحات اللي فكرو انهم
لو مكنوش صرفوها كانو ممكن يتحملو لحد اما يجيبو عربية بخيرها
ولقو الفلوس قلت طبعا كتير عن الاول فاصبح مستحيل يجيبوا اي عربية لا بالتقسيط والا كانوا عملوها م الاول
ولا مستعمل ويعانوا زي اللي فاتت بل اكتر
فرجعوا تاني للبداية
من اول السطر
وكان قرارهم انهم اشتروا
عــــــــــــــــــــــــ ـــــــــــــــــــــــــ ـجـــــــــــــــــــــــ ـــــــــلـــــــــــــــ ـــــــــة......!!!
ويركبوها سوا ورا بعض...
وعشان كده اتسمى الفيلم " السرعة لا تزيد عن صفر"
فيلم في منتهى الجمال ويوصف حال المواطن البسيط بكل دقة

الخلاصة : محدش يسترخص ف المستعمل ولا يطمح بطموحات اعلى من امكانياته خصوصا لو صاحب اسرة....

**ayam7** · 10-11-2013 08:51 PM

والله يا استاذ جيفارا الواحد ساعات يبقى مابين نارين مابين المستعمل ومشاكله وبين الجديد واسعاره وفى الاخر المواطن مطحون بكافة الطرق والسرعة فعلا ً لاتزيد عن صفر حتى لو راكب هامر شوف الزحمة بقت عاملة إزاى والناس قاعدة جوا العربيات بتتعذب بفلوسها

**جيفارا** · 11-11-2013 12:43 AM

المشاركة الأصلية كتبت بواسطة ayam7

والله يا استاذ جيفارا الواحد ساعات يبقى مابين نارين مابين المستعمل ومشاكله وبين الجديد واسعاره وفى الاخر المواطن مطحون بكافة الطرق والسرعة فعلا ً لاتزيد عن صفر حتى لو راكب هامر شوف الزحمة بقت عاملة إزاى والناس قاعدة جوا العربيات بتتعذب بفلوسها

على فكرة
عندك ف بورسعيد واحد حبيبي
معاه كورولا عيون 99
بس ماشية كتير شوية عشان السفر من عندكو للمنصورة للقاهرة مرة اسبوعيا دايرة كده..
بس الشهادة لله صالونها نظيف جدا
مانوال 1300 شوية سيرفيس تبقى تمام..
بس الراجل لما بيحب يسافر بيدور ويمشي ومبتعطلش الحمد لله
ماشية كتير بس فيها خير...
هو قاللي انكو ف بورسعيد بتكرهو التويوتا وتعشقوا الهوندا..
هو عايش هناك..
01000716113
الدكتور محمد السيد
قوله من طرف ابو انس
لو عاوز تشوفها كلمه
هو بيفكر يغير...