السلام عليكم ورحمة الله وبركاته،،،


أنا عاوز أشتري جهاز GPS محترم من بره مصر ويكون ماركه معروفه مش صيني يعني.

بس عاوزه يكون ينفع أنزل عليه الـ iGo

أنا سمعت إن الـ iGO برنامج محترم وخرايطه موجوده على النت بسهوله وببلاش طبعاً

أنا مش عايز الـ GPS عشان مصر, أنا عاوزه عشان أنا باسافر يجي 3 أو 4 مرات في السنه وكل مره بأجر GPS وطبعاً بيكون مش رخيص وكمان باخد فتره عشان أتعود عليه

أنا باسافر بلاد مختلفه كمان مش بلد واحده, عشان كده عاوز أقدر أجيب خرايط بسهوله وببلاش وعشان كده نصحوني إني أجيب جهاز ينفع يتفرمط وينزله iGO

اللي أنا أعرفه إن الـ iGO بينزل على أي جهاز شغال بنظام Windows CE 5

وعشان كده ما ينفعش أجيب أشهر ماركتين اللي هم تومتوم وجارمين، عشان هم شغالين لينوكس مش وندوز.

نصحوني أجيب magellan أو MIO

أنا ميال للـ MIO عشان أرخص وعشان أنا وصحابي مجربينه

بس للأسف مش لاقي موديلات كتير ومعظم اللي بالاقيه مستعمل ... واضح إن الشركه بتصفي أو حاجه


السؤال دلوقت:

هل اللي أنا معتقده ده صح؟ لازم أدور على جهاز شغال Windows CE 5 بس؟ ولا في إختيارات تانيه؟

أنا هاجيب الجهاز من أمريكا. تنصحوني أجيب إيه؟ الميزانيه لحد 120 دولار

شكراً