باقات Link.Net سؤال استشارة ..... أرجو المساعدة

السلام عليكم ورحمة الله وبركاته

أنا مشترك فى Link.Net الباقة الغير محدودة 1024 ك ب /ث باشتراك شهرى 145 جنيه

دلوقت عاملين باقات جديدة اسمها لينك سبيد أقل سرعة فيها 2048 ك ب/ث مع سعة تحميل 4 جيجا

بصرف النظر عن كونها محدودة .......... بس الغريب إنها رخيصة نوعاً ما بالمقارنة بالباقات الغير محدودة

أنا بافكر اغير الى 4096 ك ب /ث مع سعة تحميل 15 جيجا و ب 100 جنيه فقط

وهى كده أرخص من اللى أنا مشترك فيها حالياً
وأسرع 4 مرات من السرعة الحالية

أنا حاسس ان فيه حاجة مش طبيعية فى رخص السعر ده

ما رأيكم ؟؟؟؟؟؟؟
وجزاكم الله خيراً

بعد ما تستخدم ال15 جيجا السرعة هتنزل ل128

طبعا ال4 ميجا هيخلوك تفترى فى الداون لود و اليوتيوب هتتفرج على اعلى حاجة ممكنة و ال15 جيجا مش هيكملو معاك لنص الشهر و بعد كده يا تشترى الجيجا ب5 جنيه يا تستحمل الخط على 128 و ده طبعا هيبقى مستحيل بعد ما اتعودت على السرعة ال4 ميجا

أشكرك شكراً جزيلاً يا باشمهندس
الخوف من النقطة دى تحديدا عشان سمعت ان التصفح العادى بيتحسب داون لود
وللا إيه رأى حضرتك

وعلى كده يبقى بفرض انى خلصت ال 15 جيجا، وبعدين اشتريت 8 جيجا بــ 40 جنيه
يبقى وصلت لنفس المبلغ اللى بادفعه حالياً مع سرعة عالية وما خسرتش

التصفح العادي بيتحسب من الداونلود و دي أسوأ حاجة

الحداية متحدفش كتاكيت

اقتباس:

---

المشاركة الأصلية كتبت بواسطة khaled_nowaihy

أشكرك شكراً جزيلاً يا باشمهندس
الخوف من النقطة دى تحديدا عشان سمعت ان التصفح العادى بيتحسب داون لود
وللا إيه رأى حضرتك

وعلى كده يبقى بفرض انى خلصت ال 15 جيجا، وبعدين اشتريت 8 جيجا بــ 40 جنيه
يبقى وصلت لنفس المبلغ اللى بادفعه حالياً مع سرعة عالية وما خسرتش

---

أنا باجربها الشهر ده
واخد 25 جيجا بـ 125 جنيه
خلصتهم فى اسبوعين
واضطريت ازود 25 تانيين بـ 75 جنيه علشان أعرف أكمل الشهر.
ومستنى الشهر يخلص بفارغ الصبر علشان أرجع لنظام الواحد ميجا الغير محدود.

ملحوظة : معايا 3 على نفس الخط.

اقتباس:

---

المشاركة الأصلية كتبت بواسطة mazagangee

الحداية متحدفش كتاكيت

---

انت كده اختصرت كل الكلام

خلى بالك أنك كمان حتدفع 100 مقابل تحويل من باقع غير محدوده لباقه محدوده

أنت ممكن تسأل خدمه العملاء على أستهلاكك أد أيه على الشهر ألى فات مثلا و بكده ممكن تشوف ال 15 جيجا حيكفوك ولا لأ

اقتباس:

---

المشاركة الأصلية كتبت بواسطة mazagangee

الحداية متحدفش كتاكيت

---

هههههه ماهو عشان كده عملت الموضوع ده يمكن فيه حاجة أنا مش فاهمها

اقتباس:

---

المشاركة الأصلية كتبت بواسطة egyzizo

أنا باجربها الشهر ده
واخد 25 جيجا بـ 125 جنيه
خلصتهم فى اسبوعين
واضطريت ازود 25 تانيين بـ 75 جنيه علشان أعرف أكمل الشهر.
ومستنى الشهر يخلص بفارغ الصبر علشان أرجع لنظام الواحد ميجا الغير محدود.

ملحوظة : معايا 3 على نفس الخط.

---

قصدك 15 تانيين ب 75 جنيه ؟ صح ؟
يبقى كده استهلاك 15+25+15=55 جيجا
نقول 60 ÷ 4 = 15 لكل واحد من الأربعة تقريباً
يبقى كده معقول

اقتباس:

---

المشاركة الأصلية كتبت بواسطة tmhami

خلى بالك أنك كمان حتدفع 100 مقابل تحويل من باقع غير محدوده لباقه محدوده

شكراً للتنبيه ... هم فعلاً قالوا لى كده ...... بس مرة واحدة مش مهم

أنت ممكن تسأل خدمه العملاء على أستهلاكك أد أيه على الشهر ألى فات مثلا و بكده ممكن تشوف ال 15 جيجا حيكفوك ولا لأ

أول ما اشتركت فى link كنت على باقة محدودة، وكنت مركب برنامج link meter وكان معدل استهلاكى حوالى 600 ميجا فى الأسبوع

انما الآن الوضع اختلف والأولاد بيدخلوا على النت من الموبايلات + الكمبيوتر المنزلى + اللاب
يعنى حنكون 4 على الخط
واللى مخوفنى ان الأولاد دايما فاتحين الموبايل online على طول

---

وسؤالى هنا لو سمحتوا : هل وضع الموبايلات online طول النهار كده ها يبلع الرصيد ؟

اقتباس:

---

المشاركة الأصلية كتبت بواسطة khaled_nowaihy

قصدك 15 تانيين ب 75 جنيه ؟ صح ؟
يبقى كده استهلاك 15+25+15=55 جيجا
نقول 60 ÷ 4 = 15 لكل واحد من الأربعة تقريباً
يبقى كده معقول

---

لأ ، فى تى إى داتا الـ 25 جيجا الإضافية بـ 75 جنيه

عن تجربه tedata افضل كسرعه ...

لان link مبتوصلش كامل السرعه المتعاقد عليها ... يعنى كمثال انا كنت مشترك على 2 ميجا ... و كل ما اقيسها بتوصلى 0.7 !!! يعنى اقل من النصف !!

انا حاليا مشترك مع تى-داتا على سرعه 8 ميجا و سعه 18 جيجا (بشرط الدفع اونلاين بكريديت كارت) ... كل ده ب 100 جم شهريا .. و كسرعه فعليا بتوصل ل 6.7 و متوسط 4.8 ... يعنى ممتازه ... و اعتقد ده راجع للخط التليفونى و عمر و طول السلك ...

و بالنسبه للسعه ... فطبعا كل واحد حسب استخدامه ... لكن انا بعمل الى انا عايزه و بوصل بالعافيه ل 13 جيجا / شهريا ..

.... طبعا لو فى البيت 3 / 4 افراد شغالين زيك يبقى انت محتاج 40 جيجا و ده سعره 150 جم ... كويس برده ..
لكن لوحدك ال 18 جيجا كافيين جدا ...

افضل موقع لقياس السرعه اون لاين :
TestMy.net Broadband Internet Speed Test

تحياتى ...

شكراً يا باشمهندس صفوت على رابط الموقع
ودىنتيجة ال test بتاعى
اعتقد انها معقولة نوعاً عشان خط التليفون على سنترال جديد

إنما عرض TE DATA أفضل بكثير من Link
الحقيقة معظم معارفى مشتركين مع TE Data
أشوف انهاء التعاقد من Link وربنا يسهل

http://nileup.com/up/uploads/nilemotors_13839794041.jpg

اقتباس:

---

المشاركة الأصلية كتبت بواسطة khaled_nowaihy

شكراً يا باشمهندس صفوت على رابط الموقع
ودىنتيجة ال test بتاعى
اعتقد انها معقولة نوعاً عشان خط التليفون على سنترال جديد

إنما عرض te data أفضل بكثير من link
الحقيقة معظم معارفى مشتركين مع te data
أشوف انهاء التعاقد من link وربنا يسهل

http://nileup.com/up/uploads/nilemotors_13839794041.jpg

---

الشكر لك ...
لو حضرتك مشترك على 1 ميجا يبقى كويس طبعا ... انا و ضحت ان السنترال و جوده الخط بيفرق ... يبقى خليك مع لينك ... و عندهم عرض 4 ميجا ب 75 جم ...
لو عايز تنهى مع لينك بتدفع اخر فاتوره فى ميعادها و قبل ميعادك بيوم تروح تقدم طلب انهاء الخدمه و فى خلال اسبوعين بيكون خطك فاضى ... و بعد الاشتراك مع تى داتا الخدمه بتدخل فى نفس الاسبوع ...
تحياتى ...

ايه فايده ان معايا سرعه قد الدنيا
ومش قادر احمل اللى انا عايزه ؟

اقتباس:

---

المشاركة الأصلية كتبت بواسطة aldesha989

ايه فايده ان معايا سرعه قد الدنيا
ومش قادر احمل اللى انا عايزه ؟

---

و هو 18 جيجا شويه ؟؟؟؟

- تعمل نت براوس net browsing براحتك ... مش اقل من 6 ساعات يوميا
- 50 فيلم هاى ديفينيشن hd تحميل
- 500 اغنيه تحميل
- مشاهده 15 يوتيوب يوميا مده الواحد 15 دقيقه
- ايميلات/ فيسبوك / تويتر/ سكاى بى ...... الخ زى ما انت عايز
- واى فاى للموبيلات زى ما انت عايز ...

و طبعا من الطبيعى و الشائع ان مفيش حد بيحمل 50 فيلم شهريا ... فده معناه انك تقدر تعمل الى انت عايزه فى الباقى ... ايضا بخصوص تحميل العاب ال pc و ps3 ده اقل لعبه 7 جيجا و ممكن تقطع فى اى وقت !!! يعنى تروح تشتريها ب 10 جم للعبه على هارد خارجى اوفر من ضياع الوقت ...


تحياتى ...

مش قادر بمعنى ان حجم الداون لود محدود
وللا حضرتك تقصد سرعة الداون لود لما بتنزل فيلم فيديو كبير مثلاً ؟

اقتباس:

---

المشاركة الأصلية كتبت بواسطة khaled_nowaihy

مش قادر بمعنى ان حجم الداون لود محدود
وللا حضرتك تقصد سرعة الداون لود لما بتنزل فيلم فيديو كبير مثلاً ؟

---

هو يقصد انها محدده ...
و كما وضحت ان 18 جيجا كفايه جدا ...
ممكن 4 حيجا تكون طبعا قليله ...
و عندك لو محتاج 40 جبجا ب 150 جم ..

تحياتى ...

اقتباس:

---

المشاركة الأصلية كتبت بواسطة batman372

هو يقصد انها محدده ...
و كما وضحت ان 18 جيجا كفايه جدا ...
ممكن 4 حيجا تكون طبعا قليله ...
و عندك لو محتاج 40 جبجا ب 150 جم ..

تحياتى ...

---

انا اشتركت فى باقه ال 15 جيجا بتاعه لينك ال 15 جيجا خلصول فى 10 ايام واشتريت 15 جيجا كمان وخلصوا وكل ده من غير ما اعمل داونلود لاى افلام ولا ايتوها حاجه

الغريب ان ايام الواحد ميجا كانت الباقه 40 جيجا وعمرى ماخلصت نصهم اساسا مش عارف بقى ايه اللى حصل لما السرعه زادت

انا راى انة عرض كويس و موش هاتخلص الباقة على اخر الشهر وممكن تجرب و لو ماعجبكش ارجع زى ماكنت بس طبعا سرعة رهيبة و هاتحس بفرق جامد

طيب ايه رأيكم يا جماعه فى حكايه النت اللاسلكى ده واحد قايلى عليه هتجيب راوتر وانتنا وهتدفع حوالى 35 شهرى لسرعه 1 ميجا وليك كلمه مرور وباسورد ايه رايكم انا عندى واحد ميجا برده بس بدفع 140 مش عارف ايه الفرق ده كله من 140 لـ 35 هل هى فعلا افضل ؟؟ اهم حاجه عندى البنج وسرعه التحميل علشان الجيمنج اونلاين :d

اقتباس:

---

المشاركة الأصلية كتبت بواسطة korkor

انا اشتركت فى باقه ال 15 جيجا بتاعه لينك ال 15 جيجا خلصول فى 10 ايام واشتريت 15 جيجا كمان وخلصوا وكل ده من غير ما اعمل داونلود لاى افلام ولا ايتوها حاجه

الغريب ان ايام الواحد ميجا كانت الباقه 40 جيجا وعمرى ماخلصت نصهم اساسا مش عارف بقى ايه اللى حصل لما السرعه زادت

---

ما هو ده اللى قالقنى ........ زى ما قال الباشمهندس مزاجنجى الحداية ما بترميش كتاكيت
فيه حاجة مش طبيعية فى العرض ده

اقتباس:

---

المشاركة الأصلية كتبت بواسطة Khaled_Nowaihy

ما هو ده اللى قالقنى ........ زى ما قال الباشمهندس مزاجنجى الحداية ما بترميش كتاكيت
فيه حاجة مش طبيعية فى العرض ده

---

انا عن نفسى معنديش اى مشكله ... و كله طبيعى ...
الفرق انك مثلا بدال بتحمل حاجه فى نصف ساعه ... بتخلص فى 5 دقائق و هكذا ... استعمالك هو هو ... السرعه هى الى بتزيد .... اى العجيب فى كده ؟؟؟
احنا من ابطأ بلاد الدنيا فى النت و ارخصهم ... فى الامارات السرعات بتوصل ل 150 ميجا !!! و عاملين شبكه الياف ضوئيه fiber optics .. بس ادفع !!
جرب و مش حتخسر حاجه ... و ممكن تلغى عادى و تشوف عرض تانى لو فيه مشكله ...
تحياتى ...