أنا اي في الصوره:smartass:
عرض للطباعة
رغم اعتراضي على مواضيع الأخ أحمد اللي كان ميدوا و بقدرة قادر بقى هههههههههههههههه
الشبكة القديمة اتجددت بإضافة وحدات جديدة لتقوية الشبكة ,
القرد بس هو اللي اتباع ,
لو يهمك القرد ممكن اشوفلك مين اللي اشتراه .......
أول مره تعملها معايا وترد عليه كويس شكرا ليك المره دي بجد
الرجاء من الآداره أغلاق الموضوع
بالراحة بقى يا شباب
هو بس يا ميدو لو سمحت بنطلب منك التأنى قبل كتابة المواضيع وحاول تختار مواضيع مفيدة فعلا وإكتبها كويس كفكرة وكلغة وغيّر توقيعك اللى بتقول فيه إنك متغيب مع إنك موجود على طول ، وإستنى شوية على الناس ما تنسى اللى فات لأنه مكانش سهل أبدا
مع كامل احترامي لكل الأخوة اللي ردوا على الأخ في الموضوع ده أنا بجد مندهش لأسلوبكم معاه يعني حتى لو الراجل كان غلط قبل كده أو بمعنى آخر كان مايعرفش يكتب موضوع فبرضه مايصحش كل هذا الكم من التريقة عليه دنتوا في رمضان ، والعجيب أن أشخاص من الإدارة نفسها بيتريقوا عليه ؟؟؟؟؟؟؟؟؟؟؟؟؟؟؟؟؟ حاجه فعلا غريبة يعني اللي يعرف رد سؤاله يقوله ما يعرفوش مالوش لازمة يعني إنتوا داخلين الموضوع تهرجوا عليه لمجرد إنوا كتب موضوع قبل كده ماعجبكوش أو كان خارج شوية عن حدود العقل والمنطق ؟
وبعدين ما ياما بنشوف مواضيع ومحدش بيتريق عليها كده ولا هو اللي له ضهر ما ينضربش على بطنة ؟ يعني ماشوفتوش مواضيع قبل كده عن كيفية عمل الكبدة ؟؟؟؟؟؟؟؟؟؟؟؟؟؟؟ كان ممكن نخش ونتريق بس طالما الموضوع مش عاجبني مش هدخله مش أخش وأقعد أهرج واتريق على خلق الله ، والموضوع بتاع كيفية عمل الكركدية !!!!!!!!! فعلا بقت حاجة تحزن .
يا أخي إسلام
كل عام وانت بخير
أولا حضرتك نسيت حاجة مهمة.. إن الناس اللي من الإدارة هما برضه اعضاء وليهم الحق في المشاركة في أي موضوع
ومفيش حد من الإدارة بيتكلم بصفته من الإدارة
وبعدين الناس بتهزر مع اصحابها
وميدو شخصية محترمة ولو هو كان زعل كان هايقول (وده ما حصلش)
ولما طلب إن الموضوع يتقفل، ناس رفضت ده
كل سنة وانت طيب
واتمنى نتقابل في الإفطار الجماعي الجمعة اللي جاية إن شاء الله
إسلام باشا شاهين سفيرنا فى قطر
لك وحشة كبيييييييييييررة جدا جدا جدا
بس إعذرنى لو فيه معانى فى كلامك محتاج أعرف قصدك منها: (اللى له ضهر ما ينضربش على بطنه) تقصد إيه ومين؟
وعن مواضيع الكبدة والكركديه والله ما فاكر إنى شفتها فكرنى بيها
وصعب التفرقة بين الرأى الساخر والنكتة والتريقة فلا يمكن نقول على كل الآراء إنها تريقة لأنها مش كده ولا هى طبعا خالية منها
وصاحب الموضوع أكيد وهو بيقرا الردود هيسمع نصيحة من هنا أو هناك تفيده ويعرف إيه اللى ممكن يكون سبب فى ردود ساخرة ويتجنبه
أنا مش فاهم حضرتك ؟ وهو علشان الناس اللي من الإدارة بتشارك كأعضاء يبقى من حقها تتريق على خلق الله ؟؟؟؟؟؟؟؟؟؟ إيه الكلام الغريب ده ؟؟؟؟؟؟؟؟؟
وبعدين من قال إن صاحب الموضوع مازعلش ماهو طلب غلق الموضوع وحتى طلبه ده قوبل بالتريقه برضه ، وبعدين هزار إيه يا أستاذي الفاضل يعني لو إنت حضرتك مكان صاحب الموضوع كنت هتقبل الهزار الخفيف ده ؟؟؟؟؟؟؟؟؟؟؟؟؟؟؟؟؟؟
وعلى فكرة أنا مش بدافع عن صاحب الموضوع أنا بس مستغرب من الأعضاء اللي ماسكه الراجل سلخ وتريقه ضحك يعني حتى ما يصحش لو هو غلطان نعرفه غلطه مش نهريه تريقه وضحك ؟؟؟؟؟؟؟؟؟؟؟؟؟
يا أخي الفاضل ده حتى الإدارة لما أغلقت الموضوع الأولاني أغلقته بتريقه برضه !!!!!!!!!!!!!!!!!!!!!!!!!!!
أنا برضه مستغرب جدا من ردك وكأنك تشجع مثل هذا الموقف الغريب اللي بصراحه جديد على نايل موتورز .