الموضوع: جوده الديزل بمصر و الدودج رام ؟؟

المشاركة الأصلية كتبت بواسطة saddam

صديقي المواطن
قولا واحدا عضو قديم عالخط ومحترم في المنتدى لا يقع في هذه المغالطات الجسيمة أو لا تفوته بعض المعلومات الهامة بخصوص الدودج رام

أولا نظرة الناس لمن يركب الدودج رام معروفة ولا علاقة لها بسواق النقل فمالكها دايما بيكون إبن واحد معاه 5 أو 10 مليون جنيه أقل واجب ويكون باباه صاحب مصنع غالبا دي نظرة الناس ليها خصوصا أشكال بعد 2011



يا رب يبقى كلامك صح



ثانيا السولار بساوي فشل في الحياة فشل في اﻹصلاح فشل في اﻷداء فشل في الصوت فشل في صحتك فشل في إعادة البيع دي عربية مش نقل ولا ميكروباص وليست مهيأة إنك تهينها وتحمل فيها طوب وزلط وأضيفلك من الشعر بيت العربية المصنوعة سواء بنزين أو سولار فهي نفس العربية ومفيش أي تعديل للإستخدام الشاق اﻹثنين واحد وهي بتتحمل شقا ولكن لما بتفتح بقها مش حتتلم إلا بمبالغ خيالية تعادل كأنك داخا تصلح 10 عربيات لانوس دفعة واحدة


انا مش ناوى ابيع و هتصرف فى الاصلاح و الصوت مش مهم لو عالى شويه و اكيد مش هحمل طوب و زلط بس هى خدمه شاقه يعنى مش عربيه فرافيرى بردو و انا مش هخليها تفتح بقها ان شاء الله صيانه دوريه بانتظام




من قال لك إن السولار أرخص من البنزين معروف قولا واحدا عمرة السولار 3 أضعاف عمرة البنزين ثم كل شويتين مش حتزيد عن 3 شهور حتغير فلاتر وبعد كده تفتح رشاشات وتتظلط على أجهزة وكمان اللي حتوفره من فلوس السولار حيروح في الإصلاح وميكانيكي بنزين لا يعمل بسولار وحتعوز تروح لناس متخصصة ليها زباين إنت مش حتعرف تتعايش معاهم وحتمون في طابور الميكروباص والنقل ودي مش فارقة معايه أوي ثم دي لو إترخصت ملاكي لازم تدفع جمارك 700 ألغ غير فلوس العربية وكمان يا صديقي المواطن لو إترخصت نقل فسيبك من حالات الفلتان بعد الثورة ومفيش مرور دايما بيحاسب فننر النقل ممنوعة من طلوع نص كباري القاهرة وشوية أماكن كده وكمان لازم رخصة مهنية ولو سقتها برخصة خاصة لازم تتثبت عالرخصة وممنوع غيرك يسوقها ولو إتمسكت مع غيرك حتتحاسب

قصدى لتر السولار ارخص من لتر البنزين و عمره ايه اكيد مش هفكر فيها حاليا لان 300-500 الف يكون الواحد مات لحد ما يعملهم و بردو مش هعمل رقم كبير زى ده و حاليا مفيش ازمه سولار و لاحاجه يعنى هدخل امون و اتكل على الله انا هرخصها ان شاء الله ملاكى و انا بس الى هسوقها مفيش اى حد تانى هيسوقها خااااالص


نيجي بقه للمصيبة الكبرى أنا سبتك تحلم للآخر
الرام صدر ليها قرار العام الماضي طبق أو سبطبق من أول العام القادم بعدم معاملتها عربية نقل وحتدفع جمارك حوالي 600 ألف جنبه فإلحق خدلك وحده كسر زيرو وإنت لو في يوم حبيت تستورد روح طلع إقامة في الخليج وهاتها تريبتك وإركبها 6 شهور ورجعها تخزين 6 شهور وأنصحك تسيب ال 3500 وألقيلي نظرة.كدة على 5500 وإرجع قول لي رأيك


ما هو المشكله مفيش راى هى العربيه دى بس الى اقدر استوردها و مش هدفع رقم كبير المشكله لما ارخصها ملاكى و مفيش حد يسوقها غيرى هدفع فلوس كثير ؟؟؟؟؟؟؟؟


مكن السولار.المرغوب بيكون سعره خرافي الميكروباص التويوتا الهايس الحديث يعتبر أرغب موتور ﻷن صوته واطي وسريع وسعره مستعمل إستيراد 30 ألف بالفتيس فبتاعك بكام تخيل


ان شاء الله مش هوصل لمرحله عمره او تغيير موتور نهائى لان كيلومترى قليل


أنا عن نفسي خدت متحى آخر قلت أجيب دوبل كابينة قديم نوع محترم وأصرف عليها بتاع 50 ألف ومفيش حاجة في 2013 تكون أحسن منها وحعدل الشكل على شكل أفخم من رام 2013 وقد كان وجبت العربية وهي عربيتي رقم 9 وبقالي 3 أسابيع بشد فيها وممكن تقعد سنتين في التعديل ونسأل الله الثبات أنصحك تعمل زيي
هذا ما لزم بيانه ودمتم وبالتوفيق وإلى اﻷمام ومن نصر إلى نصر
ودمتم للنضال

بس دى فرصه نادره انى هجيبها بالافراج و برقم خيالى حضرتك رايك ايه فى الكلام الى قولته ؟