مطلوب منى ارد على ناس جاى شغل لبنتهم(انسه) بمنطقه التبه باكتوبر وللاسف انا معرفش عنها اى شئ هل هى امان ولا ﻷ . يا ترى عصابه التكاتك شغاله فيها. المواعيد حتى الساعه 4 او5 والشتاء داخل.هل امان تروح بعربيه
عرض للطباعة
مطلوب منى ارد على ناس جاى شغل لبنتهم(انسه) بمنطقه التبه باكتوبر وللاسف انا معرفش عنها اى شئ هل هى امان ولا ﻷ . يا ترى عصابه التكاتك شغاله فيها. المواعيد حتى الساعه 4 او5 والشتاء داخل.هل امان تروح بعربيه
عاجل
هى فين التبه دى اصلا هناك
انا معرفش منطقة التبة لو قلتلي هيا فين اكتر ممكن اعرفلك
العمل فى مؤسسه الاورمان الخيريه
الاورمان اللى عند غرب سوميد ؟؟؟؟؟؟؟؟؟
اه يا فندم غرب سوميد
توكل على اللة دى تقريبا على الطريق الرئيسى بتاع المحور
التبة الية عند النادى مابين نادى المهندسين ونادى 6 اكتوبر على المحور الرئيسى
امان المحور بيبقى زحمة فى الفترة دى خروج المصاتع
بس مش للدرجة دي اكتوبر بقت مليانة بلطجية،، اعتقد ان حال اكتوبر هو حال مصر كلها
دار الاورمان باينة على المحور مباشرة .. والحتة دي مقطوعة نوعا ما من الحياة الراجلة .. يعنى مفيش ناس تقريبا بتمشي فى المنطقة دي على رجليها ولا في محلات ولا اي شي .. لكن في عربيات كتيرة بتتحرك على المحور فى الاتجاهين
الخطورة ليست فى مكان الاورمان .. الخطورة فى الخلف منها .. يعنى لو هيا هتروح الاورمان بالعربية وتمشي على طول على المحور من غير ما تدخل فى داخل منطقة غرب سوميد ان شاء الله مفيش قلق .. لكن الحرص واجب برضه
لكن لو هتدخل من جوه وكده .. فحالها زي باقي احوال البلد .. مفيش امان .. والحرص واجب برضه
المنطقة دي اعتقد مفيش تكاتك كتير بتروحها لان اغلب سكان المنطقة (غرب سوميد) معاهم عربياتهم الخاصة وكلها اصلا فلل وقصور فخمة (بسم الله ما شاء الله الله اكبر) .. فتقريبا مفيش حد هناك معهوش عربية علشان يركب توكتوك
طبعا يفضل فى كل الاحوال ان مفيش بنت تتحرك لوحدها فى منطقة زي كده .. او تنزل من الشغل بليل متأخر خالص .. يفضل التحرك فى مجموعة مع بعض علشان الامان يعنى
مش عارف اقول ايه على الروح الجميله دى
الف الف شكر