بتحب الجري؟ 160 مثلا؟ 200؟؟! اتفضل غير رأيك!!

**Mostafa Khalil** · 03-11-2013 04:27 AM

أكيد كلنا بنحب نجري في طرق غير صالحة للاستخدام الادمي اصلا

إيه رائيكم في الفورد الفيستا؟

عربية اميركي مصنوعة في اوروبا

عوامل امان لا بأس بها (احسن من 60% من العربيات الي في الشارع)

اتفضل غير رأيك عن الجري

اختبار تصادم علي سرعة 200 ايوة 200 !!

[youtube]http://www.youtube.com/watch?v=9k3K86hMiYc[/youtube]

**حماده المصري** · 03-11-2013 06:00 AM

مقدر شعورك والله

اي عربيه على 200 هيصل نفس الكلام

والناس برضو مش هتبطل جري

انا شايف ان في جري منطقي وجري مش منطقي

الي مش منطقي اني اقعد اجري على الدائري وفي عربيات وغرز وكلام كده ده استهبال( ولو انه ممتع جدا ) وخطر جدا جدا

انما على طريق سريع زي طريق الغردقه مثلا ايه المشكله لما نجري 160 مفيهاش حاجه طريق سريع وجميل مفيهوش مشاكل

اما بقى فكرتي عند الحوادث ف دي حاجه بتاعه ربنا

انا لما كنت بجري وخارب الدنيا جري عمري ما عملت حادثه كان اخري اكصدام يتحك في الزخمه

بطلت الجري وعربيه اوتوماتك ف مش بجري اتفرج بقى فوق ال 4 حوادث مليش اي ذنب فيهم

ف الموضوع قضاء وقدر ولكن برضو منلقيش نفسنا في التهلكه

**john55** · 03-11-2013 08:30 AM

انا مره جبت 180 في طريق مصر اسكندريه الصحراوي والطريق كان فاضي اول يوم عيد الفطر بس بصراحه مش عملهاتانييييييييييييييييي ييي

**Eng_hatemfathy** · 03-11-2013 08:52 AM

للاسف معظم الحوادث بسبب المطبات والجرى فى الزحمة مش بسبب السرعة فى الطرق الفاضية
صحيح ان حوادث الطرق الفاضية على سرعات ببقى غالبا مميته لان نسبتها بسيطة جدا بالنسبة لحوادث المطبات
يعنى خد عندك بداية شارع البحر الاعظم قبل مطلع المنيب اتجاه التجمع شوف شكل الهضاب والبزابيز فى الارض شكلها ايه وقولى بالله عليك ازاى تاخدها تحت عجله او تحت العربية
وقولى بالله عليك تعمل ايه فى الحجارة وبقايا اسوار الدائرى اللى بتلاقيها فى الحارة الشمال من الدائرى المفروض انها مخصصة للسرعة والتفادى واذا بها فجأة امامك واضغر حجر فيهم هيدمر العربية باللى فيها
وقولى بالله عليك ليه فى الزحمة تلاقى حد بيكبس عليك وبيفادى ويغير حارة مع ان الكل واقف والشارع كله زحمة ولما يخبطك يقولك لا مؤاخذة يا باشا وحاجه بسيطة زكأن الاصل ان يكون فى حاجه -سواقة تاكسيات وميكروبصات وتكاتك ونص نقل ما يعلم بيها الا ربنا وكأنهم مرضى نفسيين يجب تجنبهم ولو بترك العربية امام البيت والذهاب الى مشوارك مشى وبرذه هترجع تلاقى واحد ابن ..... منهم بينزل زبونه جنب عربيتك وهيا تراااااخ فى الباب واشرب يا معلم -حد قالك تجيب عربية فى البلد بنت الايه دى -ماله التنطيط فى المواصلات
ايه الى يخليك تدفع دم قلبك وشقى عمرك فى عربية علشان تقضى الجزء الباقى من عمرك تعيط جنبيها فى كل خبطة

انا لسه يا دوب مكمل شهر على الكروز وربنا اعلم انا جبتها ازاى بعد الخسارة اللى خسرتها فى حادثة الشارك وطبعا ماشى بيها جنب الحيط واذا بواحد الله يسامحه يدخل على زحمة كابس والفرامل على حد قوله متمسكش فيهبد فيا من ورا ويكسر الاكصدام والجسر الحديد اللى تحته يتعوج خالص وهوا راكب بروتون اتعوج الكبوت وكسر فانوس والردياتير اتخرم
طب تكلفة الليله عندى كام حوالى 3900 جنيه -انا الحمد لله امنت عليها طب هل التأمين كفاية وهيغطى
لاااااااا عندك 10% علشان هتصلح فى التوكيل او مركز خدمة معتمد
وعندك 5 % مستنقذ او اهلاك يعنى البس 15% على الصبح ده غير العطله وكام مشوار لشركة التأمين والتوكيل وبنزين وفلوس بتضيع عليك فى الشغل
وكل ده علشان نظام الكبس فى الزحمة وغباء الكثير
طب انا ذنبى ايه فى الليله والمفروض اعمل ايه علشان مدفعش 600جنيه تقريبا بدون ادنى نسبة مشاركة فى الحادثة وايه يخلى عربية عاملة 1000 كيلو تغير اكصدام
هل لازم نسيب ....... ام البلد دى علشان نعرف نعيش محترمين

**Dr.Rayyan** · 03-11-2013 10:37 AM

لازم نسيب........ أم البلد دي عيشه بجد تقف وشعب همجي ومتخلف كل مرة أنزل التقى مسمار على الباب واحد خالعلي طبه الجنط ومرة كسر ببريز حاجه تقرف بقيت متوقع وانا نازل كل يوم الف على العربية من بره اشوف التلفيات الجديده
ادعولنا نطلع منها على خير عايزين نطلع من أم الدنيا ولا من اد الدنيا هههه لأبو الدنيا يمكن يكون حنين حبه

**aldesha989** · 03-11-2013 10:43 AM

اصلآ احنا بلد مش بتاعت جرى وانا مستحيل احلل الجرى واقوله فى الطرق الفاضيه اه وفى الطرق المليانه لا
ربنا قالنا ولا تلقو بأيديكم الى التهلكه واحنا علشان مسلمين مؤمنين بكده وبنشوف الناس بيعملو ايه فى نفسهم وبنضحك
لكن الفكره ان فى ناس مش فاهمه اى حاجه وعايزه تجرى وخلاص
يعنى ماشى انا وابن خالتى امبارح مش هقولك حد غريب
ابن خالتى وهو معاه لانوس وانا معايا مازدا 121 فى فرق حوالى 400 سى سى غير انه هو انجكشين وانا كربراتير وهو عايز يسابق ويجرى وخلاص وهو معاه امه واخته وكان راكب معايا اخوه الصغير وبس
وهو فاكر انه لما يجرى انا ههحصله طبعآ لو اتشقلبت مش هجيبه بسرعه والبحر عندنا مش فاضى علشان الجرى ده كله
المهم انا كنت ماشى 90 و 100 ما زيدتش عن كده وهو فاتح ربنا يهديه 120 و 130
وفجأه راح مفرمل فرامل اللانوس اقوى من الفرامل بتاعتى وهو بينزل بالسرعه جامد يعنى بيفرمل بغباء وطبعآ انا جاى وراه وبحاول افرمل زيه مافيش وراح طالع وجارى وانا لقيت قدامى صف عربيات
اطلع من واحده الاقى واحده اطلع من واحده الاقى واحده ومستحيل العربيه تقف ولو وقفت الصف اللى ورايا كله هيلبس فيا وربنا العربيه كانت بتنطش من الارض وسامع صوت الكاوتش وهو بينط من على الارض لحد ما ربنا ستر واخدت اليمين وهديت ومشيت بالراحه وحلفت انى مش همشى معاه فى طريق تانى

وكمان لو بتجرى جامد فى طرق ما ينفعش فيها جرى اقل حاجه هتلاقى واحد طالعلك من تحت الارض بيعدى الطريق
اذا كان على الصحراوى كنت بلاقيهم بيعدو بمنتهى الهدوء والاريحه على الصحراوى تخيل دى بنى ادمين
تعمل معاهم ايه ؟ ولو خبطت واحد هتبقى انتا اللى غلطان مع ان هو اللى بيعدى على طريق زى الصحراوى اقل واحد ماشى فيه 120 والحارات واسعه مش ضيقه زى الاول يعنى خمس ست حارات
دى بنى ادمين عايشه معانا
سواقين المكروباصات والتكسيات اللى بيجرو عاطل على باطل ويعمى اهالينا نور ويصدع ابونا كلاكسات وينط من حاره لحاره فى طريق زحمه وما ينفعش اللى هو بيعمله ولو واقف فى اشاره تلاقى نفسك منور من كتر الرعاش بتاعه هعمل ايه هنط ؟؟ ولا هطير ولا هعدى على اللى قدامى ؟
وتلاقيهم مش عارفين يقفو على بعضهم فى زحمه وكأن حاجه بتأكلهم من الوقفه

ولا تطلع دولى ولا صحراوى تلاقى اللى ماشى بالعكس ؟ ولو ماشى بليل يعميك بالنور بتاعه قال ايه علشان ما تخبطهوش ما انتا لو شوفته هتفاديه لكن لما هو يعميك هتأخد وتنزل فى الرمله
ولا عربيات النقل اللى بتبهدلنا فى الطرق كلها ويحسسك انه راكب عربيه سبور مثلآ عمال يروح يمين وشمال وكأنه راكب فراشه الواد مش عماره ماشيه وكل يوم كام حادثه بسببهم
مافيش يوم فعلآ بيعدى غير ما بيكونو عاملين مصيبه

البلد دى مش بتاعت لا مشى ولا جرى ولا حتى قعاد

**lanos2004** · 03-11-2013 11:27 AM

المشاركة الأصلية كتبت بواسطة akmm

حاجه مخيفه فعلا ............. عربيه زى دى يحصل لها كده ... امال الكورى واليابانى والصينى هيحصل ايه على نفس السرعه ؟ ربنا يستر على الجميع .

Daewoo Nubira crash - YouTube

**lidosasa** · 03-11-2013 01:34 PM

المشاركة الأصلية كتبت بواسطة eng_hatemfathy

للاسف معظم الحوادث بسبب المطبات والجرى فى الزحمة مش بسبب السرعة فى الطرق الفاضية
صحيح ان حوادث الطرق الفاضية على سرعات ببقى غالبا مميته لان نسبتها بسيطة جدا بالنسبة لحوادث المطبات
يعنى خد عندك بداية شارع البحر الاعظم قبل مطلع المنيب اتجاه التجمع شوف شكل الهضاب والبزابيز فى الارض شكلها ايه وقولى بالله عليك ازاى تاخدها تحت عجله او تحت العربية
وقولى بالله عليك تعمل ايه فى الحجارة وبقايا اسوار الدائرى اللى بتلاقيها فى الحارة الشمال من الدائرى المفروض انها مخصصة للسرعة والتفادى واذا بها فجأة امامك واضغر حجر فيهم هيدمر العربية باللى فيها
وقولى بالله عليك ليه فى الزحمة تلاقى حد بيكبس عليك وبيفادى ويغير حارة مع ان الكل واقف والشارع كله زحمة ولما يخبطك يقولك لا مؤاخذة يا باشا وحاجه بسيطة زكأن الاصل ان يكون فى حاجه -سواقة تاكسيات وميكروبصات وتكاتك ونص نقل ما يعلم بيها الا ربنا وكأنهم مرضى نفسيين يجب تجنبهم ولو بترك العربية امام البيت والذهاب الى مشوارك مشى وبرذه هترجع تلاقى واحد ابن ..... منهم بينزل زبونه جنب عربيتك وهيا تراااااخ فى الباب واشرب يا معلم -حد قالك تجيب عربية فى البلد بنت الايه دى -ماله التنطيط فى المواصلات
ايه الى يخليك تدفع دم قلبك وشقى عمرك فى عربية علشان تقضى الجزء الباقى من عمرك تعيط جنبيها فى كل خبطة

انا لسه يا دوب مكمل شهر على الكروز وربنا اعلم انا جبتها ازاى بعد الخسارة اللى خسرتها فى حادثة الشارك وطبعا ماشى بيها جنب الحيط واذا بواحد الله يسامحه يدخل على زحمة كابس والفرامل على حد قوله متمسكش فيهبد فيا من ورا ويكسر الاكصدام والجسر الحديد اللى تحته يتعوج خالص وهوا راكب بروتون اتعوج الكبوت وكسر فانوس والردياتير اتخرم
طب تكلفة الليله عندى كام حوالى 3900 جنيه -انا الحمد لله امنت عليها طب هل التأمين كفاية وهيغطى
لاااااااا عندك 10% علشان هتصلح فى التوكيل او مركز خدمة معتمد
وعندك 5 % مستنقذ او اهلاك يعنى البس 15% على الصبح ده غير العطله وكام مشوار لشركة التأمين والتوكيل وبنزين وفلوس بتضيع عليك فى الشغل
وكل ده علشان نظام الكبس فى الزحمة وغباء الكثير
طب انا ذنبى ايه فى الليله والمفروض اعمل ايه علشان مدفعش 600جنيه تقريبا بدون ادنى نسبة مشاركة فى الحادثة وايه يخلى عربية عاملة 1000 كيلو تغير اكصدام
هل لازم نسيب ....... ام البلد دى علشان نعرف نعيش محترمين

أنت لخصت كل المعاناة اللى إحنا عايشينها فى البلد دى

**Silent~Dream** · 03-11-2013 02:38 PM

المشاركة الأصلية كتبت بواسطة aldesha989

اصلآ احنا بلد مش بتاعت جرى وانا مستحيل احلل الجرى واقوله فى الطرق الفاضيه اه وفى الطرق المليانه لا
ربنا قالنا ولا تلقو بأيديكم الى التهلكه واحنا علشان مسلمين مؤمنين بكده وبنشوف الناس بيعملو ايه فى نفسهم وبنضحك
لكن الفكره ان فى ناس مش فاهمه اى حاجه وعايزه تجرى وخلاص
يعنى ماشى انا وابن خالتى امبارح مش هقولك حد غريب
ابن خالتى وهو معاه لانوس وانا معايا مازدا 121 فى فرق حوالى 400 سى سى غير انه هو انجكشين وانا كربراتير وهو عايز يسابق ويجرى وخلاص وهو معاه امه واخته وكان راكب معايا اخوه الصغير وبس
وهو فاكر انه لما يجرى انا ههحصله طبعآ لو اتشقلبت مش هجيبه بسرعه والبحر عندنا مش فاضى علشان الجرى ده كله
المهم انا كنت ماشى 90 و 100 ما زيدتش عن كده وهو فاتح ربنا يهديه 120 و 130
وفجأه راح مفرمل فرامل اللانوس اقوى من الفرامل بتاعتى وهو بينزل بالسرعه جامد يعنى بيفرمل بغباء وطبعآ انا جاى وراه وبحاول افرمل زيه مافيش وراح طالع وجارى وانا لقيت قدامى صف عربيات
اطلع من واحده الاقى واحده اطلع من واحده الاقى واحده ومستحيل العربيه تقف ولو وقفت الصف اللى ورايا كله هيلبس فيا وربنا العربيه كانت بتنطش من الارض وسامع صوت الكاوتش وهو بينط من على الارض لحد ما ربنا ستر واخدت اليمين وهديت ومشيت بالراحه وحلفت انى مش همشى معاه فى طريق تانى

وكمان لو بتجرى جامد فى طرق ما ينفعش فيها جرى اقل حاجه هتلاقى واحد طالعلك من تحت الارض بيعدى الطريق
اذا كان على الصحراوى كنت بلاقيهم بيعدو بمنتهى الهدوء والاريحه على الصحراوى تخيل دى بنى ادمين
تعمل معاهم ايه ؟ ولو خبطت واحد هتبقى انتا اللى غلطان مع ان هو اللى بيعدى على طريق زى الصحراوى اقل واحد ماشى فيه 120 والحارات واسعه مش ضيقه زى الاول يعنى خمس ست حارات
دى بنى ادمين عايشه معانا
سواقين المكروباصات والتكسيات اللى بيجرو عاطل على باطل ويعمى اهالينا نور ويصدع ابونا كلاكسات وينط من حاره لحاره فى طريق زحمه وما ينفعش اللى هو بيعمله ولو واقف فى اشاره تلاقى نفسك منور من كتر الرعاش بتاعه هعمل ايه هنط ؟؟ ولا هطير ولا هعدى على اللى قدامى ؟
وتلاقيهم مش عارفين يقفو على بعضهم فى زحمه وكأن حاجه بتأكلهم من الوقفه

ولا تطلع دولى ولا صحراوى تلاقى اللى ماشى بالعكس ؟ ولو ماشى بليل يعميك بالنور بتاعه قال ايه علشان ما تخبطهوش ما انتا لو شوفته هتفاديه لكن لما هو يعميك هتأخد وتنزل فى الرمله
ولا عربيات النقل اللى بتبهدلنا فى الطرق كلها ويحسسك انه راكب عربيه سبور مثلآ عمال يروح يمين وشمال وكأنه راكب فراشه الواد مش عماره ماشيه وكل يوم كام حادثه بسببهم
مافيش يوم فعلآ بيعدى غير ما بيكونو عاملين مصيبه

البلد دى مش بتاعت لا مشى ولا جرى ولا حتى قعاد

والله يا باشا معاك حق و ربنا يسترها معانا فى ام البلد دى

-

الموضوع: بتحب الجري؟ 160 مثلا؟ 200؟؟! اتفضل غير رأيك!!

LinkBack

أدوات الموضوع

عرض

بتحب الجري؟ 160 مثلا؟ 200؟؟! اتفضل غير رأيك!! - انشر الموضوع فى :

-

-

-

-

المواضيع المتشابهه

الجري (كل) الجدعنة

بتبطل في الجري بسرعه

كيفية الجري بالسيارة الأتوماتيك؟

لو ليك في الشد و الجري ممكن تفيدني ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة