استشارة فى مشروع سوزوكى فان

بسم الله الرحمن الرحيم
السلام عليكم ورحمة الله وبركاته
صباح الخير على احلى اعضاء
دلوقتى انا واحد خريج نظم معلومات ادارية 2011 وداخل على جواز كمان شهرين بإذن الله
وزى ما انتو عارفين حال البلد مش هنخبى على بعض البلد واقعة من الدور الـ 50 وشغل الشركات ما بيزيدش عن 1200 جنيه المهم ربنا كرمنى بواحد صاحبى قالى على مشروع السوزوكى فان
قالى انت ممكن تجيبها وانت اللى تشتغل عليها فى شركات
وفى شركات طالبة ناس بعربيتها
زى شركة مشاوير قالى بمرتب محترم 3000 جنيه واكتر وقالى فى شركة كانت عايزة ناس وبعربيتها بـ 4000 جنيه
وقالى العربية موفرة جدا فى البنزين (1000 سى سى) ودفع خلفى وبتشيل حمولة 1 طن مستريح وقطع غيارها متوفرة وارخص من الفيات كمان
قعدت افكر فى اللى قاله لاقيتها باب رزق حلو ويجيب همه
بس دلوقتى انا عايز مشورتكم معايا فى الموضوع ده
يعنى لو حد عارف السوزوكى دى فعلا شغالة وبتجيب شغل ياريت يقولى نصايح او اعمل ايه
وجزاكم الله خيرا
والسلام عليكم رحمة الله وبركاته

اتكل على اللة
بس استخير ربنا الأول
ربنا مش هايخزلك ان شاء اللة طالما انت داخل على جواز واللى بيتجوز وبيفتح بيت بالحلال ربنا بيكرمة

ان شاء اللة مشروع العربية تمام واعرف ناس كتيرة جايباها وربك بيرزق الكل من فضلة المهم ان العربية انت اللى تسوقها ماتديهاش لحد ودية اهم نقطة

ولو لا قدر اللةموضوع الشركات مامشيش معاك يبقى تشوف مشروع انك توصل اطفال الحتة بتاعتك للمدارس

وبالتوفيق انشاء اللة

اقتباس:

---

المشاركة الأصلية كتبت بواسطة mastr_n

اتكل على الله
بس استخير ربنا الأول
ربنا مش هايخزلك ان شاء الله طالما انت داخل على جواز واللى بيتجوز وبيفتح بيت بالحلال ربنا بيكرمة

ان شاء الله مشروع العربية تمام واعرف ناس كتيرة جايباها وربك بيرزق الكل من فضلة المهم ان العربية انت اللى تسوقها ماتديهاش لحد ودية اهم نقطة

ولو لا قدر اللهموضوع الشركات مامشيش معاك يبقى تشوف مشروع انك توصل اطفال الحتة بتاعتك للمدارس

وبالتوفيق إن شاء الله

---

الف شكر لذوق حضرتك والتشجيع الجامد ده
والله الموفق

طب هل بيبقى فى عقد بيتكتب مع الشركة ولا ايه نظامها

لو ادامك شركه مضمونه يبقي هاتها وانت مستريح
بالنسبه للبنزين هي مش موفره ولاحاجه يعني لما تكون مظبوطه هتعمل 10\11 كيلو في اللتر
هي عربيه اعتماديه جدا انا سافرت بيها الاقصر
وقطع غيرها فعلا رخيصه جدا
ومن اهم عيوبها انها بتتقلب بمنتهي السهوله يعني ممكن تتقلب من دوسه فرامل جامده

اقتباس:

---

المشاركة الأصلية كتبت بواسطة fghahkj

لو ادامك شركه مضمونه يبقي هاتها وانت مستريح
بالنسبه للبنزين هي مش موفره ولاحاجه يعني لما تكون مظبوطه هتعمل 10\11 كيلو في اللتر
هي عربيه اعتماديه جدا انا سافرت بيها الاقصر
وقطع غيرها فعلا رخيصه جدا
ومن اهم عيوبها انها بتتقلب بمنتهي السهوله يعني ممكن تتقلب من دوسه فرامل جامده

---

شكرا لرد حضرتك يا سيدى الفاضل
حضرتك ذكرت انها بتتقلب بسهولة فى ناس قالتلى ان انت ممكن تغير الجنوط بجنوط عريضة عشان موضوع القلابان ده
وبتقول برضو ان لو فى شركة مضمونة ... طب لو مافيش شركة مضمونة ما ينفعش اجيبها ولا ايه وجهت نظر حضرتك ... تحياتى

الجنوط افضل بكتير لكن برضو عايزه سواقه بعقل
لومفيش شركه هينفع تشغلها عادى لكن هتتبهدل مع بتوع السرفيس الى منتشرين فى كل حته ومركزين قوى مع السوزوكى

يا جماعة ازاى مش موفرة وهى 1000 سى سى

متخفشى موفره فى البنزين
بتعمل فى الصفيحه حوالى 250الى 280ك
لو فاضيه
لو فيها بضاعه اقل طبعا
هى حمولتاه 1طن
بس ما انصحكشى تحط فيها اكتر من طن الا ربع
ولا زم تجنطها مع كاوتش عريض او مناسب يعنى
فى شركات بتاخدها تفحتها مشاوير طول اليوم
وفى شركات بتاخدها مشوارين فى اليوم
لو معاك شركه محترمه ما تترديشى وهاتها
قطع غيرها رخيصه اوى ولو هتجبها جديده مش هتعمل فيها حاجه خالص لمده سنه
ولو معندكشى شركه ممكن تحمل بيها على الدائرى مثلا دورين تلاته هتجبلك 100ج فى اليوم او اقل وهيبقى افضل بس وش ووجع دماغ

اقتباس:

---

المشاركة الأصلية كتبت بواسطة mohammedabdallh

متخفشى موفره فى البنزين
بتعمل فى الصفيحه حوالى 250الى 280ك
لو فاضيه
لو فيها بضاعه اقل طبعا
هى حمولتاه 1طن
بس ما انصحكشى تحط فيها اكتر من طن الا ربع
ولا زم تجنطها مع كاوتش عريض او مناسب يعنى
فى شركات بتاخدها تفحتها مشاوير طول اليوم
وفى شركات بتاخدها مشوارين فى اليوم
لو معاك شركه محترمه ما تترديشى وهاتها
قطع غيرها رخيصه اوى ولو هتجبها جديده مش هتعمل فيها حاجه خالص لمده سنه
ولو معندكشى شركه ممكن تحمل بيها على الدائرى مثلا دورين تلاته هتجبلك 100ج فى اليوم او اقل وهيبقى افضل بس وش ووجع دماغ

---

روح الله يباركلك طمنتنى
جزاك الله خير
على العموم انا نزلت كام شركة امبارح وفعلا محتاجين سواقين سوزوكى بمرتبات محترمة
ويا مسهل الحال يا رب
شكرا يا جماعة على الردود والاهتمام .
تحياتى للجميع

اقتباس:

---

المشاركة الأصلية كتبت بواسطة buksh

روح الله يباركلك طمنتنى
جزاك الله خير
على العموم انا نزلت كام شركة امبارح وفعلا محتاجين سواقين سوزوكى بمرتبات محترمة
ويا مسهل الحال يا رب
شكرا يا جماعة على الردود والاهتمام .
تحياتى للجميع

---

ممكن يا باشا تقولى ايه الشركات دى؟ وهيعملو بالعربيات ايه توصيل يعنى ولا ايه ؟؟ والراتب كام ؟؟ والبنزين والصيانات عليك ؟

اقتباس:

---

المشاركة الأصلية كتبت بواسطة ganash

ممكن يا باشا تقولى ايه الشركات دى؟ وهيعملو بالعربيات ايه توصيل يعنى ولا ايه ؟؟ والراتب كام ؟؟ والبنزين والصيانات عليك ؟

---

شركات زى مشاوير وارامكس
هتوصل اوردرات لاماكن معينة فى القاهرة الكبرى كلها زى التجمع الخامس والمعادى والبنزين والصيانة عليك
موضوع الراتب عشان اكون صريح معاك انا روحت انا وصاحبى اللى قوم فكرة العربية فى دماغى للشركات دى وقابلنا مندوبين كانو واقفين تحت الشركة قولت اسألهم عن طبيعة الشغل وكده
قالولى انهم محتاجين عربيات بسواق لان فى عجز عندهم وبيضطرو يأجرو عربيات نص نقل العربية بـ 450 فى اليوم يعنى لما تكون عربيتك وانت اللى بتسوقها بتوفر عليهم المبلغ ده
لان وظيفة السواق بـ 1300 لكن سواق معاه عربيته بتختلف قالى ممكن ما بين الـ 3000 الى 4500 حسب الاتفاق بينك وبين الشركة
وفى شركة كانت فى فيصل كانت طالبة سواق بعربيته بيوصل اجهزة كمبيوتر للمولات بـ 4500
وربنا يرزق الجميع انشاء الله

اقتباس:

---

المشاركة الأصلية كتبت بواسطة buksh

شركات زى مشاوير وارامكس
هتوصل اوردرات لاماكن معينة فى القاهرة الكبرى كلها زى التجمع الخامس والمعادى والبنزين والصيانة عليك
موضوع الراتب عشان اكون صريح معاك انا روحت انا وصاحبى اللى قوم فكرة العربية فى دماغى للشركات دى وقابلنا مندوبين كانو واقفين تحت الشركة قولت اسألهم عن طبيعة الشغل وكده
قالولى انهم محتاجين عربيات بسواق لان فى عجز عندهم وبيضطرو يأجرو عربيات نص نقل العربية بـ 450 فى اليوم يعنى لما تكون عربيتك وانت اللى بتسوقها بتوفر عليهم المبلغ ده
لان وظيفة السواق بـ 1300 لكن سواق معاه عربيته بتختلف قالى ممكن ما بين الـ 3000 الى 4500 حسب الاتفاق بينك وبين الشركة
وفى شركة كانت فى فيصل كانت طالبة سواق بعربيته بيوصل اجهزة كمبيوتر للمولات بـ 4500
وربنا يرزق الجميع إن شاء الله

---

تسلم يا باشا وربنا يرزقك يارب :)

لو سمحت انا بفكر أجيب عربية سوزوكى يا ترى اية الأخبار وهل موجود شركات زى دى حاليا بمرتب كويس ولا مفيش

متابع