الحلقة الثالثة:
اشاعة مشاكل التكييف:
الموضوع مطروح للنقاش كل واحد شايف فية مشكلة يقولها
عرض للطباعة
الحلقة الثالثة:
اشاعة مشاكل التكييف:
الموضوع مطروح للنقاش كل واحد شايف فية مشكلة يقولها
والله انا برة الموضوع ده مؤقتا..
حد يسأل ليه يا كابتن احمد انت مش هتدلو بدلوك ف الموضوع ده.. :) :)
هاقولكم عشان مش عندي تكييف..
او بمعني تاني فيها التكييف سخن بس..
محدش يضحك.. العربية نازلة من المانيا كده.. انا مالي.. :) :)
احب اوضخ فكرة صغيرة بس..
ان فكرة التكييف السهن قائمة علي ان مية التبريد السخنة بتدهل علي سربنتينة داخلية.. و بتنقل ليها الحرارة.. و الهوا السخن بيدفي الصالون جوة..
و كويسة جدا علي فكرة.. في الشتا بتعمل شغل عالي..
و عشان تركب تكييف جديد زيرو للكورسا.. لازم تلغي السخن ده..
عشان بتشيل الكويل اللي هو السربنتينة بتاعتها.. و بتركب مكانها الجديدة.. و اللي غالبا بتكون ساندن ياباني..
ودي بتبقي بارد فقط.. اما لو عايز تحافظ علي السخن كمان..
بتشتري كويل استيراد جي ام.. و تركبه مع باقي مونات التكييف الساندن الياباني الجديد...
سعر الموضوع ده كله مش هيزيد عن 3500 جنيه..
ربنا يقويك
بس على فكرة متحطش تكييف فى الاوبل ملهوش لازمة هيقرفك ويطلع عينك كمان هتحتاج تشوف فنى تكييف فاضى تحطة معاك فى الشنطة علشان يشحنلك التكييف كل شوية علشان التكييف اللئيم بيطلع الفريون برة يسسقع الجو ويسيبك انت تكاكى من الحر جوة .. الكلام دة العادى فى الاوبل !!
:laugh6::laugh6:
للأسف انا و انا باسمع الكلام ده مش مستغرب..
عشان المهندس فادي اللي باعمل عنده كل حاجة ف العربية قالي كده..
قالي لو عايز عربية مكيفة.. متركبش دي..
بيعها و شوف عربية تانية..
و جه للأسف اللي ممكن يخصل ف الايام القليلة اللي جاية..
الله اعلم بقي هل هابقي في عصابة اوبل..؟؟ بكورسا سيدان مثلا..
او هانضم علي سبيل الاعارة لعصابة الاسد الفرنسي...
الله اعلم.. كل شيء نصيب..
وارد جدا اني استني لحد اول الصيف القادم بكورستي الحبيبة.. طالما السيف داحل
و مش هاتحاج التكييف..
مشكلة التكييف فى الأوبل هى البطئ وغالبا كل العربيات الألمانى كده
وطبعا لو سلمنا ان العزل مشكلة هتبقى سبب رئيسى فى البطئ
أسمع ان العربيات الأوروبى اللى بتنزل الخليج بتنزل بتكييف يابانى -على الأقل البيجو 307-
من مشاكل المتعلقة بالتكييف برضه - الفريون المضروب - قليل قوى لو لاقيت حد عنده أمريكى
برضه من مشاكل بالتكييف سوء الإستخدام - مثلا عدم تشغيله فى الشتاء -
انا حاولت أدخل فى الفيلم اللى قال عليه أحمد بس وقفت و لغيت لما الراجل قاللى هتحتاج تغيير السير بواحد مقاس تانى ساعتها رجعت الكومبريسور و قلت كفانا الله شر القتال
انا كان معايا استرا 2005 تكييفها كان جامد جدا لدرجة انى ماحستش بفرق بينها و بين العربية القديمة لانسر كريستالة غير قوة المروحة على 1 فى اللانسر اقوى شوية لكن التبريد واحد
اى عربية واقفة فى الشمس ومقفولة لازم تتهوى الاول قبل التكييف , انت بتقلل الحمل على التكييف وعلى الكمبريسور جرب مرة هوى العربية وشوف الفرق ومرة شغلة من غير تهوية وشوف الفرق .. اى عربية كدة مش الاوبل بس
مشكلة الفريون المضروب وقلة الصيانة والاهمال يبقى مشكلة صاحب العربية مش مشكلة العربية
انا مشكلتي مع التكييف ما زالت قائمة وهاحاول اقولها بسرعة كدة
اول ما اشتريت العربية كان في الشتاء اللي قبل اللي فات اواخر 2006
اول ما دخل الصيف التكييف اشتغل كويس وبعد كدة عطل.
اخويا راح عند واحد في مدينة نصر بتاع تكييفات نضفله الفلتر وشحنه واشتغل شوية وهوب رجع عطل تاني. سيبناه لغاية اوائل الصيف السنة ديه لأني كنت بعمل حاجات في العربية اولى من التكييف
راح اخويا الصيف ده لنفس الراجل بتاع التكييف. شحنه واشتغل لمدة اسبوعين وهوب عطل.
قولت ما بدهاش طلعت على مقار الدقي اللي العربية بتتصين عنده من سنة 97 حتى الان. كشفوا على التكييف قاللولي عاوزة كومبريسور وخرطوم وسربنتينة.
سيبتهم وطلعت على ديافيا اللي في كوبر القبة. المهم شحنو التكييف بفريون اصلي مش مضروب وحاطو عليه صبغة بحيث لو فيه اي تسريب يبان بعدها بفترة. والتكييف حتى الان بقاله تقريبا شهرين شغال زي الفل بدون اي مشاكل وتبريده هايل.
المشكلة دلوقتي اني فوجئت بتسريب بعض مياه صرف التكييف داخل العربية على الدواسة اللي جنبى والحمد لله اني عامل الارضية جلد.
روحت لديافيا نضفولي ماسورة الصرف ولكن المشكلة مازالت قائمة. رجعتلهم تاني قام العامل اللي هناك كشف عليها وقاللي ان اللعربية ديه مغيرة كويل وان اللحام فاكك وبيسرب مياه داخل السيارة. المهم عاملهولي بسيليكون وقاللي ماتشغلشي العربية يومين. نفذت زي ما قاللي وجيت اشغله لاقيت المياه لسة بتدخل جوة. روحتلهم قاللولي ان العربية محتاجة تيجي بدري علشان ياخدوها من اول اليوم ويشتغلو فيها علشان هاينضفو مكان اللحام ويلحمو الكويل من جديد. ان شاء الله هاروح بكرة او بعده واقولكم على اللي حصل
يعنى التكييف لما اتشحن عند حد بيفهم اشتغل كويس
مشكلة العربية دى انها عايزة اللى بمد ايدة يبقى فاهم مش حد بيعك او بيجرب وزى ماتيجى العربية دى مش بتاعة عك وفتى
كويل ولا سربتنينة السخن ؟؟ الكويل دة اللى مقصود بية ال evaporator بتاع التكييف ودة جواة فريون مش مية , المية بتتكثف على المواسير من برة وتتصرف برة العربية
اعتقد انت قصدك سربنتينة السخن ودى اللى بيبقى ليها وصلة مية من مية التبريد , لو اتخرمت غيرها متلحمهاش لأنها هتلاقيها مصدية ومتاكلة يبقى اللحام زى قلتة شوية وهيفك تانى زى معمل .. الموضوع دة كان حصل معايا فى اللانوس وجبت واحد استيراد زى الجديدة وشغالة تمام
وليها حل تاى تعمل by pass وتلغيها بس هتتروق فى الشتا
موضوع المايه سهل جدا
الغى السخن خالص
هتلاقى فى ماسورة داخله فى صدر العربيه عباره عن طرفين واحد داخل والتانى خارج
خليه يلغى الحوار ده ويوصل الداخل على الخارج على طول من بره من نغير ما يدخل فى صدر العربيه
عشان الوصله دى بتبقى متاكله ومصديه وعشان تغيرها حوار كبير
اعتقد محدش بيسخدم السخن للدرجه يعنى
هتلاقى موضوع المايه ده اتحل ان شاء الله
صح والله يا احمد كل يوم الواحد بيتأكد ان العربية ديه ما ينفعشي حد يحط ايده فيها غير واحد فاهم كويس اوي. بس انا كنت فاكر موضوع شحن التكييف ده حاجة بسيطة. بس للاسف التكييف ما اشتغلشي كويس غير لما شحنته في ديافيا وهما قالولي ان ممكن ان الفريون اللي كنت بشحن بيه قبل كدة كان مضروب او مش النوع المطلوب او مش الضغط المطلوب
اما بالنسبة لموضوع تسريب المية. ده بعيد تماما عن مياه التبريد لأنها ما بتنقصشي والتسريب ده جاي من الفايظ بتاع التكييف هو اللي بيدخل جزء منه جوة العربية لما بشغل التكييف بارد.
عموما برده انا هاكون معاهم خطوة بخطوة علشان اعرف فين المشكة بالضبط
فعلا مقار اصبحو في النازل على طول ولولا ان العربية بيتعملها الصيانة هناك من سنة 97 ما كنتش رحتلهم تاني. بس بصراحة العربية ما فيهاش الهوا والواحد يخاف يخلي اي حد تاني يحط ايده فيها. بس هما بس بيستهبلو في استسهال التغيير اي حاجة شيل وحط جديد وادفع يا صاحب العربية.
لا يا محمد الموضوع ده بعيد تماما عن مياه التبريد لأنها ما بتنقصشي والتسريب ده جاي من الفايظ بتاع التكييف هو اللي بيدخل جزء منه جوة العربية لما بشغل التكييف بارد.
براحة شوية عليا يابو حميد
ياسيدي الفاضل مياه التبريد ما بتنقصشي عندي خالص
وموضوع التسريب ده بيحصل فقط لما بشغل التكييف بارد
واول ما اطفي التكييف التسريب بيتوقف
فا انا متأكد انها مياه الصرف وليست مياه التبريد على الاقل لأنها مش مياه خضراء.
عموما يا سيدي انا هاكون معاهم خطوة بخطوة
جرى ايه يا رجاله
محدش هنا بيعلى صوته على حد
انا مراقب المنطقه كويس
العبوا مع بعض ما تتخانقوش :)
يانهار ابيض. اسف ايه يابو حميد دا انا اللي اسف اني ضايقتك. انا والله بهزر معاك. انا ولله اكتر من اخ ليا. ياسيدي من علمني حرفا صرت له عبدا وانت عمال تساعد فيا من الصبح وتيجي في الاخر تقوللي انا اسف بقى ده كلام يا راجل
ربنا يديم الود والمحبة ومايجيبش اي عصبية في عصابتنا الجميلة
وزي ما هو مكتوب في التوقيع بالظبط.
حرف اية وعبد اية وعلمنى ايى .. اية الكلام الكبير دة !! الموضوع مش مستاهل كل دة الموضوع ابسط من كدة بكتير وبعدين مفيش حد عارف كل حاجة اهو كلنا بنفيد ونستفيد ومسيرى فى يوم هزهئك اسئلة :p :d
وعلى فكرة انا متضايقتش انا افتكرتك انت اتضايقت