الموضوع: البلد امتى هينصلح حالها

المشاركة الأصلية كتبت بواسطة mody112

البلد دى حالها مش هينصلح ابدا الا بمعجزة من عند ربنا - انا بقول كده ليه هقولكوا ؟
انا رخصت عربيتى (byd f3) من حوالى 6 شهور لمدة 3 سنين وهى كانت مرور السويس وانا نقلت وفحصت وخلصت كل حاجة فى المرور بتاعى ساعتها وادونى تصريح لمدة 6 شهور و لما سالتهم ليه 6 شهور قالولى هتيجى بعد المدة ما تخلص وتدفع 10 ج وتاخد رخصة جديدة ببقية المدة كلها :_alshmokh08[1]:وطبعا ساعتها دفعت فلوس (رشوة )(ربنا يسامحنى ) لان الموظفة اللى بتخلصلى الورق طلبت فلوس عينى عينك ( شخلل عشان تعدى ) .
المهم امبارح ال 6 شهور خلصوا وروحت للمرور براحتى بقى واديتهم الرخصة ومستنى الجديدة بقى وال 10 ج فى جيبى لقيتهم بعد ساعة كده بيقولولى هتروح تجيب مخالفات من السويس يا جدعان ازاى انتو مش قولتولى ان هدفع 10ج وخلاص قالولى لا لازم تروح السويس يا جدعان بالزوق بالعافية بقلة الادب طب خدو رشوة :zb_sor1[1]:( ربنا يسامحنى ) مفيش فايدة خالص اخدت بعضى ومشيت عشان كان عندى مشاوير وباليل قابلت واحد معرفة قلتله على اللى حصلى رايح مكلم واحد ماسك الموقف بتاع المرور ومن العيال المخلصة روحتله النهاردة وقلتله على اللى حصل قالى ولا يهمك هنشوفلك صرفة وفعلا بعد شوية جالى وقالى الملف لسه مجاش قلتله يعنى هروح السويس قالى لا طبعا قلتله طب هيجددولى مدة تانية لغاية ما ييجى الملف قالى برضه لا قلتله امال ايه العمل قالى هجيبلك المدة كلها اقلتله ازاى قالى هتدفع 200 ج لموظفال.......... وهيعملهالك وفعلا دفعت ال 200 ج وجابلى الرخصة ببقيت المدة وسلملى على الحكومة بتاعت بلدك .وحسبى الله ونعم الوكيل فى بتوع المرور اللى بيضطروا الناس تدفع رشاوى عشان حاجتهم تمشى حتى ولو مش محتاجة رشاوى وربنا يسامحنى على اللى دفعته بس انا كنت مضطر وتخيلو الراجل اللى عملى الرخصة قالى ايه قالى الموظف هيبعت مندوب على حسابه عشان يجيب الملف يعنى الملف كان ممكن يقعد له بتاع سنتين مثلا عقبال ما يجى المرور بتاعى وانا كل 6 شهور اروح المرور اخد جواب اروح السويس عشان المخالفات واجى اخد تصريح تانى ل 6 شهور تانى وهكذا فعلا حسبى الله ونعم الوكيل .

الطلب بتاع شهادة المخالفات فى حالة حضرتك صحيح
وهقولك السبب
مرو السويس اتحرق فى الثورة
ونيابة المرور حتى يومنا هذا فى السويس مش شغالة والسويس للاسف تقريبا هى المنفردة بهذا الوضع المؤسف
فعلشان كدة اى حد بيروح يطلع شهادة كخالفات من السويس بتطلع مفيهاش مخالفات وعلى حد علمى مبيخدهاش من نيابة المرور ......... يعنى شهادة مخالفات شكلية
فعلشان كدة كل مرة لازم تجيب شهادة مخالفات عند تجديد التصريح من مرور السويس
بس خلاص حضرتك خلصت نفسك من الفيلم الهندى دة

المشاركة الأصلية كتبت بواسطة ahmedteam

يا صديقى المواطن البلد دى عمرها ما هيتصلح حالها

الفساد فينا احنا جوانا و اتربينا عليه من اول الغش فى المدارس و الفساد فى المصالح الحكوميه و الخاصه

ازاى عايزين حالنا يتصلح و احنا متغيرناش

يا باشا الشعب ده لازم يتغير مش حد تانى احنا مش فالحين فى اى حاجه غير الفهلوه لا تعليم و لا صحه و لا كوره و لا صناعه و لاجواز و لا .......... عد براحتك

الناس كلها بتطلع لقدام و احنا بنرجع لورا

يتوب علينا ربنا

و دمتم للنضال

+++11111111111111111111111111111111111111
هية دي الخلاصة العيب فينا وهانفضل للاسف كدة على طول
بنقعد نشتكى ونذم واحنا مليانين عيوب من الاساس
ربنا يلطف بينا ويتوب علينا من انفسنا اللهم امين