الموضوع: العربيه اخر سرعه ليها 140 كيلو ومش بتكمل

المشاركة الأصلية كتبت بواسطة ehab_mansour

اين الجديد يا ابوصلاح يا صديقي العزيز ؟؟؟
ده نفس الكلام اللي قلناه من زمان ... ضفيرة جديدة + كنترول يناسب المحرك
اما بخصوص اعادة برمجة الكنترول فده اساسا مستحيل عمله لأني في الحالة دي محتاج يكون عندي البرنامج اللي هبرمج بيه الكنترول اللي هو يناسب المحرك aua و البرنامج ده المفروض يكون مسحوب من علي الكنترول الاصلي للمحرك عشان اشحن بيه شيب الكنترول اللي معايا

طيب ماهو انا اساسا مش لاقي الكنترول المناسب للمحرك و لو لقيته هركبه و انا ليه اساسا اسحب برنامجه و احطه علي كنترول تاني !!!!! ما اركبه هو نفسه و اخلص

اول مره يا بشمهندس اشوفك ما قريتش كلامي كويس اوي
اولاً الجديد في كلامي اني ممكن ابرمجلك الكنترول زي ما انا عاوز بشرط تطابق الكونيكتور و بصرف النظر عن رقمه و بعيدا عن موضوعنا .. لكن انت لو جبتلي بديل صحيح بنسبة 95% اشغلهولك على العربية اللي انت عاوزها
ابرمجه بقا ازاي ... دي بتاعتي انا .. انا معايا الادوات و البرامج اللي ابرمج بيها الكفت باذن الله تعالى

اعادة البرمجه مافيش فيها مستحيل .. ده المستحيل بقا انه ما يتبرمجش الا عند خرابه من الداخل و عطب في الدوائر الاكترونية اكيد مش هيقبل ... و زي ما قلتلك البرامج موجوده و عندي دليل مادي كمان و مش انا اللي عمله ده متجرب في بلاده و موجود ع النت

مافيش حاجه اسمها سوفت وير مسحوب من على الكنترول الاصلي و ارجع تاني افرغه على الكنترول اللي عاوز اشغله مع احترامي لكلامك يا هندسة ... انا اللي اتعلمته ان فيه حاجه اسمها default setting بتتعمل الاول قبل عمل اعادة قرائة للكنترول بعد كدا اي قيمة ناقصة مش مقرية صح او الكنترول مش عارف ياخد قيمتها بوصل تاني و ادخل القيمة اللي تانسب وحده التحكم اللي عاوز اشغلة يدويا على سبيل المثال (cruise control) .... الخ

علشان كدا انا بقولك اني حاسس ان فيه حاجه صقطت منك و انت بتقرا ردي

موضوع السحب و التفريغ ده يا بوب بيحتاج ابروم .. طب ما الابروم اساسا موجود من غير ما اسحب و افرغ و معاه كمان كل السوفت و firmware اللي عاوزه في البرنامج ... انا مش محتاج ابروم لانه موجود ( انترفيس + البرنامج + داتا) و كل ده موجوده من غير ما اسحب و افرغ زي ما انت بتقول

طيب النقطه اللي انت بتقول فيها ان انت اساسا مش لاقي الكنترول ... طب انت بقا عاوز ليه تشغل العربية بالعافية كويس بالكنترولات الموجوده ؟؟؟؟؟؟؟؟؟؟؟ مهو لازم ما تشتغلش زي مهو المفروض الكنترول اساسا اللي اتركب على الماكينة اتعدله دفيرة علشاااان يركب ... و ده يخلينا نبصم بالعشرة ان العربية هتفضل مش مظبوطه حتى و جبت 50 كنترول تاني


انت قلت (( طيب ماهو انا اساسا مش لاقي الكنترول المناسب للمحرك و لو لقيته هركبه و انا ليه اساسا اسحب برنامجه و احطه علي كنترول تاني !!!!! ما اركبه هو نفسه و اخلص ))) !!!!!
تركبه هو نفسه و خلاص على فرض مثلا انك لقيته .. طب و موضوع الكنيكتور بتاع الدفيرة ؟؟؟ هتركبه بردوا بالعافية و هتعدل فيه تاني؟؟؟؟؟؟ ولا لازم يكون هو نفسه !!!

ده مش مبرر اني اعدل الدفيرة علشان اوصل كنترول و اشغل عربية لواحد و امشية و هو اصلا كل الشغل غللللللللللللللللللللط


الجديد بقا اللي عاوزك تعرفة يا بوب .. الراجل صاحب الموضوع بعتلي على الخاص اشارك و ادي رايي ف قلت ابعت اقوله في رساله على الخاص بردوا اني هرد عليه في المنتدى حتى تعم الفائدة و هو ده الاهم


بالنسبة لموضوع برجلة العربية في الدوارة لازم الاول اصلح موضوع الدفيرة و الكنترول .... ما بني على باطل فهو باطل

المشاركة الأصلية كتبت بواسطة soledad

انا اللى بعانى منه حاليا هو الدواره والعربيه بارده بلاقى الماتور بيرعش جامد بس اول ما الحراره تعالى شويه ابطل و ادور الاقى العربيه ظبتت خالص كاننى راكب عربيه تانيه مش عارف ايه السر انى ابطل و ادور

كلنا ذاك الرجل ، انت بتستخدم زيت ايه ؟ نضفت الكاربيراتير او الإنجكشن ولا لاء ؟ اخبار فلتر البنزين ايه ؟ شيكت على الطرمبة ولا لاء ؟

المشاركة الأصلية كتبت بواسطة ehab_mansour

برضه لازلت عند موقفي .... لا جديد
هو انا قلت علي الضفيرة القديمة ؟؟؟ (الضفيرة معناها كل الاسلاك + كونيكتور الكنترول ) يعني لازم نغير الضفيرة

موضوع البرمجة ده انا اختلف معاه فيه ....
كل اللي بيعمل تيونينج او اعادة برمجة لأي كنترول لازم يحصل علي ما بداخلة من برنامج .... يبقي انا عشان ابرمج كنترول مش متوافق لازم اجيب البرنامج المتوافق و احطه و ابرمج بيه الكنترول ده

هييجي منين البرنامج ... من كنترول اخر

متكلمتش خالص عن ادوات ولا سوفتوير ولا غيره لأن دي قصة تانيه خالص

انا ماليش علاقة اني اعرف او معرفش مين بعتلك و ليه ..... دي حاجه بينك و بين العضو و مش موضوعنا ..........موضوعنا اللي تناقشني فيه هو ما اتحدث عنه ............اين و كيف الحل !!!!

و انا مبحبش النقاش و الجدال الفارغ .... اين الحل .... بس شكرا
لذلك فهو اخر تعليق لي حول الموضوع الي ان يجد جديد يلزم الحوار
دمت بود يا صديقي العزيز

هو دا افضل الحلول ضفيره بكنترول بس الفكره زى ما قال م/صلاح مين بقى اللى هيعرف يقفل الضفيره فى الاماكن المظبوطه خصوصا شكل الظفيره بيختلف من ماتور لاخر

على فكره موضوع تعديل الضفيره هو على كلام اللى سقط قال انو معديلش حاجه غير الفيشه اللى داخله للرشاشات
بيقول عكس الكبل فقط