الموضوع: خدمة عملاء أدفعلي........حاجة تفقع

المشاركة الأصلية كتبت بواسطة Ahmed_Adham

هوه مش بيفتح الحاجه اللي بتجيلك وبالتالي وارد تطلع من التاجر اللي حضرتك اشتريت منه بايظه وحتى لو اشتريت مباشره من أي تاجر هيسمحلك فعلا بتبديل أي حاجه بايظه بس الشحن رايح جاي على حسابك وبيوصل في حالات كتير ل 30% من تمن السلعه.

بياخد فلوس مقابل انه مسهلك الشرا من تجار كتير جدا مش بيشحنو الا داخل أمريكا وقبل كده كانو بيسهلو الشرا من ايباي بما ان باي بال مكنش شغال في مصر ده غير ان فعلا تكلفه الشراء من خلالهم كانت أقل من الشرا المباشر يعني أنا كنت موفر في جزمتين اشتريتهم عن طريقهم من أمازون حوالي 450 جنيه عن سعر التوكيل هنا.

وممكن يكون شغل باي بال بقى قليل عليهم فمبقوش يشحنو بنفس المعدل فبقت الحاجات تتأخر أصل أنا مشتريتش منهم من فتره بعد ما لقيت ان أسعارهم زادت بشكل ملحوظ ده غير اني مش بلجألهم الا لو كانت التاجر اللي بشتري منه بيشحن داخل أمريكا بس ومش لاقي بديل تاني بس كان ليا معاهم على الاقل 3 مرات تعامل كانو كلهم ممتازين وده طبعا مش معناه ان دايما التعامل معاهم هيبقى بنفس الدرجه.

خلاصه الموضوع ان متشتريش من خلالهم الا الحاجه اللي انت مش مستعجل عليها انما لو مضطر بسبب عدم توفر نفس المنتج في مصر أو ان فيه فرق حلو بين السعرين يبقى مضطر تستحمل عيب التأخير.

يا باشا أنا عادة بستخدم Shop & Ship و مؤخراً علشان كان عندي كريدت كارد فيه مشكلة كبيرة و كنت عاوز أشتري من برة على طول من غير أستخدام الكريدت كارد.........علشان كده أخترت أدفعلي.

خلينا نفرق بين حاجتين هنا....

أولاً أنا مش مشتري حاجة موجودة عندهم هما ولا فى المواقع اللى شغالين معاها.....مشتري من مكان تاني خالص.....يعني مفيش مجال للتوفير هنا.

هو الخدمة اللى بيقدمها المفروض يبقى مسؤل عنها..........زي بالظبط ما تطلب حاجة كماليات مثلاً للعربية من التوكيل........special order هل التوكيل ساعتها ممكن يقولك معلش أصلها وصلت مكسورة أو وصلت مش شغالة و هتاخدها زي ما هيا ؟

المواقع المحترمة على الأنترنت لو بعتت لك حاجة و طلعت مش زي ما أنت طلبت ( مش مجرد مش شغالة أو مكسورة) بيتحملوا هما الشحن.....و حصلت مع أكتر من واحد أعرفه.

و ده ميمنعش أن كلامك صح لبعض المواقع و التجار على ebay.....بس أنا لو بشتري من ebay أو موقع مش موثوق فيه........بسأل عن الكلام ده الأول بس بتكون مسؤوليتهم تسليم الحاجة لحد أرامكس سليمة و بعد كده هما ملهمش دعوة بحاجة.

أرامكس فى أكتر من مرة بتكون الحاجة اللى أنا شاريها من على النت جايلهم عن طريق فيدكس أو DHL و بيفكوا التغليف بتاعها و بيغلفوها هما.

المشاركة الأصلية كتبت بواسطة Edfa3ly.com

أستاذ أحمد في البدايه أحب أعتذر لحضرتك جدا عن اي سوء تفاهم حصل ولازم حضرتك تتأكد من اننا في ادفعلي بنهتم ونقدر وقت عملائنا جدا وبنكون حريصين أشد الحرص ان العميل يكون سعيد بالتعامل معانا حتى لو كان على حسابنا.استئذن حضرتك في البدايه برقم الأوردر علشان أقدر اتابع المشكله بنفسي.

متشكر جداً لرد حضرتك و هبعتلك رقم الأوردر على الخاص حالاً.

المشاركة الأصلية كتبت بواسطة Trondo

معظم المواقع مش بتغطى سعر الشحن للمرتجعات
بيكون على العميل عادة

و الشركه دى مجرد وسيط فقط وليس ضامن
يعني لو التاجر شحن لك شحنه فيها ورق كرتون علي انه موبيل ووصلك كده

الشركه ليس عليها اى مسئوليه .

انا بتعامل فى الشحن بكل انواعه من 10 سنين واتعاملت معا شوب اند شيب و بوردر لينكس
متعملتش معا ادفعلى و معنديش تقييم ليها علشان الشحن و الدفع اساس شغلى فاعندنا حسابات
فى كل الدول اللى بنشحن منها و لكن حبيت اوضح النقطه دي لصاحب الموضوع

شكراً يا باشا على الإضافة بس أنا فاكر كويس أني أتعاملت فى كذا حاجة من على ebay و كان أي مشاكل فى المنتج ( مش هو اللى أنت طالبه...مكسور الخ ) داخل نفس الدولة ( أمريكا أو أنجلترا) بيرجع على حساب البايع.

مع العلم أني كنت بشتري حاجات مش ألكترونيات عادة بس ساعات كانت بتبقى قابلة للكسر.

و مرة من فترة أشتريت موبايل من على النت مستعمل بعد ما واحد صاحبي قعد يزن عليها أشتري معاه............و بعد لما وصل كان فيه مشكلة و مش شغال بعتت للموقع و طلبوا مني عنوان ياخدوا منه الموبايل........يعني لو كان التليفون متباع فى أمريكا عادي كانوا بعتوا courier ياخده و يعمل refund او يستبدلوه.

المشاركة الأصلية كتبت بواسطة Secret-Man

ياجماعه المواقع ديه استرزقت حلو اوى فى فتره اغلاق موقع Payapal فى مصر واكتر تجار الاى باى كان بيستخدمو الباى بال

بعد مافتح الباى بال وسهوله حصولك على كريدت كارد من اى بنك ايه المشكله انت تعمل حاجتك بنفسك

وتتجنب العمولات والتاخيرات والمشاكل ديه كلها والموضوع ابسط مايكون

واى حد منتظر شرح حاجه انا تحت امره

الطبيعي أني بعمل كده.......بس حالياً عندي مشكلة فى الكريديت كارد.