السلام عليكم
بعد اذنكم كنت عاوز اسأل علي حاجه بخصوص الفتيس
انا نويت اغير زيت الفتيس وفعلا طلب زيت cvt 5 لتر
فهل مع غيار الزيت ده للفتيس محتاج أغير فلتر الفتيس ولا لا
انا أول مره فمعنديش خبره في الجزئية دي ومعرفش الصح إيه
وشكرا
عرض للطباعة
السلام عليكم
بعد اذنكم كنت عاوز اسأل علي حاجه بخصوص الفتيس
انا نويت اغير زيت الفتيس وفعلا طلب زيت cvt 5 لتر
فهل مع غيار الزيت ده للفتيس محتاج أغير فلتر الفتيس ولا لا
انا أول مره فمعنديش خبره في الجزئية دي ومعرفش الصح إيه
وشكرا
لا متخافش الطبه فيها مغناطيس بتجمع الرايش
الفتيس بياخد 9 كيلو زيت مش 5 و من ال 9 كيلو دول فيه كيلو غسيل يعني بيشيل 8 كيلو و كيلو للغسير ولا يوجد فلتر
ال cvt فيه فلتر بس جوه الفتيس وعشان يتغير لازم تفتح الفتيس وده مش ممكن ابدا ولا حت التوكيل بيعمله ولا حتى تغيير فلتر الفتيس موجود في جدول الصيانات بتاع ميتسوبيشي
شكرا يا فندم معلومة جديدة كليا عليا والف شكر للاستفاده
مهو لما بينزل من الطبه بياخد خمسه لكن بمكنه الشفط بياخد ال8 فانا عندي الزيت نضيف انا بس هجدد علشان الارتياح فهنزل من الطبه علشان كده جبت ال5 لتر
الف شكر يا فندم علي الافاده ودي معلومة برضك جديدة تماما عليا وان شاء الله نتعلم دائما من معاليك
سيدى الفاضل
اشترى 2 جركن زيت فتيس من دياموند موتورز
و بعدين تروح تغير الزيت عند الرواس اللى فى قليوب
بيتم تغيير الزيت امامك بجهاز بسيط جدا ...بعد نزول الزيت القديم بيتم الغسيل بواحد لتر ثم تغير 8 لتر و يتبقى لتر معاك من الجركنين و التغيير لزيت الفتيس بيكون كل 40000 كيلو و بياخدوا منك فى العملية دى فى حدود 60 جنيه
بالتوفيق
المتخصصون بيغيروه دلوقتي ال 8 لتر بطريقة جديدة بدون جهاز شفط و قدام عيتك برضة
حضرتك ان لسه شاري الجركن 5 لتر مخصص لمتسوبيشي لان خد بالك في حاجات sp iii بس متنفعش للانسر فالافصل الخاص بالعربية وده جيبته من معرض شباب مصر كلمتهم ووصلهولي لغاية البيت ب35 جنبه وهما موضوع اعلاني هنا واعتقد انه في التوكيل ب250 تقريبا
شكرا يا معالي الباشا
ومنتحرمش من ارائك المتميزة دائما
اظن الطريقة دي قريتها في ال service manual بس بتاع ال 2000 سي سي
بتفك الخرطوم اللي رايح من الجيربوكس للرادياتير (موجود في الراديتير من تحت خالص في نص الرادياتير) وتدور العربية لحد ما الزيت كله ينزل او لمدة دقيقة على الاكثر وبرده بتفك الطبه عشان تنزل باقي الزيت وبعدين تحط زيت تاني وتعيد تدوير عشان ينظف وفي الاخر توصل الخرطوم وتقفل الطبه وملى لحد المقياس
ملحوظة: انا مش فاكر الخطوات بالتفصيل ولا كمية الزيت المستخدم للتنظيف
والله أعلم
مجهود رائع