عندي مشكلة في البايك بتاعي عايز مساعده cbr 250rr

**Yahya Alsaya7** · 03-11-2013 05:39 PM

السلام عليكم ورحمه الله وبركاته

انا أول مره ابقا معاكم في المنتدي الجميل ده يرجاله

اعرفكم بنفسي

يحيي عبدالراضي

من الغردقه

18 سنه

انا اشتريت موتيسيكل من بن خالتي 250 فير موديل 91 فا هو في مشكله كبيره جدا

إن الموتيسيكل حالل قبل كده

والفيبر في خدوش بسيطه

وعايز طقم صمامات

طبعا انا عمري ما اشتريت موتيسيكل ريس قبل كده ونفسي اشتري واحد بجد وهو كان طالب فيه تسع تلاف انا خاته بـ ست تلاف

فا انا عايز اعرف في حل إني أظبط الماكنه دي في اي مكان يعني طقم الصمامات بكام وفين الفيبر اوديه انهي مكان يرجعهولي زي الجديد ممكن اوديه مكان لو كان حتي في القاهره يرجعهولي جديد مش مهم الفلوس

واهم حاجة الموتيسيكل حالل اية الحل بتاعه علشان ميقرفنيش بعدين تبقا معايا زي الجديده

ولو حد فيكم حد يعرف ميكانيكي كويس ف القاهره او إسكندرية اودهالو مفيش مانع

بس اهم حاجة يظبطهالي ومتتعبنيش بعدين

مستني رئيكم يا رجالة نايل موتورز

**alfath8** · 03-11-2013 07:31 PM

الله يكون فى عونك
لو كنت سالت قبل ما تشتريه كنت نصحتك متجيبوش

**ahmedelarabi** · 04-11-2013 01:46 AM

هو سعره مش وحش بس محتاج مصاريف كتير

**tamertamer** · 04-11-2013 08:47 AM

هات مكنة متور استيراد يعمل 6 وبلاش ترمى فلوسك

**Yahya Alsaya7** · 04-11-2013 03:03 PM

يا رجالة انا بقلكم الحل اية انتو كده من ردكم خلتوني كرهت الماكن كله

أكيد كل حاجة وليها حل الماتور اعمل اية فيه اجيب واحد جديد منين وبكام او اوديها لصنايعي شاطر يرجعهالي زي الاول

**KHALED2010** · 20-11-2013 01:06 PM

موتور ب 7.5 وريح نفسك لان مافيش صنايعى هيعرف يرجعهالك زى الاول
وليك الاسعار
طقم صبابات 16 صباب
الواحد الصينى ب 45 جنيه وده فاشل ومش نافع وراس الصباب بتتكسر
اليابانى الواحد ب 195 اضرب بقي فى 16 ولسا عايز روديه على القواعد بتاعت وش السلندر على 16 قاعده ب 160 جنيه الروديه كامل تيجى بقي لضبط التاكيهات بحوال 250 جنيه
ديه الاسعار ال انا كنت شغال بيها قبل ما اقفل الورشه واسافر
وتكشف على السبايك بالمرة ياترا عمود الكرنك فيه حاجه ولا خارط قبل كده ولا ايه ولسا المصنعيه حوالى 1000 جنيه يعنى انتا دخلت فى 6000 جنيه تقريبا احس حاجة موتور استيراد ب 7.5 وبياخد القديم خالد التونى كان عنده موتورين عاده وواحد فاير العاده كان ب 7.5 ممكن يكلم فى الفاير ب 8000 كلمه وحاول معاه والورق بياخد شهر بتاع الموتور خلص المحرك الاول وبعدين تبقى تشوف الفيبر بس هيا الغلطه انك خدت ماكينة محلولة قبل كده ويفضل تغيير الموتور لان احنا داخلين على الشتاء علشان الماكينة ماتقرفكش فى الدوارة ولك منى السلام تحياتى khaled 2010