انا مش لاقي عربيه الانترا

**bellcronary** · 06-11-2013 10:19 PM

السلام عليكم و رحمة الله...يشرفنى أن أنضم معكم فى هذا الموضوع
أخى اللى بيدور على على عربيه أنصحك بانك تخش على موقع .......cars و الله بجد فيه حاجات لقطه بس متخدش كلامى عالعموم .....أى عربيه تعجبك كلم صاحب الاعلان و اسئله عن اللى انت عايزه و حدد ميعاد و شوف العربيه و ألب فيها براحتك.....أنا بؤلك الكلام ده كله ليه ....لئنى اشتريت عربيتى بنفس الطريقه.....أنا اشتريت النترا مانيوال توكيل كامله فضى2011 فى شهر 7 اللى فات قبل رمضان علطول العربيه كانت عامله 17600 ك العربيه بفضل الله كانت فعلا كسر زيرو ...هو طبعا توفيق ربنا كان معايا.....أفضل شىء انك تشترى من أسره مش من تاجر...أنا اشتريت العربيه وكنت عارف انها رشه ربع كبوت و تقريبا تلت الاكصدام الامامى و صاحبها كان عاملها كسوه فرش واستلمت العربيه معاها 2 مفتاح و الكتالوج و فواتير الصيانه...... كان سعر العربيه 85000 جم بس دفع نص الضريبه لانه كان عايز يعمل عقد بيع مسجل فيعتبر سعر العربيه 84200
و عن تجربتى بعد مااشتريتها فعلا حسيت بمتعه القياده البور و السحب ( انا كان معايا لانوس 2011) العداد عامل معايا دلوقتى 25200 هو أنا طبيعه شغلى فيها سفر كتير و ده اللى خلانى أعمل حوالى 8000ك فى 4 شهور .......استهلاك البنزين اكثر من رائع بالرغم انى فاتح التكييف تقريبا طول ما أنا ركبها.....عزل الكبينه عن الخارج و عن الكبوت جيد جدا....مساحة الصالون رائعه.....بس عيبها فى المطبات لو حد راكب ورا بتحف لازم تاخد المطب بالعرض مع ان العربيه تبان عاليه ....بصراحه انا متحيز جدا للالنترا .......و بشجع حضرتك انك تدور و ان شاء الله هتلائى

**ahm.mngm** · 07-11-2013 01:12 AM

بس 85000 مش كتير في مانيوال؟؟

هوا الموقع اللى حضرتك كتبته اتشال مش عارف قصدك على كونتكت ؟؟

المشكله ان اغلب العربيات فى القاهرة وعشان اروح اشوف حاجه هيبقى مشوار رخم ، دا اللى مخلينى اشوف حاجه هنا

شفت النهارده واحده 2009 فتحه وجنط عامله 120 الف كيلو للاسف رشه باب ومطلوب 95 الفه جنيه !!!

**Hacker5** · 07-11-2013 11:35 AM

المشاركة الأصلية كتبت بواسطة ahm.mngm

بس 85000 مش كتير في مانيوال؟؟

هوا الموقع اللى حضرتك كتبته اتشال مش عارف قصدك على كونتكت ؟؟

المشكله ان اغلب العربيات فى القاهرة وعشان اروح اشوف حاجه هيبقى مشوار رخم ، دا اللى مخلينى اشوف حاجه هنا

شفت النهارده واحده 2009 فتحه وجنط عامله 120 الف كيلو للاسف رشه باب ومطلوب 95 الفه جنيه !!!

للاسف ليه ؟
مش مشكلة ان فيه باب مرشوش دة مايعيبش العربية
اكشف عليها و شوفها سليمة ولا لاء و حاول تفاصل معاه

**bellcronary** · 07-11-2013 02:27 PM

المشاركة الأصلية كتبت بواسطة ahm.mngm

بس 85000 مش كتير في مانيوال؟؟

هوا الموقع اللى حضرتك كتبته اتشال مش عارف قصدك على كونتكت ؟؟

المشكله ان اغلب العربيات فى القاهرة وعشان اروح اشوف حاجه هيبقى مشوار رخم ، دا اللى مخلينى اشوف حاجه هنا

شفت النهارده واحده 2009 فتحه وجنط عامله 120 الف كيلو للاسف رشه باب ومطلوب 95 الفه جنيه !!!

و اللة يا باشا بالنسبه للسعر بعض الاصدقاء قالو ان كان المفروض تنزل كمان 2000 ج بس بصراحة أنا لما شوفت العربيه و كشفت عليها شبطت فيها زى العيال (مش ماشيه الا 17 ألف ك بس!! يعنى فى عرف سوق المستعمل كسر زيرو) طبعا ده فى الشراء مش صح بس عموما حضرتك تأكد أن الغالى فعلا تمنه فيه
بالنسبه للموقع هو فعلا كونتكت كارز......أعتقد حضرتك ان العربيه اللى حضرتك بتؤل عليها ممكن تفاصل فيها لغاية 90 ألف و نصيحه متنساش بنفسك تجرب:
1- البور امشى بيها و لف يمين و شمال عالاخر ولاحظ لو فى طئطئه تحت ايدك فى الدركسيون
2- التكييف عند التشغيل هل الموتور بيتهز جامد و لاتنسى اختبار مفتاح الاداء الاقصى للتكييف
3- جرب مزيل الصقيع عالزجاج الخلفى
4- جرب الولاعة و مخرج ال12 فولت
5-زجاج الكهرباء بتاع الاربع أبواب
6- المريات الكهرباء
للاسف انه لما تيجى تكشف عالعربيه بيتم التركيز عالصاج و المكنه...... طبعا دول مهمين جدا بس برده لما بتلائى حاجه من الحاجات اللى فاتت مش شغاله بتنكد عليك و خاصة ان الفلوس اللى مدفوعه كتيير
أرجو من الله عز و جل ان يهيئ لك الخير و يرضيك به

**ahm.mngm** · 08-11-2013 04:12 AM

هوا رشه باب فعلا مش مشكله بس المفروض كله بتمنه برضه ، غير الباب هوا فى حاجتين مخلينى متردد ان لونها بتنجانى وانا مبحبوش هوا ولا الاسود ، ثانيا موضوع ال 120 الف كيلو !! هيا كده بالنسبه لموتور هيونداى تعتبر استهلكت كفايه والا لسه فيها عمر بدون مشاكل كبيره ؟؟؟؟

**Hacker5** · 08-11-2013 02:30 PM

المشاركة الأصلية كتبت بواسطة ahm.mngm

هوا رشه باب فعلا مش مشكله بس المفروض كله بتمنه برضه ، غير الباب هوا فى حاجتين مخلينى متردد ان لونها بتنجانى وانا مبحبوش هوا ولا الاسود ، ثانيا موضوع ال 120 الف كيلو !! هيا كده بالنسبه لموتور هيونداى تعتبر استهلكت كفايه والا لسه فيها عمر بدون مشاكل كبيره ؟؟؟؟

بالعكس اللون البتنجانى من الالوان الشيك جدا و كان نفسى اجيبه لكن ماكنش موجود و انا بشترى
انا بايع عربية عاملة 180 كيلو تشوفها تقول زيرو
ماتهتمش بالعداد لان العداد سهل اوى يتلعب فيه و انا شوفت عربيات هيونداى كتير ماشية اكتر من 300 الف كيلو و موتورها بحالته
اهم حاجة الصيانة تتعمل فى معادها و العربية هاتعيش معاك
اكشف على العربية كويس و حاول تنزل شوية فى السعر و لو سليمة خلص فيها

**ahm.mngm** · 08-11-2013 04:39 PM

المشاركة الأصلية كتبت بواسطة hacker5

بالعكس اللون البتنجانى من الالوان الشيك جدا و كان نفسى اجيبه لكن ماكنش موجود و انا بشترى
انا بايع عربية عاملة 180 كيلو تشوفها تقول زيرو
ماتهتمش بالعداد لان العداد سهل اوى يتلعب فيه و انا شوفت عربيات هيونداى كتير ماشية اكتر من 300 الف كيلو و موتورها بحالته
اهم حاجة الصيانة تتعمل فى معادها و العربية هاتعيش معاك
اكشف على العربية كويس و حاول تنزل شوية فى السعر و لو سليمة خلص فيها

انتا عارف الالوان الغامقة وحب ممارسة فنون الكتابه والرسم عليها