يا بيه فى حاجة إسمها لائحة جزاءات موجودة فى كل الشركات المحترمة تطبق عليها اللائحة الأول وتبقى هى الفيصل بينكم لو غلطت فى حاجة تحولها للتحقيق . لكن حضرتك طاوعتها وسيبت ليها الحبل على الغارب وبعدين قمت فاصلها بدون سابق إنذار .
عرض للطباعة
يا بيه فى حاجة إسمها لائحة جزاءات موجودة فى كل الشركات المحترمة تطبق عليها اللائحة الأول وتبقى هى الفيصل بينكم لو غلطت فى حاجة تحولها للتحقيق . لكن حضرتك طاوعتها وسيبت ليها الحبل على الغارب وبعدين قمت فاصلها بدون سابق إنذار .
كنت حعمل زيك بالظبط
يا باشا فى بولسى للشركه و لا انتو شغلين ازاى
3 خطبات انزار و بعدين ترمنيشن و شكرا لاكت الترمناشن من غير خطباط الانزار ده ظلم
و كنت كلم ال h r كانو شافو حل
ااكن ده معلش فصل تعسفى و لو رحت مكتب العمل هتعملكو حوار
طبعا كلامى ده لو حضرتك فى السعوديه زى مامكتوب
لاكن لو فى مصر اديها بالشالوط عادى هههههههه
دى مصر ام الدنيا يعنى ام السعوديه اصلن
تحياتى
اه متشعرش بلزنب البزنس ملوش قلب لان لو وقعتك محدش هيسمى عليك
سيدي الفاضل
العلاقة الوظيفية لا تحتمل المشاعر الانسانية و العواطف و مشكلتنا كشرقيين و عرب اننا بنخلط البزنس بالمشاعر
ياما بنشوف ناس المفروض تترفد بس "معلش" و "عشان الظروف" الخ الخ الخ
و موضوع امها و دعاءها عليك و خوفك و شعورك بالذنب ....... انت ما ظلمتهاش و الدعوة بلا ظلم و لا كانها حصلت
دي واحدة غير ملتزمة و هتقرفك و لو رجعتها و الله هتوريك السواد اللي ما شفتوش قبل فصلها
ما تحسش بالذنب ..... انت عملت الواجب تجاه المؤسسة و اصحابها و مالهم اللي انت مؤتمن عليه اللي كان بيروح هدر
انت اتاخرت كتيير علي الخطوة دي والمفروض الفصل يحصل من زمان و رأي انك تنسي خلاص الموضوع دا.. وضميرها فيين وهي بتقبض مرتب هي عارفة انها مشتغلتش بيه وافتكرت نفسها ناصحة وهي بتحرجك كل مرة بظروف ملهاش نهاية..
قرار الفصل صائب ومفيش تئنيب ضمير ولا حاجه والواسطه اللي عرفت تجيبها المكان ده تقدر تجيبه في مكان تاني ومحدش بياخد رزق حد
أنا موظف في شركة أرامكو ونظامها المتعلق بالموظفين مرتبط بالمدير مباشرة
حتى درجات التقييم محدودة مش كل الموظفين هياخدوا تقييم كويس حتى لو كلهم كويسين
ومش كلهم هياخدوا سيء حتى لو فيهم سيء
عشان كدا الفساد منتشر فالشركة ومش بياخد حقه إلا اللي مديره عنده ضمير
وفيه هدف إتجاه السعوديين تدريبهم وخصوصًا عدد الموظفات ( النساء )
والبنت من ضمن الفئة دي
فكنت صابر عليها بسبب النقطة دي هما مش عندهم مشكلة يصرفولها مرتب حتى لو موظفة تقييمها سيء
فكنت حاسس إن الهدف من وجودها تتعلم حاجة تنفعها وكان ليها دورات كتير ممكن تحضرها لكن هيا مش متدربة موظفة
دا بخلاف إن تصرفاتها ممكن مدير تاني يقبلها ودا اللي كان حاصل قبل كدا كانوا ساكتين عليها
لكن أنا مقدرتش أستحملها وهيا كانت مستهترة أكتر لإن الموظفين في ديارتنا معظمهم شباب فالوضع كان مش ممكن يتسكت عليه
لكن أنا مفصلتهاش إلا وأنا واخد وعد من المدير إنه هيوصي عليها فشركة تانية
و بعد مافصلتها غير كلامه
عمري ماكنت هقدم على فصلها لو مكنش قالي كدا
السعوديين محتاجين دعم كبير دي بلدهم في النهاية
يمكن الإنسانة دي متوفرتلهاش الفرصة تتعلم كويس
والأسعار نار والحياة صعبة هتعيش منين لو ملهاش حد يصرف عليها
مامتها قالتي إنها بتعالجها
ممكن يكون تفكيري مفهوش إنسانية في الشغل لما يكون فيه منظومة إنسانية الإنسان يقدر يعيش فيها مرتاح
لكن بالشكل دا صعب أنسى ببساطة كدا
طالما حضرتك عملت ما يمليه عليك ضميرك و بدون ظلم لأحد فلا تهتم لرد فعلها هى أو والدتها التى لم تُحسن تربيتها . .
صبرك عليها كل هذه الشهور لم يترك لها أى عذر بل انت الملوم على تركها كل هذه المدة .
من يلتحق بعمل عن طريق واسطه يبدو عليه من اليوم الأول إن كان بتاع شغل ولا جاى يلعب .
من يتوسط لأحد فى عمل يجب أن يضع فى إعتباره أن يخدم الطرفين كلاهما ( المؤسسة + الموظف نفسه ) .
مع احترامي اتاخرت لكن لحقت نفسك .... الشغل شغل ومتزعلش لو ظهر بعدين في الشغل كلام كان بيتقال عليك بيتهموك انك انت اللي كنت مقويها علشان كنت مديرها المباشر ومسؤول عنها طول مدة عملها..... خدها مني نصيحه يا أخي سواء كان موظف او موظفة من اول يوم شغل لازم حسب قوانين الشركة لازم مدير القسم يقعد في اجتماع مع كل موظف جديد يشرحلة الرؤيا و المهمة الخاصة بالشركة و قوانين الشركة ودورة في القسم وانا كمان بزود عليها حقنة من عندي عن اداب التعامل داخل القسم والالتزام بالترتيب والنظام والحضور والانصراف وحدود التعامل مع الزملاء عايز اقولك ان احيانا بعد الاجتماع ده في موظفين مبيرجعوش تاني..... تقدر تسميها تصفية بدري بدري لكن اللي بيكمل بيكون فعلا جاي يشتغل وبنمشي رسمي تإخير اكتر من ربع ساعة في ساعتها يمضي ورقة اسمها ديسكشن فورم واللي يغيب زيها مع الخصم ومن اول 90 يوم نراجع الملف واللي ملفه خفيف يستاهل وادائة مقبول يكمل ونفتح العقد بسنتين واللي ملفة تقيل ومفيش أداء يعني بيدلع يروح ......ممكن يكرهك لكن بيحترمك علشان ماشي صح وقت الشغل شغل مع تقدير اللي يستاهل ووقت الضحك مش عيب لكن بحدود.... لكن احسن من اللي يضحكلك ومستضعفك ومستني اللحظة اللي يبيعك فيها وانت فاكره ملاك او فاكر انك ملكش دعوة علشان مش انت اللي معينه...... ونصيحة كمدير اخدت قرار خلاص خلصت يتنفذ وخليك قد قرارك ..... علشان قراراتك هي خلاصة شغلك الموظفين اللي تحت منك بيترقبو رد فعلك علشان يقلدوها لو لزم الامر والمديرين اللي اعلي بيتراقبو رد فعلك علشان يقيموا ترقيتك الجاية ممكن تكون قريب ولا هتطول في مكانك ؟ .....واعرف انك كل يوم بتبني وبتأكد شخصيتك في شغلك عن طريق فريقك القوي اللي بيحترمك علشان بشخصيتك تقدر تفرض احترامك علي الكل لكن متقدرش تجبرهم يحبوك !!!!! ... اثبت وانسي اللي ميسدش في مكان ميستاهلوش علشان متضيعش حق حد يستاهل وافتكر انت نفسك مدير في مكانك علشان تشتغل وتشغل موظفينك مش علشان تراضيهم ويحبوك ولسة اللي جايلك طول ما انت مدير لازم تكون قدوة واتعود شغلك في المكتب وبس اوعي تشيلة معاك للبيت علشان انت بتقبض مرتب شغل 9 ساعات في اليوم بس والمفروض تعيش ال15 ساعة الباقية لنفسك ولأهلك....... متزعلش من كلامي انا بكلمك عن تجربة ونجاحها انا فخور بيه جداً .........تحياتي من مكة (: