السلام عليكم ورحمه الله وبركاته
ازيكم يا جماعه
انا محتاج افضفض شويه الصراحه
انا استلمت شغلى الجديد فى شركه خاصه من شهرين تقريبا
انا خريج تجاره وعارف انى هروح الشركه اشتغل شئون قانونيه
خدها قاعدة ماحدش خريج تجارة بيشتغل فى مجالة !
انا ماليش علاقه بالقانونيه بس ماسك جزء صغير من الشغل
هىى حاجه مهمه جدا انا عارف بس صغيره جدا لانى لازم ابقى مرتب علشان ترتيب الشغل كله وتنظيمه من خلالى ياعنى استلام ورق وتسليمه وال dead line عندى
عندى مشكلتين من ساعه ما اشتغلت
الاولى : انا طول اليوم قاعد مش بعمل حاجه كبيرى اووى اشتغل فى اليوم ساعه او اتنين ودا غصب عنى بطبيعه الجزء المنسوب لى
حاسس ان المرتب اللى باخدوا مش من حقى
الوقت اللى بيضيع وانا مش بنجز فيه شغل محسوب على مستقبلى
احساس ان كل اللى حواليا محامين وشغالين طول اليوم وانا مش بعمل حاجه احساس رخم جدااااا
طالما بتقوم بشغلك على اكمل وجهه يبقى مسؤلية تشغيلك دى تقع على مديرك مش مسؤليتك انت اهم حاجة انك تخلص شغلك المطلوب منك صح وفى وقته دون تأخير ومهما كان شغلك بسيط بس اكيد مهم يعنى تخيل لو انت مش موجود فى مكانك اكيد الدنيا حتتلخبط يبقى ازايي انت شغلك مالوش لازمة وحكاية المرتب كبير على كمية الشغل ده تقدير مدير الشغل لوظيفتك كده فانت ضميرك وجعك لية هل انت اشترطت علية المرتب ده ولا هو اهبل مثلا وبيبقشش عليك خلى بالك القطاع الخاص بيدفع الجنية ويكسب من وراه 1000 ؟؟؟
كلمت مديرى كذا مره ولا حياه لمن تنادى
المشكله التانيه هى مديرى
بصراحه جبت اخرى من اسلوبه المستفز جداااااا
مافيش اى حاجه بترضيه
عايز يحاسبك على اى حاجه حتى لو انت متعرفهاش ياعنى فى البدايه كان بيحاسبنى على انى مش عارف نظام الشركه وسمعت كلام زى الزفت طيب ماهو دا الطبيعى انا لسه داخل الشركه جديد ومحدش قالى على ترتيب الشغل والاوراق بتروح فين وبتيجى منين الكلام دا اول اسبوع على فكره
انا كنت شغال فى المجال دا قبل كده اصلا بس معلوماتى عنه كشغل لكن طبعا نظام الشركه بيختلف من مكان لاخر
دا غير اسلوبه الناشف اللى دايها يحسسك انك مالكش لازمه اصلا
دى طريقة كل المديرين وخصوصا لما يكون الشغل مرتبط بية ارتباط مباشر بيحتاج انك تفهمة من غير مايتكلم فانت اصبر شوية لغاية ماتفهم الشغل كويس وطالما انت شايف انك شغال صح وراضى ضميرك ماتهتمش بتعليقاته وفيوم حتلاقيه مايقدرش يستغنى عنك
بصراحه حالتى النفسيه بقت زى الزفت وكل ماقول استحمل وعدى الاقى لازم يحصل حاجه تانيه تخلينى ابقى مش طايق نفسى ولا طايق الشغل
انا واخد الشغل دا خطوه علشان المرتب بس كويس انى اطور من نفسى فى المحاسبه اللى هو مجالى اصلا وبعدين اشوف فرصه تانيه لانى مهما اتعلمت فى شغلى الحالى مش هيفيدنى فى حاجه لانى مش محامى اصلا
بصراحه اتخنقت ومبقتش طايق نفسى ولا حتى طايق الشغل ووصلت لمرحاه انى بقيت بقول انت مالكش لازمه اصلا
كل الشغل متعب ومفيش حد بيحب الشغل اللى بيشتغلة وكل الأعمال فيها مشاكل لكن لازم يبقى فية هدف امامك وده حيخليك تصمد وخلى هدفك انك تعدى المرحلة دى من العمل لغاية ماتلاقى عمل تانى حتى لو مرتبة اقل تلاقى نفسك فية فركز فى شغلك ده وحاول ماتفكرش كتير وربنا حيوفقك طالما انت مخلص فى شغلك مهما كان بسيط او سهل وربك المستعان !!!