انا يا جماعه هاشتري بطاريه جديده كنت حابب اعرف الجافه ولا السايله انسب للفيرنا؟
و ايه انضف و احسن نوع ويعمل كام و لو هابيع البطاريه القديمه للعلم هي سايله و فيها ربع ضارب ؟
ياريت حد ينصحني
عرض للطباعة
انا يا جماعه هاشتري بطاريه جديده كنت حابب اعرف الجافه ولا السايله انسب للفيرنا؟
و ايه انضف و احسن نوع ويعمل كام و لو هابيع البطاريه القديمه للعلم هي سايله و فيها ربع ضارب ؟
ياريت حد ينصحني
اولا هات جاف انضف بكتير
اما عن تجربتي الخاصة
انا جايب Ac Delco 55A من سنة و 8 شهور تقريبا
منهم اخر 3 شهور كانت العربية بتتصلح والبطارية فضت شحن وكنت مرعوب انها متقومش تاني
اتشحنت على التونجر وقامت تاني زي الفل
فأعتقد انها بطارية نضيفة جدا
اما عن سعرها حاليا مش هقدر افيدك فيه
صديقي المواطن
قولا واحدا إنت تنسى موضوع إن لسه فيه بطارية سائلة وتروح تشتريها ده تخلف ورجوع إلى الوراء وحتقرفك أولا لازم حتخرب مكان قاعدة البطارية وممكن وإنت بتشيل وتحط نقطة أسيد تقع هنا ولا هناك تخرب البوهية وكل شوية محتاج تغسلها وكمان لو مرتين تلانه الشحن ضعف السائل سيتحول إلى مياه وتعال إشتري مية نار للبطاريات وروح وتعال وإشحن وتونجر وضرب فيها كويل وإلحق يا جدع وحل ولحم بلاستك دي أيام سودة أيام البطاريات السائلة يا ربي لا تعيدها فتشقينا بها
بطاريتك لو بعتها ناس تاخدها ب 40 وناس تاخدها ب 50 جنيه وخليني أعلمك شيء في سوق حياة البطاربات في مصر إياك ثم إياك تشتري البطارية من مستوردها أو وكيلها مباشرة حيغلي عليك السعر من 60 إلى 110 جنيه حسب حجم البطارية
وأحسن مكان تجيب منه بطارية هي الثلاث محلات المتجاورة مقابل سنترال رمسيس ودول بيبقه عندهم بضايع كتير وكل اﻷصناف وإنت تنقي
أما نصيحة النوغ فخد قولا واحدا فارتا ودايما تاخد أكبر من بطاريتك بكام أمبير وأنا أنصحك تركب البطارية لا تقل عن 68 أو 66 أمبير حتقوللي منا بركب 70 حقلك غلط فيه بطاريات الشعب المصري بيركبها على إنها 70 بس مش ده الرقم ولما تشوفها تلاقيها 60 أو 62 أمبير لازم مكتوب مثلا 68 a أو amp ولو طبعا عندك مكان كبير فخد حجم 74 أمبير حتريحك عمر وقوة عن البطاريات العادية ال أي سي ديلكو ليست سيئة ولكنها ليست ممتازة ولو سألت.تجار البطاريات حيقللك بلاش وفارتا أحسن
طبعا ال 80 أمبير عامله 750
وال 74 أمبير عاملة 705
والستينات بقه من 520 وإنت داخل عال 650
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال