الموضوع: نظارة شمس بولاريزد

فكرة انا قريت عن النظارات الشمشيه البولاريزد -- المانعه للاستقطاب هنا فى المنتدى --
http://www.nilemotors.net/Nile_old/1...larized-4.html
مع الشكر لصاحب الموضوع / استاذ اونيفا

اتمنى وجود رد
علشان اشترى ولا اصرف نظر
ملحوظه
المحل كاتب ان سعر ال66 ده عرض لفتره محدوده

الموضوع ابتدى وانتهى مع نفسي هههههههههههههههههه

عموما
الحمد لله اشتريت النظارة الصينى وكانت ملاحظاتى وجود عيوب فنش فى الشنبر مثلا
والرد انها مخفضه علشان كده
انطباعى عنها انها من غير حماية uv رغم المكتوب عليها
البولاريزد انا مجربتوش على نظارة قيمة لكن بالنسبة لى فيها خاصية مانع الاستقطاب
بأى درجة الله اعلم
بالنسبة لى بالسعر ده كويسه جدا وقلت كمان لواحد زميلى فى العمل يشتريها
وانا اخدتها ب50 جنيه بدلا من 66 جنيه عن طريق معارف بصاحب المحل

الحمد لله

ياجماعه ايه هى خاصية منع الاستقطاب دية ويعنى ايه بولاريزد

زى فلتر بيمنع انعكاس اشعة الشمس وبالتالى ممكن يحسن الرؤية بالنهار لمنع الانعكاس على الاسفلت والرمل وعلى اسطح البحر
وبالتالى هو فلتر مفيد للرؤية
حضرتك تابع المقالات التاليه

====================
كل ما تحب ان تعرف عن النظارات الشمسية
ده كلام واحد صاحب محلات نظارات شمس على فكرة
_______________________________________

-معظم النظارات الماركات اللي مكتوب عليها made in italy في المحلات حاليا صيني مصنع بجودة عالية وداخل مصر بسكك غير مشروعة وده لا تقل نسبته عن 70% من النظارات وامثلة للماركات اللي اكثر المستوردين بيدخلوها RayBan,Gucci,roberto cavalli, just cavalli, persol,Mont Blanc,cartier,fred,oxydo,carrera, soluette,

-اي نظارة ايطالي شمس من الماركات العلية المشار اليها اقل من 1000 جنيه تبقى كوبي
-ممكن للامانة تكون اصلية بس موديل قديم في حدود من 500 الي 1000 جنيه
-النظارات الكوبي في الغالب بنسبة 30 % بتكون عدساتها UV protection بس في الحالة دية لازم يبقي معاها بورشور يوضح Category بتاع العدسة وكيفية استعمالها (مثلا في هل تصلح للقيادة- ضوء الشمس الساطع- وجود غيوم ...الخ) هي المشكلة الحقيقية ان النظارات ديه كلها مهربة من الجمارك فمفيش حد اختبرها بتاتا من الاخر مفيش ضمان ليها

-طيب ممكن حد يسال لو النظارة مثلا 1200 ومن محل مشهور وماركة عالية هل بكده تكون اصلي 100%
الاجابة: نسبة انها تكون اصلي نسبة كبيرة ولكن لا تقترب من 100% للاسف الحقيقة انها بنسبة حوالي 70% اصلي وحسبنا الله و نعم الوكيل (الغش بقى منتشر في السوق ده بطريقة لا توصف)



طيب انتقل للنقطة التانية هل اي نظارة تحت ال 1000 مش ايطالي اصلي
الاجابة لحسن الحظ حتى الان فيه ماركات ايطالي بجودة مقبولة جدا اسعارها تبدأ من 400 جنيه حتى 800 جنيه ولم تصل اليها يد المزورين بعد (ربنا يعميهم عنها) مثل
seventy,Snob,enox , k actor , genesis , our thing ,sabel,link,


النقطة التالتة بالنسبة للنظارات الكوري هي طبعا اكثر انتشارا في النظارات الطبية و ليس لبشمسية وهي ذات جودة متوسطة بين الايطالي و الصيني بس موجودة برضهفي محلات لا باس بها

كان فيه حد سال عن العدسات الفوتوبراون هل هي UV protection
العدسات الزجاج لا طبعا
اما البلاستيك فموجود منه UV زي العدسات الترانزيشن و العدسات الماركات زي زايس و هويا بس طبعا غالية جدااااااااااااااااااااااا اااااااا تبدأ قطاعي من 400 للجوزوممكن توصل لحد اكتر من 1000


بالنسبة لمحلات C&co
دي سلسلة تانية لمحلات بركة باسم تاني ومتجهة اكتر للشباب
وعلى فكرة بيبقى عندهم كوبي برضه و المشكلة انهم بيبيعو الكوبي زي الاصلي
وهتلاقي عندهم حاجات صيني كتيييير ومش مكتوب عليها منشأ

_______________________________________
الريبان الاصلي مش هيقل عن 700 لو موديل قديم
اما لو موديل السنة مش اقل من 900 طبعالغاية ممكن 1500
_______________________________________
سؤال؟
طيب في سؤال بيدور في دماغي مش لاقيله اجابة واعتقد انه منطقي......اوبشن البولاريزيشن رخيص نسبيا وده الي ياكدو برده كلامك ياباشا ان لوالنظارة بولاريزد مش شرط تكون شمسية......نيجي للسؤال هل من المنطقي انك تلاقي نظارة اصلية ب1000 جنيه علي سبيل المثال ومع ذلك استخسروا يحطولها فلتر بولاريزد..... اتعشم يكون عندك تفسير واضح وعلمي للنقطة دي! لانها غريبة شويتين لو مالهاش سبب علمي.....وتحياتي.

اجابة
بص يا سيدي معظم النظارات الاصلي الغالية زي الريبان و البيرسول بينزل من الموديل نوعين من العدسات بولاريزد وعادي (طبعا الاتنين بيبقوprtotection UV400)
وبيبقى فيه فرق بين الاتنين حوالي 150 جنيه فرق سعر اكثر او اقل حسب نوع النظارة و سعرها

البولاريزاشن ده بيمنع انعكاس الضوء على الاسطح اللامعة فبتشوف الرؤية اوضح
مثال
هات نظارة بولاريزد وبص الظهرية كده على زجاج عربية تكون الشمس جايه عليها
مش هتعرف تبص على اللي جوه العربية
البس النظارة هتلاقي الرؤية وضحت كتير وعرفت تشوف من زجاج العربية
_______________________________________
سؤال؟

طب لو عايز نظارة شمس ماركة حلوا تكون في حدود 500 او 650 كده و اقوم مغير عدساتها لنظر بس تبقي شمس برده اجيب ايه و منين؟؟؟ عشان انا خايف اروح ادفع في ماركة و تتطلع في الاخر محدش سمع عنها حتي في الهند؟؟؟؟؟؟؟؟

اجابة

مثل
seventy , Enox , K actor , Benetton ,Genesis , Zero positive ,ourthing , Lastes

او على الوجه الاخر بما انك كده كده هتغير العدسات يبقى مش فرقه معاك ممكن تجيب حاجة كوبي في حدود 200 الي 300 جنيه بس هات خامة كويسة وموديل شيك

_______________________________________
سؤال؟

مع الاسف لسه النظاره بتعتي ضايعه النهارده والموضوع ده لما قريته قلب عليا المواجع علشان انا كنت شاريها من فرنسا وطبعا هم عندهم ضمير وانا متاكد انها اصلي انا كنت شاريها ب 160 يورو
سؤالي لو مقدرتش استنى لغايه لما ارجع اجيب واحده تانيه واضطرت اشتري من هنا ازاي اعرف ان النظاره دي اصلي ولا لا وحضرتك قولت ان 70% من الي في السوق كوبي يعني حتى لو ب 1000 جنيه ممكن تكون كوبي يعني لو ممكن تقولنا اي دليل اي حاجه نبص عليها واحنا بنشتري
وايه احسن محلات ممكن يكون عندها ضمير لسه وتبيع النظاره اصلي

موضوع الخصم 50% ده يقلق علشان لما هو يعمل خصم بالشكل ده طيب هو اصلا جيبها بكام يعني نظاره ري بان ب 1000 جنيه عمل عليها خصم بقت ب 500 يعني هو كان شاريها ب 250 مثلا و بيبعها ب 1000 قبل الخصم كده حتي الي ب 1000 مش مضمونه

يا ريت حضرتك تقولنا نعمل ايه؟؟؟

اجابة

اول حاجة عشان ماتدورش كتير وتتعب نفسك السعر لازم يكون مش محل شك
زي ما وضحنا
تاني حاجة مش شرط تشتري من محل كبير اشتري من اي محل بس روح مرة خد رقم الموديل من على ذراع النظارة وحاول تبحث على رقم الموديل على النت
اعمل سيرش على جوجل حتي
لو فعلا تاكدت ان الموديل موجود يبقى بنسبة كبيرة جدا النظارة اصلي
هي دي الطريقة الوحيدة المعترف بيها في الماركات المشهورة

طبعا لازم في النظارات الشمس يكون مع النظارة كتالوج بموصفات العدسات ده مههههههههههم جدا جدا جدا
_______________________________________
سؤال؟

فى c & co كنت بشوف نظارة , و سالته هل بتمنع الاشعة الضاره فعلا ؟

ورانى لوحة هناك ماكنش ف يها غير سمكة و قالى البس النظارة , بعدها شفت على اللوحة غواص و حاجات تانية

قالى دى خاصية ( مش فاكر اسمها ) بتمنع الاشعة الضارة و حاجات تانية بس للاسف النظارة كانت كبيرة على وشي )

اجابة

هو ده ياباشا تيست فلتر البولورايزاشن وممكن تعملوه كمان علي اي شاشة ال سي دي.....وعلي شان كده انا باتمسك بيه في اختيار اي نظارة بجيبها لسهولة التاكد من وجوده في العدسات.
_______________________________________

=======================

التوضيح والشرح باعلى
منقول