يعنى مفيش سمارت كى
عرض للطباعة
السلام عليكم
اولا : رحت اتفرجت على الفئه التانيه واتكلمت شويه مع مسئول المبيعات ... وكان سؤالى عن امكانيه عمل سبيشيال اوردر لشاشه العدادات الجرافيك اللى بتنزل بره ... وقالى انه ممكن بزياده 8 الاف جنيه والتسليم هيتاخر 3 شهور تقريبا .... وكان نفسي اساله عن امكانيه سبقشيال اوردر للهاتش باك ... لان بصراحه ارتفاع الشنطه فى السيدان اللى نازله مصر معجبنيش ... بس بيتهيالى مشكلتها هتبقى فى تغير الزجاج الخلفى والشنطه والفوانيس الخلفيه واحتمال الاكصدام والرفارف الخلفيه
ثانيا : محتاج من حضراتكم معلومات عن التطبيقات الخاصه بالانتليلينك وازاى بنزلها .....
ثالثا : هل يوجد فى السياره كاميرا خلفيه و نظام النقطه العمياء فى المرايا الجانبيه علشان شوفتهم فى اعلانات العربيه على قناه اوبل على يوتيوب
للأسف حضرتك رحت لبعيد شوية موضوع نظام النقطة العمياء ده بيتسمى ب opel eye و ده بيديك النقطة العمياء في المرايا و بينبهك اذا اقتربت كثيرا من العربية اللي قدامك و مثبت السرعة بيظبط على حسب سرعة العربية اللي قدامك و بيدي تنبيه في حالة مغادرة الحارة بدون اشارات و ده اعتقد مش نازل في مصر و بالنسبة للتطبيقات حضرتك اذا كان معاك تليفون ios او اندرويد بتنزل التطبيقات عليها و بتوصل الموبايل بالبلوتوث بتاع العربية و تشغل التطبيق من خلال ال intellink لو عاوز العربية بطلباتك و هاتش باك كده حاول تجيبها من المانيا بطلباتك و بنفس الموتور اللي نازل هنا و اشحنها و يبقى كل حاجة انت عايزها موجودة و قطع الغيار كده كده هتجيبها من التوكيل .
باشا انت سألت فى انى فرع،،ولا سألت فى التوكيل نفسه،،لان موضوع الاسبيشيال اوردر ده قتل بحثاً معايا واقدر اقولك بنسبه ٩٩٪ ان اللى قالك ممكن نعمل سبيشيال اوردر ده بيهجص عليك لانى كلمتهم ٤ مرات،،،مره فى الكول سنتر،،،ومره فى فرع هليوبلس،،ومره فى فرع الطيران ومره فى موزع معتمد ليهم وكله بيفتى فى الاول وبعد كده حتسمع رد واحد،،،،،بنعتذر من سيادتك يا فندم بس منصور لاغى موضوع السبيشيال اوردر حالياً بس ممكن قريب يرجعه تانى،،،انا كنت بسأل على انى اجيب انسيجنيا اليجانس وازودلها سنسورز وفتحه سقف،،وبعد ما قالولى ممكن،،،رجع قالى مش حينفع،،،،فإتأكد منهم تانى عشان متستناش على الفاضى
كلام سليم جداً يا عبدو باشا بس للاسف مش حيقدر يعمله ويطبقه على ارض الواقع لانى سالت فى الموضوع ده كنت عاوز اجيب الاسترا التيربو ٢٠١٤ بموتور sidi الجديد اللى نازل بره والعربيه فيها اوبشنز كتيير اعلى من هنا،،ولما سالت منصور عرفت ان العربيه سعرها حيبقى ضعف لانها حتجيلك بمصاريف زياده مبالغ فيها جداً ومش حيقدر يجبها مع نفسه لانها محتاجه بطاقه استيراديه وحوار ولفه كبييييره على الفاضى،،،،،الخلاصه طول منتا فى مصر ارضى باللى بينزلك هنا وخلاص:36_1_50[1]:
شباب حد عنده معلومات اكتر عن اوبشن alarm anti theft اللى موجود فى التوبلاين،،،يعنى مجرد جهاز انذار بالصوت وبس ولا ليه اوبشنز حمايه زياده للعربيه !؟.......وبالنسبه لفتحه السقف،،هل بتتفتح كلها ولا بيبقى جزء منها بس،،،،وبالنسبه لنقطه الامان منها،،،هل مضمونه ولا ممكن تستغل كنقطه ضعف لكسر العربيه وسرقتها !؟
بص يا باشا بعد ما شفت النظام في كاتالوج الفيكترا و حملت كاتلوج الانسجنيا بس الشكل اللي فات عرفت ان النظام ده متطور جدا و ده نظام بيشتغل بال ultra sonic و ده بيعمل detection لأي حركة مش طبيعية في العربية و هى مقفولة او اي تأثير في ارتفاع العربية مثلا لو حد ركب و ووزنه اثر على ارتفاع العربية فأكيد الشخص ده كسر الزجاج عشان يدخل فالعربية بتدي انذار و النظام ده بيتم تفعيله من خلال زرار في الطابلوه و خطر انك تسيب كائن حي في العربية و هى مقفولة و النظام ده مفعل عشان اشعة ال ulta sonic فممكن تقفل العربية عادي من غير النظام ده لو عايز تسيب حد في العربية لكن لو شغلته بمجرد انك تقفل العربية بعد 30 ثانية هيتم تفعيل النظام و في زي لمبة led هتنور .
يا جماعة حد متأكد من مكان تجميع العربية التحفة دى - هل بولندا زى الاسترا الجديدة او ألمانيا
ياريت الاجابة