الحمدلله روحت منصور والمشكله اتحلت
بسم الله الرحمن الرحيم
اولا: انا بشكر كل الناس ال شاركت معايا فى حل المشكله بفضل الله
ثانيا :
انا كنت اعانى من نتشه فى الغيار الرابع ملحوظه جداأأأ
رحت لواحد ميكانيكى معرفه قالى ان الزيت محروق لدرجة ان ممكن يكون الفتيس باظ خالص (الدنيا اسودت فى وشى من ساعتها)
رحت صيانة ابو غالى العبور غيرلى بوجيها وكبلات بوجيها + زيت فرامل
وللاسف لسه نفس المشكله بعد الصيانة فى نتشه فى الغيار الرابع
قالى اطلع على منصور ال قبل الكارته عشان دى مشكلة فى الفتيس اسمها بودى بيلد
الحمدلله رحت امبارح الاحد الساعه 9 دخلت لقيت مهندس محترم جدااااا اسمه احمد مصطفى وقابلنى احسن استقبال وسمع الشكوى منى
وطلع مهندس معايا يجربها على طريق الواحات وفعلا حس بالنتشه ال فى الغيار
رجعت الصيانة
العربيه دخلت بعطل فى برمجة الفرامل وبرمجة سوفت الفتيس
....*الحمدلله العربيه طلعت بعد السوفت زى الاول واحسن........
العربيه كان فيها مشكله فى الفرامل وانا معرفش وهما عرفو وصلحوها بفضل الله
والاحلى بقى ان العربيه مازلت فى الضمان الحمدلله :36_1_34[1]: