باركن العربية على ال N فى مشكلة ؟؟؟

**ows212** · 15-09-2008 03:06 AM

كل عام والجميع بخير ..
ليا سؤال ياريت اللى يعرف يرد عليا
انا باركن العربية دايما على ال N وبشد فرامل اليد هل ده يمثل مشكلة للفتيس ولا عادى .... وضع ال P انا تقريبا ما باستخدمهوش ؟؟؟؟؟
وشكرا

**yehia** · 15-09-2008 03:23 AM

طب وليه؟ وضع N هو وضع تموير العربية والمفروض تستخدمه فى الحالات اللى الوقوف فيها مؤقت زى الاشارات أو لو راكن مثلا صف تانى وعايز تسمح ان حد يزق العربية.. لكن لما تستخدمه للركن على طول وتستخدم فرامل اليد أعتقد انه فيه تحميل زيادة على الفرامل بما لا لزوم له لو انت معشق على وضعية P...... لأن الوضعية دى أصلا بتساعد فى تثبيت العربية فى مكانها اضافة لفرامل اليد

**ramyfawzy** · 15-09-2008 03:39 AM

خاللي بالك
كتر الموضوع ده ممكن يخليك ما تعرفش تدور العربية بعد كده
لام وضعية الفتيس على ال P ليها علاقة بالمارش (عشان اتوماتيك)
حصلت معايا قبل كده في الالنترا

رامي (ابو احمد و يوسف)

**amir** · 15-09-2008 03:48 AM

مش عارف بس مبيهونش عليا اسيبها علي الp الا لما بركنها عمودي علي الرصيف علشان بخاف اسيبها علي الp و انا راكن موازي ييجي واحد غشيم او واحده من ماركه ازقها و اطلع بدل ما ارجع مرشدير زي خلق الله يزقو العربيه و اقعد اعيط علي الجير بوكس بتاعي و ادفع دم قلبي عشان اجيب غيره!!!!!
و مع ذلك لو حد عنده علم و يقدر يفتي ان مش مشكله ان العربيه تتزق بعربيه تانيه و هي علي الp هكون سعيد جدا جدا لأن الصني مينفعش الفتيس يتحرك علي الn و المفتاح مخلوع و لازم تتدوس علي زرار احمر جنب الفتيس و انت بتمورها و هي واقفه, فالموضوع ممل نوعا ما

**sab3aawy** · 15-09-2008 10:22 AM

القاعدة البسيطة فى مصر :

N مع الانتظار الموازى

P مع فرامل يد قوية جدا مع الأنتظار العمودى

أنا شخصيا باتحرى الانتظار العمودى قدر الأمكان علشان اوفر فى استعمال ال N

**marsguy** · 15-09-2008 10:57 AM

للأسف في عربيات كتير ما ينفعش تشيل منها المفتاح غير وهي على الـ P

**M.Mokhtar** · 15-09-2008 12:33 PM

المشاركة الأصلية كتبت بواسطة marsguy

للأسف في عربيات كتير ما ينفعش تشيل منها المفتاح غير وهي على الـ P

هو الصح دلوقت بنقول عليه للاسف :)
المفروض بتركن فى اى حته يبقى تسيب العربيه على ال Parking اللى هو P
والعربيه مش هتتزق الا لو فى عربيه تانيه بتشدها او بتزقها مش واحد يعنى هيقدر يحرك العربيه وهى على ال P
ومحدش هيضحى بعربيته ويطبقها عشان يزق عربيتك عشان مش هتتزق بسهوله

**amir** · 15-09-2008 12:48 PM

المشاركة الأصلية كتبت بواسطة mimysheckles

ومحدش هيضحى بعربيته ويطبقها عشان يزق عربيتك عشان مش هتتزق بسهوله

احنا بنتكلم عن حد راكن قدامك ولا وراك و بيحاول يطلع و بدل ما يطلع زي الناس يقوم زاقك عربيتك بعربيته علشان يوسع لنفسه!!!

-

-

الموضوع: باركن العربية على ال N فى مشكلة ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

مشكلة فى العربية

مشكلة ...لما اكون على الرابع و امور العربية العربية بتبطل

مشكلة في سحب العربية

ممكن انا عايز اعرف احسن باركن سينسور

مشكلة في العربية

الكلمات الدلالية لهذا الموضوع

المفضلات

المفضلات

ضوابط المشاركة