المشاركة الأصلية كتبت بواسطة kamalshawqi
أنا معايا النترا 2011، لما اشتريتها كان فيه صوت طقة خفيييفة في الدركسيون، وطبعا وانا بشتريها (من رئيس قسم في وزارة الكهربا، مش من تاجر) قالي الدركسيون محتاجة بلية ب50 جنيه!! وصدقته والواحد بيتعلم
لما رحت أكشف على العربية، الميكانيكي ساقها مشافة 100 متر وقالي الصليبة المتحركة بتاعت علبة الدركسون عاوزة تتتغير!! طبعا في التوكيل بيبعولك الصليبة بالعلبة ب20 ألف جنيه، رغم ان الصليبة بس هي اللي بايظة
المهم دورت على واحد بتاع قطع غيار نضيف، دلوني على محل الأدهم في إمبابة، رحت جبتها وفاصلت وخدتها ب180 جنيه، وركبتها بمصنعية 150 جنيه
الحمدلله الصوت راح والدنيا اتظبطت، بس تدويري على النت بيقول انها مشكلة شائعة لدرجة انها مكتوبة وطريقة حلها في موقغ خدمات هايونداي، بس غبور بيحب يحط التاتش بتاعه وعاوز يغير العلبة كلها بالصليبة