ممكن اعرف متوسط سعر بيجو 504 موديل 79
عرض للطباعة
ممكن اعرف متوسط سعر بيجو 504 موديل 79
21,000 - 24,000
بص يا كبير
504 عربيه محترمه و حمالة قسيه صحيح
لكن تخاف منها فى حاجه انها كانت (و لا تزال الى حد ما) بتستخدم كتاكسى و بالتالى حيبقى طلعان عينها خاصه ان موديلها عدى بقاله 34 سنه
فياريت تدقق اوى و انتا بتشتريها لحسن تاخد حاجه مش كويسه و تكون متلصمه
بس نصيحه مادامت عاوز فى الفئيه دى - خد 505 افضل من الناحيه الشكليه بالاضافه الى انك ممكن تجيب موديل احدث شويه منها و كمان 505 ماكنتشى منتشره فى التاكسيات (لأنى مش حمالة قسيه زى 504 و ايضا قطع غيارها اغلى ) لكن هى هى نفس الموتور و بعض مكونات العفشه
اشكركم على الرد بس انا من عشاق ال 504 وان شاء الله هحاول ابعد عن التاكسي
انا لقيت سيارات باسعار مهولة يعني مو 71 عاملة 40 الف او 35 الف معقولة الاسعار دي ياجماعه دا الواحد يجييب دايو احسن بس المشكلة انى بعشق ام 504 فعايز اعرف يوم ماتكون السيارة نضيفة تعمل كام وموديلها يكون 1980 او 79 مثلا مش هعدي عن الموديل دا علشان الحالة المادية متتاثرش وشكر لكم جميعا
بس ما دمت من عشاق 504 فحفيدك على قد ما اقدر - على مقدار خبرتى من عربيه السيد الوالد اللى اشتراها زيرو فى 1983 (بعد ولادتى بسنه ) و حاليا بقيت معايا انا (عشرة عمر يعنى )
مش حكلمك عن الميكانيكا لكن كمستخدم للعربيه
لو العربيه اصيله و مش متهانه و صاحبها مش بيستخسر فيها قطع الغيار بتاعتها (و يمشيها باى حاجه تعبانه زى التكسيات ) فحتلاقيها وحش على الطريق و العربيه طوبه تستحمل هبد و رزع علشان كده تلاقيها متميزه فى الطرق الزراعيه (اللى مليانه مطبات)
مشكلتها دلوقتى ان فيه بعض قطع غيارها مابقيتشى تتصنع جديد (زى الكربراتير ) لكن حتلاقيها استيراد و لو لاقيت منها جديد حتلاقى صينى - مش معنى كده ان كل قطع غيارها اتوقفت لا هى حجات محدده حتعرفها بالخبره
حاول لما تشترى العربيه تكون عارف صاحبها معرفه شخصيه و تكون عارف معاملته للعربيه كان شكلها ازاى - صدقنى حتفرق كتير - لأن العربيه دى الميكانيكيه حافظينها و بالتالى ممكن صاحبها يكون عامل بيها مصيبه و راح لميكانيكي و دارى المصيبه دى لكن لسه موجوده
بالنسبه للسعر - فهى سعرها من 20 لغايه 27 و ممكن تبقى 33 مثلا لو كانت مميزه اوى (يعنى كأنها خارجه من المصنع )
بص انا عربيتي (و الحمد لله) مافيهاش غلطه و فيها الكمليات المعتاده و تكييف و رغم عن كده لو حبيت ابيعها مش حزود عن 30 و إلا حبقى بسرق الشارى
طيب حتقولى ليه التفاوت فى السعر ده : حقولك - ال 504 كانت ماسكه سعر كويس لغايه سنه 2007 او 2008 تقريبا كان سعرها من 40 لغايه 50 الف (و قتها 50 الف تساوى 80 من اليومين دول ) و ده كان سعر التيوتا كورولا العيون فى وقتها فى السنه دى طلع موضوع الإحلال و ظهور التاكسى الابيض
و طبعا نتيجه لإنتشار 504 كتاكسى (تقريبا كانت كل التاكسيات 504 فى الوقت ده ) فعربيات كتيييييير اتحولت لملاكى و بالتالى انتشر تعبير (سقط تكاسى) و اتغرق السوق بعربيات من الموديل ده متهالكه و بالتبعيه سقط السعر السقطه الرهيبه دى للموديل ده بالذات على الرغم من عدم سقوط قرنائها فى السعر زى الكورولا العيون
علشان كده بقولك لو لاقيت عربيه و صاحبها طالب فيها اكتر من 35 الف - ما تتفاوضشى معاهه اصلا دى حتبقى عربيه عزيزه عليه و بيضرب فى الرقم براحته
و ابو 35 الف ممكن تنزلها لغايه 30 كويس
مو gl اكثر راحه و ثبات عن gr - مش معنى كده ان gr ضايعه لا انا بجيب بيها 140 ~ 150 عادى
لكن gr شكل التابلوهه بتاعها عصرى (تابلوهه فيبر زى العربيات دلوقتى ) و اشيك بكتير عن gl (تابلوهه دوائر زى عربيات السبعينات )
اتمنى انى اكون فيدتك و اسف على الاطاله
هات لانوس وريح نفسك
المنصوره او دمياط
افضل مكان تلاقي فيه 504
ومعموله صح
أشكركم جدا جدا على ردودكم واهتمامكم وان شاء خلاص ناوي اجيب عربية وانزل السوق واشوف الدنيا عامله ايه وابقي اخد رايكم اكرر جزيل الشكر لكن من ساعدني براية
ال505 احلى بكتير من 504 و سبتها عالى جدا على الطريق بصراحه عربيه جميله جدا و انا بحبها و اوسع منها بكتير و انعم