صاحبها بيتكلم فى 97000 بس انا شايف ان السعر ده عالى شويه
ولا ايه رأيكم؟
عرض للطباعة
مانيوال افضل
أنصحك بالمانيوال لأن جميع موديلات أوكتافيا بها عيوب فى الفتيس الأوتوماتيك.. وتكلفة الأصلاح باهظة جدا.. ثم أن المانيوال فى الأوكتافيا زى الحرير والدبرياج ناعم جدا...تحياتى لك
السعر معقول جدا طالما السيارة بحالة ممتازة.. ولا تتغر بالأسعار المنخفضة ابدا خاصة الأوكتافيا ..كان معروض واحدة 2007 مانيوال ب 102الف بس أعتقد انها كانت بحالة الزيرو
مين قال لحضرتك الكلام ده !!!!!
الأوكتافيا من أول موديل 2008 حتي تاريخه مفيهاش أي عيوب في الأوتوماتيك..طول ما انت ملتزم بميعاد تغيير الزيت كل 60 ألف كم كحد أقصي..ولا الدموع
ملحوظة..عربيتي ولله الحمد عاملة 123000 كم من شهر 5 عام 2010..والسادة الأعضاء عارفين إن عربيتي تقريباً أكتر أوكتافيا بتسافر في العالم :C_laugh[1]:
وكل ما هنالك تغييرتين زيت اللي إتعملوا فيها للفتيس والحمد لله رب العالمين خالي من أي عيوب أو مشاكل بسم الله ما شاء الله ولا قوة إلا بالله.
-------------------------
بالنسبة لصاحب الموضوع..قبل ما تقرر تجيب مين فيهم بصرف النظر فارق موضوع القيادة بين المنوال والأوتوماتيك ( وقطعاً بيفرق )
لازم نعرف الفروق بين العربيتين
- المنوال :- شباكين أماميين كهربة وفي الخلف أوكر - تكييف بكر مش كليماترونيك - سماعتين للكاسيت فقط ( في بعض الأحيان 4 ) - فرش قماش - طارة مش مالتي..كاسيت شرائط ( في بعض الأحيان بتنزل بـ cd )
- الأوتوماتيك التوب لاين ( حمادة تاني خالص ) :- فتحة سقف بقا وزينون و 4 زجاج كهربة وتكييف كليماترونيك وفرش جلد وكمبيوتر وكاسيت سوينج سي دي و mp3 و 4 إيرباج
الغريب في الموضوع كله إني بقولك الكلام ده وشايف حضرتك كاتب أوتوماتيك بيزلاين ومنوال ( توب لاين ) إزاي مش عارف !
انا ملاحظ ان كتييييير جدا ف المنتدى بالذات و مصر عامة بيخافوا من الفتيس الاوتو
يا جماعة الفتيس الاوتو مش اختراع نازل اول امبارح
فعلا فى فتيسات اوتو معينة بتبقى فيها مشاكل
و لازم نبعد عن العربيات اللى بتنزل بالفتيسات دى
لكن دا لايعنى اطلاقا اننا نخاف من اى فتيس اوتو
و اصلا المانيوال - حتى لو كان ممتع ف الطرق الفاضية - لكنه ممل جدااااااااا و بيخنق ف الزحمة
و مشكلة كمان ف مصر ان المانيوال بينزل باوبشنز قليلة جدا و امان اقل