المشاركة الأصلية كتبت بواسطة inspiron
بوابة الإنجكشن مكانها بالظبط أول الخرطوم الكبير اللي واصل بين الموتور وعمة فلتر الهواء وبتكون من الطرف اللي ناحية الموتور.ودورها انها المسئولة عن ظبط كمية دخول الهواء مع البنزين..مع مرور الوقت بتكون مادة سوداء اسمها شربون..المادة دي زيادتها بتقلل من كفائة الصمام اللي بيتحكم في غلق وفتح البوابة فيحدث خلل في عملية الحريق..وبالتالي تأثير سلبي علي أداء المحرك.يتم تنظيفها بعلبية سبراي اسمه جانك بيتباع في محطات توتال بسعر 35 جنيه.الميكانيكي هيفك خرطوم العمة ويرش علي البوابة وانت بتزود بنزين جامد.هيطلع دخان اسود من الشكمان متقلقش ( ده الشربون المتراكم علي البوابة ) بعد العملية دي هتلاحظ الآتي :-
- صوت الموتور أهدي
- ثبات عدد لفات الموتور والعربية دايرة ( 800 لفة في الدقيقة )
- استجابة عالية في الطالعة
- سحب أقوي
- سرعة قصوي أعلي مع عدد لفات موتور طبيعي.
ربنا يباركلك يا فندم..الأوتو بتوصل سرعتها القصوي 195 كم/س في حين المنوال بتوصل لحد 210 كم...مع مراعاة إن الفتيس الأوتو بتاع الجيل ده في عربيات الـ vag أنا شخصياً بعتبره مش حلو.