ممكن أعرف ايه رأيكم فى التسويق الشبكى من جميع الجوانب ولو فى خبرات شخصية يا ريت نقولها
عرض للطباعة
ممكن أعرف ايه رأيكم فى التسويق الشبكى من جميع الجوانب ولو فى خبرات شخصية يا ريت نقولها
1- حراميه
2- نصابين ولاد حراميه
3- جرابيع عايزين يعملوا فلوس
4- فلوس حرام سواء انت اللي بدأت او دخلت معاهم عشان لازم تنصب على ناس انت كمان
5- غالبا غسيل اموال مخدرات او اثار
6- حراميه
7- نصابين ولاد حراميه
8- اي حد عنده ذرة عقل هيعرف انهم حراميه ولاد...... حراميه :)
انا الشركة اللى عاوز اشترك فيها اسمهما ايجى واى وهى مصرية ونظامها يختلف عن باقى الشركات زى الكيونت
باشا مفيش حاجه اسمها نظام مختلف
كله واحد ... هو هيقعد يقنعك انهم مختلفين وان التانيين الوحشين مش زينا بس من الاخر كله زى بعضه
اسمع الكلام يا أخ (محمد بلال) واعمل زي ما الاعضاء بيقولولك ومتجادلش في الباطل
وقد اعذر من انذر ...انتهى ...
الحمد لله من اول ماسمعت عنهم ايام الشركه الصينيه واسورة الطاقه العجيبه اللي تخلليك الكابتن ماجد
وانا مقتنع انهم نصابين
مرورا بكل الشركات زي كيو نت والشركه الاخيره دي اللي اتمسكت فيها بنت صباحي global ad mart
فكره هبله لا تنجح الا في المجتمعات اللي نسبة الجهل فيها عاليه (مصر والحمد لله)
طبعا اعرف ناس اتعوروا فيها (يستاهلوا حذرتهم):fun_10_9_134[1]:
لكن اللي بينرفزني هو ان الطمع اعمى الناس عن التفكير بأبسط قواعد المنطق
بس كده
دور فى الاجتماعى هتلاقى شوية مواضيع فيها نقاشات ممتازه و ادله مجتمعيه و دينيه ضد التسويق الشبكى
اى منطق فى الكون
يحقلك انك تكسب مكاسب عالية وانت ماعملتش اى مجهود
بلغ فرار بسرعة
مش أى موقع تسوق تشترى منه . حاول تتعامل مع الشركة المنتجة دائما و تشترى منها أون لاين مباشرة أو من المواقع الموثوقه .
أما مواقع الشراء فهى فى الأغلب نصابين أو بضاعتهم مضروبة مثل موقع سكر نصب عليا فى المرة الوحيدة اللى إشتريت منه و عرفت بعد كدة إنهم نصابين . حاول تجمع معلومات عن الموقع اللى عايز تجيب منه من المنتديات لإنه بيبقى فيها معلومات مفيدة
الحد اية متجبش كتاكيت
فيه ناس اتنصب عليها ف مبالغ وصلت لمليون جم ف ساي يور واى و جلوبال والقضية لسه شغالة
كل وظيفته ان بياخد من ده يدى لده لغايط وقت معين يحقق رقم معين وفص ملح وداب
فيه ناس شفتها كانت بتعيط قدام النيابة علشان ياخدو حتى نص فلوسهم ويتصالحو
ابعد عن الشر وغنيله
من الآخر , اي بيزنس ما بتتعاملش فيه في سلعة معينة ملموسة و لك فيها نسبة ربح واضحة انت عارف بالظبط مصدرها ايه , سيبك منه
الناس بقت عايزة فلوس من الهوا وخلاص , وصلنا لزمن انك مابقيتش بتسأل على مصدر الفلوس اية
بقيت بتسأل هاخد كام !!!!!!!!!! اول سؤال بيتسأل
منهم لله اللى كانوا السبب
بس عموما هية حرام واحد يدخل يدفع مبلغ معين ويوهموة ان المبلغ دة عشان مايبقاش حرام فى نظرة انة هياخد بية سلعة او حجز فى فندق وهمى لسة ماتعملش او اصلا لسة ماتعاقدوش معاة , و بعد شهر يرجعلة الضعف ( ومعلومة ليك مش بتاخدهم ) هما بيضافوا للنقط بتاعتك , وبعد كدة الوعود والاحلام انك لو جيبت مشتركين هتلاقى رصيدك انت بيزيد كتير , ويقولك لو شديت حيلك اوى وزودت نشاطك هتلاقى نفسك كسبان 60 الف في خلال 6 شهور بالظبط
ياسلام دية اية الجمال دة , وطبعا تسمع ال60 الف جنية , تروح داخل على طول ودافع المبلغ زى الشاطر , وتحاول كمان تجيب اخوك ومراتك واخواتك وعيلتك كلها ودة بيدبس دة ودة يدبس دة , لحد ماتبقى البلد فوضى
وفى الاخر مقر الشركة دة فين ياكابتن للاسف مالهاش مقر فى مصر ولا اى بلد عربية , وتلاقية فى الاخر مكتب فى احدى الدول الاوروبية المعروفة بالنشاطات المشبوهة
وطبعا الشباب المصرى مش لاقى يشتغل ولا ياكل فيدبر المبلغ المراد على الامل انة هيكون مليونير وطاقة القدر اتفتحتلة
دة ملخص سريع كدة للى بيحصل فى الشركات دية , لانة اتعرض عليا وبألحاح شديد جدااااااااااااااااااااااا ااااااااااااااااااااااااا ا لمدة شهرين , وانا مش موافق تماما , وتغور الفلوس اللى هتيجى من غير تعب , وتحس انك تعبان فى كل جنية انت محوشة , عشان ربنا يباركلك فية
احنا داخلين 2014 ولسه فيه ناس بتقتنع بالحاجات دي للأسف. طب سنه 2000 كان ماشي.
و حياتك كان معروض علي من 99 و رفضت
لازم يا جماعه نعرف ان اللي بيشترك له ابعاد اخري مثل ما حدث لي
كنت باتفرج علي من سيربح المليون و الكلام دا كان 2001 علي ما اذكر و كنت عاطل بقالي سنه و كسور
عمري ما فكرت بالبرنامج ابدا، بس و انا قاعد باتفرج لقيت المتسابق عمال يغرف في فلوس و الاسئله
عبيطه عبط السنين و التنين معا
الموضوع زقزق معي اني اشترك و كان الصراع الداخلي اني ازاي اطلب 0900 و دقيقتها بجنيه و نصف
و هاتيجي في الفاتوره تحت مسمي ايه و الحاج هايعمل في ايه ( ملحوظه كانت فواتير التليفون ايامها بيتعملها حساب و جرد شهري و انا اصلا عاطل)
المهم اول ما لقيت الزبون ضرب النصف مليون مقدرتش استحمل و روحت طالب النمره
و بعد السلامات و التطويل جاء السؤال الذي سيتوقف عليه مستقبلي
ما رياضه الفنان احمد مظهر المفضله
ركوب الخيل - السباحه - كرة القدم
و طبعا جاوبت صح بس قالولي دوس علي زرار كذا و تسمع الاتأكيد و دوست و لم اسمع حاجه
و قفلت و اتصلت تاني و كان نفس السؤال و نفس القصه بس المره دي سمعت الرعد في وداني بيقولي يا اهبل انت بتصدق
و قفلت و انا حزين علي حالي و المكالمات اللي مش عارف هاقول لابويا ايه عنها
بص اطلع علي الموضوع دة
في شرح لكل حاجة
نصب التسويق الشبكي
طب انا عاي اقتنع بان الكلام ده نصب
انا كنت عملت موضوع من فتره عن شركه اسمها ريفليوشن
والشركه بتستورد اجهزه من لابات وتابلت وموبايلات وانت بتدفع 50 دولار وكل شخص بتجيبه مباشره بتاخد عليه 20 دولار واى شخص بيجى فى الشبكه عندك عن طريق غير مباشر بتاخد عليه 10 دولار ولما بتجمع 150 دولا والفلوس بتتجمع كل اسبوع وممكن تتحول على حسابك فى البنك او تروح تقبضهم فى الاول تاخد جهاز وبعد كده اى مبلغ تانى انت بتاخده وفيه عقد بتكتبه والشركه ليها سجل تجارى ومقرها فى مدينه نصر قدام نادى السكه الحديد(الصراحه انا مروحتش شوفتها لسه لانى عمال اقلب الموضوع فى دماغى)
والعقد بيقول انك فى خلال 6 شهور لو معرفتش تجيب حد معاك فى الشبكه بتاخد فلوسك تانى
واحد صاحبى دخل فيها قريب بناءا على ان ليه صحابه دخلوا فى الشركه من فتره وفعلا كسبو منها يبقى ازاى نصب؟؟؟؟!!!!!!!
ازاى اقتنع انها نصب وكمان تبقى حرام ليه دى تعتبر عمولات انا باخدها نظير انى بجيب مشتركين للشركه
عايز افهم كل حاجه من طأطأ لسلام عليكوا
مع احترامي لكل الردود السابقة
التسويق الشبكي مهنة زي اي مهنة موجودة بالعالم
وهو ليس بحرام ان تم العمل به دون اي غرار
اشتغلت في شركة كيونت لمدة 3 سنين والدنيا كانت حلوة اوووي
ده لاني كنت بشتغل فيها بجد واللي مكنش بيشتغل مش بياخد حاجة
طبيعي جدا زي اي شفل في الدنيا
والان انتقلت الي شركة ايجي واي لانها شركة مصرية
وتبيع منتجات استهلاكية ومتنوعة افضل للشعب المصري وللمجال التسويق
واي حد يقول انه مكسب سريع وسهل يبقى مش فاهم اي حاجة وعمال يردد زي
اي حد مش فاهم حاجة لان محدش بيدخل الشركة والفلوس تنزل تمطر عليه
هاتشتغل هاتكسب مش هاتشتغل كفايه عليك اللي اشترتيه مش عايز المنتج يبقى ماتدخلش اصلا
واي حد عايز يفهم او يتنقاش في اي حاجة انا على اتم استعداد
بس للمناقشة بالمنطق وليس للجدل
اسمي محمد رفعت
01142707397
mohamed.r.egyway@gmail.com
وشكرا