تحذير رقم 2 : للمتجهين الي مدينة بورسعيد

**Samir Elshahawy** · 04-11-2013 07:31 PM

الأخوة و الاخوات الافاضل ..

أسعد الله أوقاتكم بكل الخير
ووقاكم ووقانا من شر الطريق ....

الحمد لله عدت بالامس من رحلة عمل بميناء دمياط عبر طريق بورسعيد / الاسماعيلية / القاهرة بعد رحلة صعبة جدا جدا خاصة في الليل و لعل ابرز ما أود تحذيركم منه هو طريق الاسماعيلية / بورسعيد و لمسافة تقارب ال 28 كيلومتر بعد بوابة الكاب مباشرة و حتي مدينة بورسعيد

حيث قررت السلطات فتح الطريق في أتجاه الذهاب الي بورسعيد و لكن بشكل جزئي حيث تم فتح حارة واحدة و تم أغلاق الاخري و عزلها بواسطة قوالب من الحجارة في المنتصف مما شكل تهديدا خطيرا و بالفعل في بعض الحوادث للسيارات

فأرجوا منكم توخي اقصي درجات الحذر و الحيطة و محاولة تجنب السفر الي بورسعيد ليلا قدر الامكان

**Mzeid** · 04-11-2013 07:45 PM

أضيف لتحذير حضرتك طريق دمياط / بورسعيد خصوصا ليلا الطريق مظلم و مرة كنت مع واحد صديقي و كان هيخرج عن الطريق بسبب وجود منحنى مكنش شايفه بسبب أن العربيات على الناحية التانية كلهم مشغلين العالي
و كان فيه كوبري صغير في اوله مطب

Sent from my GT-I9505 using Forum Runner

**amrelsaqqa** · 04-11-2013 07:50 PM

ايه .............. الشنيع ده !!!!!!!!

بلد دى ولا ....... ، ولا ايه عايز افهم ؟

حسبى الله ونعم الوكيل

حد متخيل ان المنظر ده متصور في سنة 2013 !

ده ايه الغم اللى احنا فيه ده ياربى
.................................................. ............ .. ايييييييه ده !!!!!!!!!!!!!!!!

الواحد لو اتفاجئ ولبس حجر واحد بس من ده وحاول يتفاداه هيتقلب وش !

يا اخى انت ............ ومضطر تعمل كدة ، وهعذرك ..
يبقى انت محتاج يفط وعواكس قبلها بكيلو كامل على الاقل ، انما ما يبقاش الواحد ماشى في امان الله بالليل ويلاقى الدبش ده قدامه ! ده لو واحد ماشى على رجله مش بعربية هيتأذى .. ............... ، ده مش ................. ، اللى حط الحجر ده . حسبى الله ونعم الوكيل .....................

شكرا م سمير على التحذير وربنا يستر طريقنا جميعا

لقد خالفتم قواعد المنتدي
المخالفة الأولي: قاعدة رقم 4 بشأن تحويل مجري الموضوع
المخالفة الثانية: قاعدة رقم 9 بند أ والخاص بالتلفظ بألفاظ تخرج عن الأداب العامة والأخلاقيات المتعارف عليها للمجتمع
لذا يتوجب تحذيرك للمخالفة الأولي وتحذير ووقف أسبوع للمخالفة الثانية

م 3 أ
04/11/2013 11:23 م

**Samir Elshahawy** · 04-11-2013 07:58 PM

المشاركة الأصلية كتبت بواسطة mzeid

أضيف لتحذير حضرتك طريق دمياط / بورسعيد خصوصا ليلا الطريق مظلم و مرة كنت مع واحد صديقي و كان هيخرج عن الطريق بسبب وجود منحنى مكنش شايفه بسبب أن العربيات على الناحية التانية كلهم مشغلين العالي
و كان فيه كوبري صغير في اوله مطب

sent from my gt-i9505 using forum runner

أخي الفاضل ..
طيب لو شوفت الطريق الدولي الساحلي تقول أيه ؟

ده حتي الجي بي أس كاتب " الطريق الدولي تحت الانشاء" مش معترف أنه طريق

بجد منتهي الخطورة ... مطبات و منحنيات و لا توجد علامات أرشادية

لازم تمشي فيه بحرص و بصراحة كنت ماشي بالنور العالي معظم الطريق و مش بأزود عن ال 100 كم/س و معتمد علي الجي بي أس بشكل كبير في تحديد المنحنيات اللي مش باينة

**Samir Elshahawy** · 04-11-2013 08:05 PM

أستاذ / عمرو ..

للأسف ده حال البلد و حال الطرق عندنا منذ فترة و لا أحد يتكلم أو ينتقد و في نفس الوقت لا أحد يستمع للنصيحة أو للمتعلمين من أبناء هذا الوطن من الشرفاء و المخلصين و النتيجة هي الصورة التي ألتقطتها تلك

الحمد لله ربنا سترها معايا بالامس مرتين في تلك الوصلة
- مرة كنت هألبس في حجارة خارجة عن الخط جهة اليسار و العربية اللي أمامي تفادتها و لم يعطيني أي تحذير
- و مرة تانية عربية جيش ماشية عكسي و لاقيته في وشي مرة واحدة و مش عارف أعمل أيه أكمل و أدخل فيه و لا أتفاداه و أدخل في القوالب دي و أغامر بفقدان فردة كاوتش أو مقص

علشان كده بأقول لكوا بلاش سفر بالليل في أتجاه بورسعيد

**khaabas** · 04-11-2013 09:18 PM

المشاركة الأصلية كتبت بواسطة amrelsaqqa

ايه .............. الشنيع ده !!!!!!!!

بلد دى ولا ....... ، ولا ايه عايز افهم ؟

حسبى الله ونعم الوكيل

حد متخيل ان المنظر ده متصور في سنة 2013 !

ده ايه الغم اللى احنا فيه ده ياربى
.................................................. ............ .. ايييييييه ده !!!!!!!!!!!!!!!!

الواحد لو اتفاجئ ولبس حجر واحد بس من ده وحاول يتفاداه هيتقلب وش !

يا اخى انت ............ ومضطر تعمل كدة ، وهعذرك ..
يبقى انت محتاج يفط وعواكس قبلها بكيلو كامل على الاقل ، انما ما يبقاش الواحد ماشى في امان الله بالليل ويلاقى الدبش ده قدامه ! ده لو واحد ماشى على رجله مش بعربية هيتأذى .. ............... ، ده مش ................. ، اللى حط الحجر ده . حسبى الله ونعم الوكيل .....................

شكرا م سمير على التحذير وربنا يستر طريقنا جميعا

لان عالجانب اخر دبابات على طول الطريق ......................................... على الطريق دى فبيحاولوا ياخدوا احتياطهم وربنا معاه ويحفظهم ولازم نستحمل

لقد خالفتم القاعدة رقم 4 من قواعد المنتدي والخاصة بتحويل مجري الموضوع بما يسبب ضرر لصاحب الموضوع
لذا وجب التحذير واذا تكررت المخالفة مرة ثانية سيتم التعامل بالحذف للمشاركة والوقف اسبوع وتسجيل عدد 2 نقاط في سجلك

م 3 أ
04/11/2013 11:31 م

**Amr Elshamy** · 04-11-2013 09:23 PM

يا باشا انا من بورسعيد وبقولك احنا غلبنا وطهقنا ... كل يوم حوادث وقال ايه حجتهم بيأمنو القناة "" الكام متر دول هيأمنو بيهم القناة " بجد احنا تعبنا من كل حاجه .. احنا فى دولة الاهمال .. حسبي الله ونعم الوكيل فى كل مسئول مش شايف شغله ومش بيراعي ربنا

**aldesha989** · 04-11-2013 09:28 PM

حسبى الله ونعم الوكيل

**elnakshabandy** · 04-11-2013 09:43 PM

المشاركة الأصلية كتبت بواسطة amr elshamy

يا باشا انا من بورسعيد وبقولك احنا غلبنا وطهقنا ... كل يوم حوادث وقال ايه حجتهم بيأمنو القناة "" الكام متر دول هيأمنو بيهم القناة " بجد احنا تعبنا من كل حاجه .. احنا فى دولة الاهمال .. حسبي الله ونعم الوكيل فى كل مسئول مش شايف شغله ومش بيراعي ربنا

انا مش عايز اقولك شباب زى الورد قد ايه ماتوا من الوحدات اللى بتأمن القناه علشان احنا مش مستحملين
فتره ............. اللى بيهجموا على الكماين ديه تقريبا يوميا

لقد خالفتم القاعدة رقم 4 من قواعد المنتدي والخاصة بتحويل مجري الموضوع بما يسبب ضرر لصاحب الموضوع
لذا وجب التحذير واذا تكررت المخالفة مرة ثانية سيتم التعامل بالحذف للمشاركة والوقف اسبوع وتسجيل عدد 2 نقاط في سجلك

م 3 أ
04/11/2013 11:31 م