بعت عربية من 6 سنين وللآن لسه بإسمي

**ma7amadk** · 11-11-2013 11:21 AM

شكرا للجميع
أنا رحت النهارده المرور الموظف قالي النمر القديمة اتلغت وما بقتش بتتجدد ولو ماشي لسه بيها هتتسحب منه
قلتله أمال إزاي نمر العربية دي لسه على الموقع بتاع المخالفات
قالي قاعدة البيانات عايزة تحديث
مش عارف تحديث إيه اللي بقاله المدة دي كلها

**Shiref_mohamed** · 11-11-2013 11:43 AM

للأسف كمان في خطاء شائع عند عمل التوكيل وهو ان بيتكتب في التوكيل البيع للنفس وللغير والتعامل مع المرور
والكلمة ديه (التعامل مع المرور) بتخلى المشترى يجدد العربية كل سنه عادي وهيا لسه باسم البايع ويفضل البايع يلبس كل ينة ضريبة رفاهية في حالة لو كان عنده عربية تانيه خلو بالكو من النقطه ديه اوي ياجماعه .

الى يبيع بتوكيل يتاكد انه مكتوب فيه البيع للنفس وللغير فقط بدون كلمه التعامل مع المرور

**M.Elgergawy** · 11-11-2013 11:55 AM

التعامل مع المرور لا تعني تجديد الترخيص ولكن يعني استخراج شهادة بيانات او لو الرخصة اتسحبت ورايح تستلمها انما تجديد الترخيص لازم يكون مكتوب في التوكيل وتجديد الترخيص
اما بالنسبه للتوكيل فالصح ان لما حد يبيع يكتب فيه
البيع للنفس فقط والتعامل مع المرور