بعت عربية من 6 سنين وللآن لسه بإسمي

السلام عليكم
عندي مشكلة ومش عارف أعمل إيه
كان معايا عربية من 6 سنين وبعتها بعقد بيع ابتدائي واللي اشتراها اتفق نعمل توكيل في وقت لاحق
وما شفتهوش من يوميها ونسيت الموضوع ومبقاش في أي طريقة للتواصل بينا

من كام يوم واحد صاحبي قالي انه شاف العربية في الفيوم وافتكرت الموضوع على طول لإن اللي اشتراها من الفيوم
بعد ما لقيت النمر في صورة للعربية عندي دخلت النمر دي على موقع المخالفات
ولقيت إن النمر لسه موجوده ومفيش عليها مخالفات مع العلم إنها نمر قديمة كمان يعني كده معناها إنها لسه بإسمي

عايز أعرف إزاي صاحبها لحد دلوقتي مجددها وبالنمر دي كمان رغم إن البيع كان من 6 سنين
تاني حاجه والأهم أعمل إيه عشان أخلي مسؤوليتي عن أي حاجه تحصل عن طريق العربية دي وكل البيانات اللي معايا عن العربية هي رقم اللوحات المعدنية فقط.. لا معايا رقم رخصة ولا شاسيه ولا موتور
رقم اللوحة 282701 ملاكي جيزه
أرجو المساعدة لإن الموضوع ده عاملي قلق من ساعة ما افتكرته :(

انا الموضوع ده حصل معايا بعت عربيتي بتوكيل وعقد بيع ابتدائي وكان الرخصة لسه فيها سنتين وقعد بيها السنتين وبعدين انا قعدت اسأل في المرور لحد ما بلغوني انو غير الرخصة باسمه
لكن قانونيا مش عارف ايه المفروض اللي يحصل اكيد الزملاء حيفيدوك

على حد علمي البيع بيكون بتوكيل او عقد مسجل وده اللي يثبت ان الراجل ده اشترى منك وده اللي يخليه يعرف يرخص العربيه في المرور لكن هل المرور بيعترف بالعقد الابتدائي ؟ مظنش
والغريب ان الراجل مسعاش في حته التوكيل او التسجيل
ثانيا لما جيت بعت عربيتي خليت الراجل كتب اقرار انه استلم العربيه مني في الساعه كذ والليوم كذا وانه متحمل المسئوليه الجنائيه لاي حاجه تتعمل بالعربيه وعمل عقد مسجل وخدت منه صوره من العقد علشان اثبتها في المرور اني بعت العربيه وبالتالي تترفع ضريبه الرفاهيه من عليا
ونستنى نشوف رأي الزملاء

البيع لو بعقد بيع للنفس و الغير لازم يكتب فيه كلمة ( فقط ) عشان يجبر ثاني مشتري للسيارة انه يعمل نقل ملكية بإسمه

اقتباس:

---

المشاركة الأصلية كتبت بواسطة ashrofa72

انا الموضوع ده حصل معايا بعت عربيتي بتوكيل وعقد بيع ابتدائي وكان الرخصة لسه فيها سنتين وقعد بيها السنتين وبعدين انا قعدت اسأل في المرور لحد ما بلغوني انو غير الرخصة باسمه
لكن قانونيا مش عارف ايه المفروض اللي يحصل اكيد الزملاء حيفيدوك

---

اقتباس:

---

المشاركة الأصلية كتبت بواسطة mohamed_e36

على حد علمي البيع بيكون بتوكيل او عقد مسجل وده اللي يثبت ان الراجل ده اشترى منك وده اللي يخليه يعرف يرخص العربيه في المرور لكن هل المرور بيعترف بالعقد الابتدائي ؟ مظنش
والغريب ان الراجل مسعاش في حته التوكيل او التسجيل
ثانيا لما جيت بعت عربيتي خليت الراجل كتب اقرار انه استلم العربيه مني في الساعه كذ والليوم كذا وانه متحمل المسئوليه الجنائيه لاي حاجه تتعمل بالعربيه وعمل عقد مسجل وخدت منه صوره من العقد علشان اثبتها في المرور اني بعت العربيه وبالتالي تترفع ضريبه الرفاهيه من عليا
ونستنى نشوف رأي الزملاء

---

اقتباس:

---

المشاركة الأصلية كتبت بواسطة safsouf

البيع لو بعقد بيع للنفس و الغير لازم يكتب فيه كلمة ( فقط ) عشان يجبر ثاني مشتري للسيارة انه يعمل نقل ملكية بإسمه

---

للأسف مش فاكر العقد اتكتب فيه إيه
ده غير إنه عقد غير مسجل أصلا
والأغرب إن الراجل جه لحد البيت عشان يسلم ويستلم
يعني لو نمرة التليفون ضاعت فعنده مكان البيت
بس اختفى من بعدها والموضوع اتنسى

يعنى مكنش فى توكيل منك ليه؟
يبقى مبيرخصش خالص و ماشيه بالبركه لحد كم يتقفش فى كمين .....
معرفش التصرف القانونىا يه بس حرص لان لو عمل مصيبه بالعربيه كده هتلبس انت!

اقتباس:

---

المشاركة الأصلية كتبت بواسطة mohamed_selim

يعنى مكنش فى توكيل منك ليه؟
يبقى مبيرخصش خالص و ماشيه بالبركه لحد كم يتقفش فى كمين .....
معرفش التصرف القانونىا يه بس حرص لان لو عمل مصيبه بالعربيه كده هتلبس انت!

---

لاء مفيش توكيل
....
وكذا واحد قالي أعمل محضر بسرقة العربية عشان يوصلو للي اشتراها أول ما يعدي على أي لجنه
بس طبعا غير منطقي التصرف ده رغم إني قلقان من أي مشكله تحصل بالعربية واتصدر انا فيها
بس مفترض حسن النية لإنه أكيد هيتبهدل بسبب الحركه دي

الغريبة انك انت اللى قلقان مع ان المفروض هو اللى يقلق لانك بايع عربية بعقد بيع ابتدائي ( ولا ليه لازمه ) انت لو عملت محضر بسرقة العربية هترجعلك تاني وهو هيبوس ايدك عشان تسجله وقانونا كد الرخصة انتهييت ولازم عشان تعمله عقد او توكيل لازم تطلع شهادة بيانات موجهه للشهر العقاري

اقتباس:

---

المشاركة الأصلية كتبت بواسطة m.elgergawy

الغريبة انك انت اللى قلقان مع ان المفروض هو اللى يقلق لانك بايع عربية بعقد بيع ابتدائي ( ولا ليه لازمه ) انت لو عملت محضر بسرقة العربية هترجعلك تاني وهو هيبوس ايدك عشان تسجله وقانونا كد الرخصة انتهييت ولازم عشان تعمله عقد او توكيل لازم تطلع شهادة بيانات موجهه للشهر العقاري

---

قلقي من الناحية الجنائية
أما هو لو قلق هيقلق من الناحية المادية
بس ما تعرفش ظروفه إيه ممكن يكون مش فارقه معاه بس يوم ما تحصل حاجه بالعربية
الشرطة أول ما هتدور ع النمر هتدور في ملف العربية وهتجيبني أنا
وللأسف القلق ده جي متأخر لاني مافتكرتش الغلطة دي غير من قريب
ومش عارف والله المحضر ده هيبقى صح والا غلط

طالما المشتري لم يراعي قلق البائع يبقي من حقك تعمل محضر في القسم بسرقة السيارة وبذلك هيجيلك لغاية عندك بس قبل ما تعمل المحضر اتعب نفسك وروحله لمكانه وبلغه اما انه ينقل ملكية لنفسه او لا مفر من عمل المحضر

اقتباس:

---

المشاركة الأصلية كتبت بواسطة besso33

طالما المشتري لم يراعي قلق البائع يبقي من حقك تعمل محضر في القسم بسرقة السيارة وبذلك هيجيلك لغاية عندك بس قبل ما تعمل المحضر اتعب نفسك وروحله لمكانه وبلغه اما انه ينقل ملكية لنفسه او لا مفر من عمل المحضر

---

الراجل ده قال اللى انا هقوله بالظبط تروح للراجل الفيوم تحاول توصله وتعمل عقد البيع

مرديش اعمل محضر بسرقة العربية وهو هيجيلك لحد عندك بس الموضوع غريب علشان تبقى فاهم وميتسكتش عليه

شكرا على آراءكم
بس للأسف نمرته ضاعت من معايا من زمان ومفيش أي وسيلة تواصل
وفكرة المحضر دي أعتقد هتضره وتضرني أنا برضو في الآخر
هتضره إنه هيتبهدل في الإقسام عشان هيتعاملو معاه إنه حرامي
وانا هتضر إنه هيرفع قضية نصب بموجب العقد الابتدائي اللي معاه
أنا هبقى أروح المرور أسألهم أعمل إيه وربنا يستر

احسن فكره فعلا انك تروح المرور وتسال علي الاجراءات وشكرا

انت خايف على الراجل ومش خايف على نفسك
الغريبة انه مستهتر !!!!!!!!!!!!!

روح لمحامى اسئله الاول قبل ما تعمل محضر بالسرقه لو فى حاجه تانيه تتعمل احسن يبقى تعملها
لكن فعلآ لازم تتصرف لان ما ينفعش تسيب العربيه كده وهى لسه بأسمك ومش معاك لو عمل اى حادثه او قتل حد بيها انتا اللى هتلبس مش هو

هو عقدك انت ضايع ؟؟؟؟؟؟؟؟

لازم تتصرف وتشوف حل بسرعه وخصوصا ان الراجل بتقول من ( الفيوم ) وفي قلق هناك لو مش عايز تعمل محضر حاول توصله باي شكل انما غير كده هيكون عليك ضرر انت في غني عنه

طب ماتقول مواصفات العربية اية بالظبط ونوعها يمكن القيهالك
لانى من الفيوم
ولو فاكر الراجل منين من الفيوم قول

ياباشا يعني انت دلوقتي عملت توكيل ولا معملتش اصلا
العقد الابتدائي دة مالوش اي تلاتين لازمة
وازااي نسيت تعمل التوكيل

باشا انا بعت عربيه من 7 سنين وعملتوا توكيل في الشهر العقاري ولحد دلوقتي بأسمي واكتشفت ده من سنه وانا بدفع ضريبه رفاهيه وانا مدفعتهاش من 7 سنين ياباشا قول سبحان الله ...... انت في مصر

شكرا للجميع
أنا رحت النهارده المرور الموظف قالي النمر القديمة اتلغت وما بقتش بتتجدد ولو ماشي لسه بيها هتتسحب منه
قلتله أمال إزاي نمر العربية دي لسه على الموقع بتاع المخالفات
قالي قاعدة البيانات عايزة تحديث
مش عارف تحديث إيه اللي بقاله المدة دي كلها

للأسف كمان في خطاء شائع عند عمل التوكيل وهو ان بيتكتب في التوكيل البيع للنفس وللغير والتعامل مع المرور
والكلمة ديه (التعامل مع المرور) بتخلى المشترى يجدد العربية كل سنه عادي وهيا لسه باسم البايع ويفضل البايع يلبس كل ينة ضريبة رفاهية في حالة لو كان عنده عربية تانيه خلو بالكو من النقطه ديه اوي ياجماعه .

الى يبيع بتوكيل يتاكد انه مكتوب فيه البيع للنفس وللغير فقط بدون كلمه التعامل مع المرور

التعامل مع المرور لا تعني تجديد الترخيص ولكن يعني استخراج شهادة بيانات او لو الرخصة اتسحبت ورايح تستلمها انما تجديد الترخيص لازم يكون مكتوب في التوكيل وتجديد الترخيص
اما بالنسبه للتوكيل فالصح ان لما حد يبيع يكتب فيه
البيع للنفس فقط والتعامل مع المرور