هيه اللانسر البومه بتحتاج كام لتر زيت لما الفلتر يتغير 3.5 ولا 4
عرض للطباعة
هيه اللانسر البومه بتحتاج كام لتر زيت لما الفلتر يتغير 3.5 ولا 4
اذا كنت هتغير زيت بس يبقى 3.5 اما لو كنت هتغير زيت و فلتر يبقى 4.5
اسف...............لو زيت و فلتر يبقى 4
شكرا يا غالي.........
3 لتر فقط حتى لو هتغير فلتر و ما تحوطش اكتر من 3 لتر فى اى ظروف بفلتر او من غير فلتر و عن تجربه و بينى و بينكم مقاس الزيت و لو عملت غير كده هتلاقى الزيت معدى علامه الmax بكتير. و عن تجربه
بالنسبة للانسر البومة في التوكيل يتم تغيير الزيت مع الفلتر (في حالة موبيل 1) بكمية 3 و ثلث لتر بالظبط ، وبدون الفلتر (في حالة موبيل XHP) بكمية 3 لتر فقط
بصوا يا جماعه اناعاوز اوضح الموضوع ده بالذات
هو فى الكتالوج بتاخد 3 لتر و الفلتر بياخد 0.3 لتر يعنى المفروض انك لو مغير الفلتر تاخد 3.3 لتر زى ما قال البشمهندس طارق .
هقولكم بقى على تجربتى......
انا باحط 3 لتر موبيل1 كل علبه لتر لوحدها و بغير معاه الفلتر و بيكون اصلى شاريه من التوكيل و بتكون العلامه على مقياس الزيت عند علامه الMAX بالضبط و لما كنت باجيب الجركن ال4 لتر و العامل يحطلى منه 3.3 لتر زى ما هو المفروض مع تغيير الفلتر كانت العلامه على المقاس بتزيد عن ال Max جدا لدرجه انى روحت فيها شفط الزيت و شفط منه شويه وعلى فكره انا مش بكدب الكتالوج ولكن هى ده تجربتى العمليه مع الموضوع و لما فكرت فى تفسير لكده توصلت لأن العلبه الواحد لتر موبيل 1 بتبقه فعليا اكتر من اللتر حاجه بسيطه فمع ال3 علب اللى بيتحطوا فى العربيه بيعوضوا الفرق و اعتقد انهم بيبقو ال3.3 لتر اللى محتاجاهم العربيه وجربو مش هتخسروا حاجه و لو لاقيتوا المقاس مش مزبوط فى ايديكم تزودوا الكميه و لو لاقيتوه مزبوط و طلع كلامى مزبوط يبقه انتوا أولى بالفلوس اللى هتندفع فى الزيت الزياده خصوصا انك هتجيب جركن 4 لتر لأن مفيش جركن 3.3 لتر و مش محتاج اعرفكم الزيت موبيل 1 غالى ازاى.
زى اللى حصل معايا بالضبط
الزيت 3 لتر بالتمام والكمال لا تزيد
أى زيادة عن ال 3 لتر بتبقى فوق علامة الحد الأقصى ، وكل المرات اللى بغير فيها كان زيت وفلتر طبعا
مع العلم إن السيارة 1300 سى سى
والفايدة كمان إن كل 3 مرات غيار زيت هيفضل معاك لتر فى كل جركن فتغير الرابعة مجانى
ده اللي عايز اقولوة
اكيد 1300 غير 1600
اكيد كل القياسات السابقة ل 1300
لان الكرولا برضه لو زيت وفلتر بتاخد اقل من 3.5 وهيا 1300
لو 1600 اعتقد زيت وفلتر بين 3.75 او 4 لتر