فكرة غريبة لحمايتك من السرقة بالاكراه

السلام عليكم

جت فى دماغى فكرة غريبة شوية لحمايتك من السرقة انت وعربيتك واكيد ناس هتقول دا بيهرج وناس هتقول انت مجنون
وطبعا حابب اسمع الاراء

الفكر عبارة عن انك تشترى مسدس لعبة
بس طبعا يكون مسدس من الغالى يعنى يكون شكله كبير وتقيل كده ومحمل ويكون شكل الحقيقى بالظبط يعنى مش تروح محل الالعاب تشترى اى مسدس وخلاص ... وما يمنعش تجيبله كام طلقة كده لعبة برده طبعاااااا اهو لزوم الاكشن

وتشوف مكان فى عربيتك يكون مخفى وقريب من ايدك وتحطه فيه

بالفكرة دى تبقى ضربت عصفورين بحجر واحد
العصفور الاول انه ممكن جدااااااا يحميك من السرقة لانك لو طلعته لاى حد هيخاف ويعملك حساب ويعرف انك مستبيع وطبعااااا الحرامى مش هيسيب الموقف انه مرفوع عليه مسدس ويبص للمسدس عشان يعرف هو حقيقى ولا لئه ..( وبعدين انا قلت فى الاول تجيبه شكل الحقيقى بالظبط )

العصفور التانى بقا ان لو اى حد من الشرطة شافه معاك ولا هيعملك اى حاجة لانه اصلا لعبة

حابب اسمع الاراء عن الفكرة

هى المشكله انى كنت قريت دراسه زمان بتقول ان الانسان المسلح بيكون اكثر عرضه انه يتصاب من انه يكون اعزل لان لو اللى بيثبتك معاه الى وانت طلعت المسدس هو كل فكره هيبقى انك عايز تموته وبالتالى هو يقضى عليك احسن فمش حيسمى وحيخلص لانه مستبيع ومش فارقه معاه .
غير كده الفكره كويسه لو تضمن ان ده ميحصلش وان اللى بيثبتك ميفكرش كده يبقى الموضوع ممتاز .
تحياتى وتمنياتى بالسلامه للجميع .

اقتباس:

---

المشاركة الأصلية كتبت بواسطة eslamrace

هى المشكله انى كنت قريت دراسه زمان بتقول ان الانسان المسلح بيكون اكثر عرضه انه يتصاب من انه يكون اعزل لان لو اللى بيثبتك معاه الى وانت طلعت المسدس هو كل فكره هيبقى انك عايز تموته وبالتالى هو يقضى عليك احسن فمش حيسمى وحيخلص لانه مستبيع ومش فارقه معاه .
غير كده الفكره كويسه لو تضمن ان ده ميحصلش وان اللى بيثبتك ميفكرش كده يبقى الموضوع ممتاز .
تحياتى وتمنياتى بالسلامه للجميع .

---

كلامك مظبوط ياباشا
بس انا بتكلم فى حاجة بسيطة يعنى تثبيتة صغيرة
لكن الى وشغل عصابات وكلام من ده لا طبعااااااااااا
انا الى اقصده انه ممكن ينفعك فى حاجات بسيطة او حالات فردية مش مجموعات وعصابات

ههههههههه فكرة بس خد بالك المشكله ان الحرامى المسلح بيكون معاه بندقيه الى دلوقت ولو شاف مسدس بيضرب وساعتها بقى انت عارف الباقى
افضل حاجه انك تسلم امرك لله فالله خير حافظ وهو ارحم الراحمين
تحياتى

اقتباس:

---

المشاركة الأصلية كتبت بواسطة abo sandy

كلامك مظبوط ياباشا
بس انا بتكلم فى حاجة بسيطة يعنى تثبيتة صغيرة
لكن الى وشغل عصابات وكلام من ده لا طبعااااااااااا
انا الى اقصده انه ممكن ينفعك فى حاجات بسيطة او حالات فردية مش مجموعات وعصابات

---

طيب ان كان كده ماشي بس اظن ان حتى العصابات الفرديه بيشيلوا اسلحه بس حتحتاج يكون عندك سرعه تقدير للموقف عدد اللى موجودين كام وتسليحهم ايه وهكذا قبل متاخد قرار اخراج السلاح .
تحياتى.

اقتباس:

---

المشاركة الأصلية كتبت بواسطة eng wael

ههههههههه فكرة بس خد بالك المشكله ان الحرامى المسلح بيكون معاه بندقيه الى دلوقت ولو شاف مسدس بيضرب وساعتها بقى انت عارف الباقى
افضل حاجه انك تسلم امرك لله فالله خير حافظ وهو ارحم الراحمين
تحياتى

---

ونعم بالله ياباشا ... ربنا يسلم طريقنا كلنا
بس انا بتكلم ان ممكن يبقى فى مواقف بسيطة تقدر تستعمله فيها يعنى ما بتكلمش فى ألى وكلام من ده
يعنى انت ممكن تلاقى حد وقفك ومعاه سكينة مثلا
او حد بيثبتك من غير حاجة كمان خالص
يعنى فى مواقف زى كده وطبعا كل واحد وعقله
يعنى يشوف الموقف الى يقدر يستعمله فيه

وربنا يسترها على الكل يا رب

فكرت في الموضوع قبل كده .. بس قلقت من لجنة رزلة علي الطريف .. كبرت دماغي و جبت مفتاح صواميل 21 انش اهة ينفع في المشاكل (لا قدر الله ) و محدش له حاجة عندي عدة العربية و انا حاططها في الباب انا حر .
و اخيرا ربنا يحفظنا و يحفظكم من شر الطريق .. ودائما اول مركب العربية بقول الاية الكريمة (فالله خير حافظا و هو ارحم الراحمين)

اقتباس:

---

المشاركة الأصلية كتبت بواسطة eslamrace

هى المشكله انى كنت قريت دراسه زمان بتقول ان الانسان المسلح بيكون اكثر عرضه انه يتصاب من انه يكون اعزل لان لو اللى بيثبتك معاه الى وانت طلعت المسدس هو كل فكره هيبقى انك عايز تموته وبالتالى هو يقضى عليك احسن فمش حيسمى وحيخلص لانه مستبيع ومش فارقه معاه .
غير كده الفكره كويسه لو تضمن ان ده ميحصلش وان اللى بيثبتك ميفكرش كده يبقى الموضوع ممتاز .
تحياتى وتمنياتى بالسلامه للجميع .

---

انا موافق مع الراي ده .. الا لو حتطلع المسدس من قبل ميحصل مواجهة بينك و بينه ... اقصد مجرد متلاقي عربية بتزنق عليك و حد بيقلك تقف تقوم مطلع المسدس من الشباك .. انما لو واقف قدامك و معاه سلاح ماظنش ان الفكرة حتبقي مجدية

اقتباس:

---

المشاركة الأصلية كتبت بواسطة eslamrace

طيب ان كان كده ماشي بس اظن ان حتى العصابات الفرديه بيشيلوا اسلحه بس حتحتاج يكون عندك سرعه تقدير للموقف عدد اللى موجودين كام وتسليحهم ايه وهكذا قبل متاخد قرار اخراج السلاح .
تحياتى.

---

اكيد طبعا الموضوع محتاج سرعة بديهة
وتاخد القرار الصح ... يا تظهره يا اما لا ...

وعلى فكرة والله احنا بالى بنشوفه فى البلد بقت حياتنا كلها اكشن

تخيل عربية بتزنق عليك ومعاك مسدس خرز وواحد ملثم بيقولك اقف وفي ايده طبنجة قمت انتا مطلع له المسدس الخرز واعصابك سيبة تقوم ايدك ديسة علي الزيناد وتطلع خرزة مثﻵ في وشة ههههههههههههههههههههههههه هههههه
والله ماهيسبوك حتا لو وقفت في كمين ههههههههههههههههههههههههه هه

فكرة حلوة لو مش عصابة معاها الى مجرد شخص لوحده او معاه مطوة بس بس خلى بالك لازم تكون اعصابك حديد و تكون مقتعععع للشخص اللى قدامك ان المسدس حقيقى لان لو بان عليك مجرد شك ان المسدس فشنك يبقى انت فى مشكلة بجد

اقتباس:

---

المشاركة الأصلية كتبت بواسطة aymanshebl

فكرة حلوة لو مش عصابة معاها الى مجرد شخص لوحده او معاه مطوة بس بس خلى بالك لازم تكون اعصابك حديد و تكون مقتعععع للشخص اللى قدامك ان المسدس حقيقى لان لو بان عليك مجرد شك ان المسدس فشنك يبقى انت فى مشكلة بجد

---

اكيد طبعاااااااا لازم يبقى فى وش اجراااااااام ههههههه

اقتباس:

---

المشاركة الأصلية كتبت بواسطة mahmoud.69

تخيل عربية بتزنق عليك ومعاك مسدس خرز وواحد ملثم بيقولك اقف وفي ايده طبنجة قمت انتا مطلع له المسدس الخرز واعصابك سيبة تقوم ايدك ديسة علي الزيناد وتطلع خرزة مثﻵ في وشة ههههههههههههههههههههههههه هههههه
والله ماهيسبوك حتا لو وقفت في كمين ههههههههههههههههههههههههه هه

---

هههههههههه حلوة موضوع الخرز ده
على الاقل لا يعاقب عليه القانون
وبعدين ممكن تيجى فى عينيه يفقد السيطرة على العربية وتخلص منه وبخرزة ههههههههههههههه

انا فكرتى في الحماية من السرقة بالاكراه

حاجة تكون عاملها في العربية بطريقة معينة ساعة الخطر تفصل طرمبة البنزين او لو العربية فيها ايموبلايزر تبقى عامل نسخة من المفتاح مش مشفرة ( ما تدورش العربية ) و تطلعها وتخفى تماما المفتاح الاصلى

وفي نفس الوقت حاجة في الكبوت تدلق زيت ع الموتور ومياه ع الردياتير مثلا او الشكمان ! (تعمل دخان) او تعديل في المارش مثلا يدى صوت كأن العربية قطعت كاتينة ! (خيال علمى :makeup: )


ويبقى كأن العربية عطلت بيك ، مش راضية تدور ، وتنزل تحاول تدورها وتفتح الكبوت ولو قعدت لبكرة مش هتدور لانك يا اما فاصل الطرمبة يا اما بتدور بمفتاح مزيف

وفي نفس الوقت المنظر ان الموتور فيه حاجة ، يعنى مش هيقوللك دور العربية يالا ، فين المفتاح يالا ، فين زرار فصل الطرمبة يالا ويضربلك طلقتين في الهوا ويرعبك او يخطف عيل من عيالك لا قدر الله ويجبرك تدور العربية وتسيبهاله في الاخر

في الحالة دى اعتقد هيبقى اخرهم ياخدوا الموبايل والفلوس اللى معاك وده ارحم بكتير اوى اوى من ان العربية كلها تتاخد منك


طبعا صعبة اوى التفكير العملى في حاجة زي كدة بس دى الفكرة اللى جتلى في الموضوع ده و تكون امنة الى حد كبير في نفس الوقت

بعيد عنا وعن السامعين جميعا


المعضلة في الموضوع ده كله ان لو حد توصل لطريقة ، مش هينفع يقول عليها علنا لان الحرامية هيعرفوها وهيهرشوها بعد كدة وتفقد جدواها

كان في حادثه من شهرين عميد شرطه طلع عليه 3 حراميه راح مطلع الطبنجه وضرب عليهم نار راحوا هما فتحين الالي عليه اخد 3 رصاصات ومات الافضل انك تقول لهم اتفضلوا العربيه منعا للازعاج وشكرا

بص هى تنفع
لو اللى هيثبتك معاه مسدس لعبه

لو هتشيل يبقى تشيل معاك حاجة بجد مش شكل وخلاص، لأننا عدينا مرحلة الصوت والفشنك!!!

فيه جهاز التتبع موجود ياريت حد يفدنا فيه
هوا جهاز بشريحة موبايل لو العربيه اتسرقت لاقدر الله تتصل عليه يبعتلك احداثيات العربيه وعن طريق الجوجل إيرث تححد الاحداثيات دي فين
والحاجه الثانيه كان واحد صاحبي مركبو انو بتتطلب رقم معين يفصل طرمبة البنزين دا لو فيه سرقه بالاكراه تسيبو وبعد فتره وجيزه (مايكونش بعد عنك) تتصل بالرقم يفصل الطرمبه وتبطل العربيه
وفيه نوع تاني فيه مايك بيفتح وتسمع الحوار وآخر بكاميرا تصور الحرامي وطبعا كل ده بيتثبت في مكان خفي صاحبي كان عامله ف عربيته ماعرفتش اطلعه إلا لما قالي ع مكانه
وكان مركبه تقريبا 1200جنيه تقريبا لو حد متابع آخر الاسعار يفيدنا ومكان لتركيبه هوا مركبو ف سبيركار

الأفضل من إنك تعتمد على سلاح وهمي وتواجه هجوم مسلح بيه، إنك تكون يقظ وحذر وتحاول تتفادى المواجهة أساسًا، لما يكون عربية مدججة بالسلاحة بتزنق عليك، سرعة البديهة هي سلاحك الحقيقي اللي ممكن ينقذك ويحقق لك الهروب الآمن أو على الأقل تسلم بذكاء وتتنازل عن عربيتك حفاظًا على روحك وسلامتك الشخصية ودي أهم.

السلاح الوهمي اللي انتا أساسًا مش عارف هتتصرف بيه إزاي هيزيد من ارتباكك ويقلل حسن تصرفك وده لصالح الحرامي، وهيعرض حياتك للخطر لأن في احتمال كبير إنه يجرك لمواجهة تخسر فيها أكتر من العربية بمراحل.

أنا اللي توصلت ليه في المسألة دي بعد اعتمادي على الله وتوكلي عليه، إن احتمال السرقة لازم يكون في دماغك كل يوم وانتا خارج بالعربية، وتحاول تكون يقظ وانتا ماشي، مش أي حتة تقف فيها، وفي الأماكن المقطوعة أو المشكوك فيها لازم تمشي بحذر وتكشف بعينك كل حاجة على مسافة بعيدة وتحاول متزنقش عربيتك وتخلي مسافة تقدر تناور فيها وتهرب لو حصل حاجة، هي دي الدفاعات الحقيقية اللي لازم تعتمد عليها، في تعبير إنجليزي بيقول "to be always on your guard" يعني تكون دائمًا متحفز وحذر عشان تتجنب المواقف الخطرة، الحرامي دايمًا بينقي فريسته من الناس غير الحذرة، لأنه مش غاوي يعمل محاولات سرقة فاشلة، ومش غاوي يجرب ويغامر، هي فرصة بيلاقيها في واحد حط نفسه في موقف سرقة محتملة بسبب قلة حذره.

ورغم إن الحذر لا يمنع القدر، إلا إن الإيمان بالقدر لا يمنع الأخذ بالأسباب.

ربنا يستر طريقنا جميعا . الواحد عمره ما فكر فى يوم من الايام قبل الثورات المجيده اللى حصلت فى البلد فى الحاجات دى . وكأننا عايشين فى شيكاغو