الموضوع: توصيل الانبوبه دليفرى

لصاحب الموضوع فعلا انا مجربتش الموضوع لان الازمه مجتش عندنا انما الرقم بتاع التوصيل 19492 ممكن تتصل بيهم وتجرب وتقول للى مجربش على تجربتك
اما بخصوص المشاركات الاخرى فيا اخواننا الموضوع من زمان اوى والازمات بتعدى علينا ودايما نتقسم اتنين جزء يدافع بشده ويبرر المستحيل وجزء يهاجم بشده ويحمل المسؤل بدون مراعاه لاى شئ بالموضوع كاملا وفى الغالب الازمه بتكون اما مؤقته ولسبب ما او بتكون بسبب تقصير مسؤل مضافا اليه تقصير مواطنين فزى مكان بيتقال ايام د/مرسي ان الازمه عاملها الفلول فحاليا سامع ناس بتقول ان اى ازمه عاملها الاخوان بدليل انهم مش راضيين يدفعوا الفواتير وهكذا وبالتالى مش حنوصل لحل ولا حنعرف المشكله جايه منين
ورحم الله ا/جلال عامر لما قال "لا ننظر ابدا فى مراه مستويه تظهر الحقيقه بل اما مقعره تظهرنا اكبر مما يجب او محدبه تظهرنا اصغر مما نحن ".
تحياتى.