استفسار بخصوص صيانات الاوبترا

**a7med 7maada** · 05-11-2013 10:29 PM

انا عندي عربيه اوبترا 2010 لسه جايبها من اسبوع ةالعربيه عامله 42200 كيلومتر فكنت عايز اسأل عن الحاجات اللي المفروض اغيرها
يعني لازم اغير سير الكاتينه ولا استني شويه مع العلم ان اكيد ان اللي فيها اصلي والمفروض الاصلي بيمشي كام كيلو بالظبط وفي نوع ايصالي سألت عليه ارخص من الاصلي لو حد يعرفه يقولي كويس ولا لآ
وايه الحاجات التانيه اللي المفروض اغيرها
وعندي غطا التكيهات جايب زيت فانا جبت جوان جديد ليه هل المشكله دي موجوده كتير في الاوبترا ولا دي حاجه نادره
واسف علي الاطاله بس ارجو الرد :):)

**a7med 7maada** · 05-11-2013 11:32 PM

ايه يا جماعه مفيش حد هنا ولا ايه :)

**blazer** · 06-11-2013 12:52 AM

الف مبرزك على العربيه ,, و ملاك العربيه يردوا عليك برده
" فى رأى تغير سير الكاتينه و الفلاتر " هوا و زيت و بنزين " و تكشف على الزيوت و تغير زيت الفتيس الاوتوماتيك و الفرامل و الماتور و ميه الردياتير " والافضل تتصل بصاحبه ا تساله ايه هى اخر صيانات اتعملت للعربيه
ياريت حضرتك تقولى هى مانيوال ولا اوتو و جبتها بكام

**abou-yahia** · 06-11-2013 08:25 AM

مبروك

**a7med 7maada** · 06-11-2013 12:11 PM

متابع ....:)

**ysamerlabib** · 06-11-2013 12:24 PM

انا كنت نفس الحالة بتاعتك دي ... عايز نصيحتي اعمل الاتي:
اولا: انسى صاحب العربية الاولاني.
ثانيا: اعتبر ان دي عربيتك لمدة 10 او 15 سنه جايين (ان شاء الله)
ثالثا: غير كل ما هوه محتاج تغيير (او مش محتاج تغيير ) بمعنى : كل الزيوت والسيور والفلاتر والتيل والجوانات وخلافه
انا عارف ان الكلام ده مش حيعجب ناس كتير .. بس انت ممكن تسأل صاحب العربية ويقولك انا لسه مغير سير الكاتينه (مثلا) هل انت عارف هوه صادق ولا لأ ... هل انت عارف هوه جايب الاصلي ولا لأ ...
يبقى احسن تغير كل الكلام ده .. هوه حيبقى مكلف شوية بس حتشتري دماغك من وجع القلب .. لانك ممكن تستغلى حاجة دلوقتي وتدخلك في مشاكل بعد كده انت في غنى عنها

**a7med 7maada** · 06-11-2013 12:42 PM

بس العربيه ماشيه 40 الف بس وبيتهيقلي ان الكاتينه ببيتغير علي اكتر من كده واكيد اللي فيها الاصلي اللي هي نازله بيه

**ahmed.zahra** · 06-11-2013 01:50 PM

روح بيها ع التوكيل و هما حيقولولك ايه اللي محتاج يتغير و ايه اللي مش محتاج. و المفروض انك حتلاقي مع العربية دفتر الصيانات و تكتوب كل صيانة ايه اللي المفروض يتعمل فيها و ايه اللي تم عمله في حالة ان صاحب العربية الأولاني كان بيوديها التوكيل. لو ماكانش بيوديها التوكيل يبقى حضرتك تظبطها أول مرة في التوكيل عشان تبقى مطمئن و بعد كدة حضرتك لك حرية الاختيار تصلح عنهم و لا لأ.

**abou-yahia** · 06-11-2013 04:05 PM

بص حضرتك

اولا مبروك العربيه

ثانيا : العربيه موديل 2010 يعني مر عليها حوالي 4 سنين ان مكنش اكتر

ثالثا : بعض اعمال الصيانه بتخضع للتقدير

يعني ممكن تخالف الكتالوج بتاع العربيه في حاجات ذي مثلا انك تبدر صيانه او تاجلها

رابعا: العربيه بغض النظر عن عدد الكيلومترات اللي العربيه عاملاها فيه حاجات لازم وحتما تتغير ذي :
1- السيور لانها كاوتش والكاوتش ليه عمر وبيتأثر بظروف التشغيل وظروف الجو المحيط بالتشغيل .
2- زيت الفرامل عمره سنتين .
3- زيت الباور .
4- الكاوتش ينطبق عليه ما ينطبق علي السيور وهوه عمره 5 سنين
5- زيت الفتيس بيتغير وده كلامي انا علي 30 الف .
6- البوجيهات غيرهم وياريت تحط ngk ايريدم او بلاتينيوم عمرهم اطول واداء وتوفير بنزين احسن .

خامسا : حاجات ممكن تسيبها حسب حالتها ذي :
1- بليه الكاتينه الثابته وبليه الكاتينه المتحركه .( لو خشنه غيرها ) بدافع التوفير لاكن الافضل تغييرها .
2- جلب المقصات وكاوتش الميزان وبيض الطرف والمساعدين والبطاحات
كل ديه حاجات حسب الحاله
3- الطنابير والتيل تشيك عليهم .
4- فلتر الهواء وفلتر التكييف ممكن تنظفهم فقط وبرضك حسب حالتهم .

نصيحه اخير

انتظر اسبوع او اتنين عشان تكون لميت بالحاجات االلي العربيه محتاجاها .
وبعدين حط اولويات وميزانيه .

جوان غطاء التاكيهات هاته الاصلي فقط عشان يعيش معاك ويفضل تغييره والعربيه بارده .

تحياتي

الموضوع: استفسار بخصوص صيانات الاوبترا

LinkBack

أدوات الموضوع

عرض

-

-

-

-

المواضيع المتشابهه

استفسار عالسريع كده من رجالة الشيفورليه بخصوص الاوبترا

استفسار بخصوص الاوبترا هام جدا وضروري

صيانات واسعار وقطع غيار الاوبترا

استفسار بخصوص صيانه الاوبترا

استفسار بخصوص مراية الاوبترا

الكلمات الدلالية لهذا الموضوع

المفضلات

المفضلات

ضوابط المشاركة