مساعدة في كاوتشات للالنترا (+تقرير عن اسعار 6 أكتوبر)
ازيكوا يا شباب
طبعا الله يبارك في حكومتنا الجميلة على تطنيشها للحفر والفواصل العجيبة اللي على الدائري
كنت ماشي (تقريبا على 100 ك/س) على الدائري من بعد وصلة المريوطية لمحور 26 يوليو عشان رايح اكتوبر
وألاقي الكاوتش (صناعة فبراير 2012) ضرب مرة واحدة مع ان عمق المداس وحالة الكاوتش كانت ممتازة، الحمدلله على كل حال:
http://nileup.com/up/uploads/nilemotors_13837207831.jpg
المهم، لفيت على توكيل بردجستون وكونتيننتال وبريلي وهانكوك (ونسيت مكان توكيل ميشلان بس موجود) في اكتوبر وجمعت كل الاسعار لمقاس بتاعي 195/65 مقاس 15، ودي كانت الاسعار:
http://nileup.com/up/uploads/nilemotors_13837207832.jpg
فإيه رأيكم أجيب ايه؟ انا عاوز أغير الطقم كله عشان اللي انفجر ده كان الحلو اللي فيهم، العربية النترا 2011، النهاردة إن شاء الله ها لف لفة على التوكيلات في المعادي يمكن نلاقي أرخص
وياترى حد عنده فكره عن اسعار بردجستون ياباني في بنزينة كالتكس اللي في تقاطع عباس العقاد مع مصطفى النحاس؟؟
مستني رأيكم وربنا يحفظ طريقكم :)