سوأل عن جنزير كاتينه ال 504

**khaled_sabry** · 06-11-2013 09:31 AM

السلام عليكم
خبراء 504
امبارح كنت عند الميكانيكي بغير اويل سيل طنبوره الكاتينه - ولما فك غطاء الكاتينه فوجئ ان مافيش مخده الكاتينه (كان مخلوع بالقصد)
المهم غيرى الغطاء بأخر قديم كان عنده به مخده الكاتينه (و لكن كان فيها كسر فى المنتصف غير مؤثر حسب كلام الميكانيكي ) و ايضا غيرلى كاوتشه شداد الكاتينه لأن القديمه كانت متأكله
المهم لما دورت العربيه لاقيت فيها صوت خشونه غريب و بيظهر و هى على السلانسيه - الميكانيكي قالى هى لسه بتطبع على مخده الكاتينه اللى ركبت

فهل كلامه مظبوط و لا هو بيشتغلنى - ايضا لاحظت ان المخده دى فيها شرخ عرضى ففى اسوء الظروف لو اتكسرت و اتخلعت من مكانها و انا ماشى ممكن تعملى مشكله و لا حتتفرم مع جنزير الكاتينه
و هل الصوت ده ممكن يبقى نذير لمشكله اكبر ؟- لأنى ناوى اسافر بيها يوم الجمعه القادمه بإذن الله

**eleanor** · 08-11-2013 04:31 AM

المفروض لما تغير الكاتينه اى صوت يروح لكن كلام حضرتك معناه ان شداد الكاتينه ضعيف والجنزير بيخبط فى الصاجه

**eleanor** · 10-11-2013 06:26 AM

المشاركة الأصلية كتبت بواسطة khaled_sabry

لحظه انا ماغيرتش الكاتينه - لكن هو لعب فى الشداد
حاجه تانيه انا سافرت اسيوط رايح جاى (900 كيلو) ولسه راجع الناهرده
فالعربيه صوتها على السرعات كويس لكن على السلانسيه بحس ان فيها صوت خبط خفيف - يتهيألى ده يؤكد اللى بتقوله

تمام كده يبقى الشداد فى مشكله وعلى السلانسيه بيقى لفات الموتور اقل فالصوت بيبقى مسموع
اما فى السرعات العاليه بتزيد عدد لفات الموتور والجنزير بيشد شويه فالصوت بيبقى مش مسموع بالنسبه لك
بس ماتقلقش ماياسرش فى حاجه بس حاول فى اقرب فرصه تظبطه