الموضوع: مساعدة فى الدوج رام 2004

صديقي المواطن
قولا واحدا
الدودج رام قبل موديل 2009 إياك تفكر فيها شكلا قبيحة وحتكون هلكانة وخليك في الشكل الجديد أبو فوانيس عالية من بعد 2009 ونصيحة أخرى عشان تركب دودج رام مينفعش دي تكون عربيتك الوحيدة لازم تكون معاك عربية أخرى ملاكي تسد في المشاوير اليومية الهايفة مهو مش معقول تاخد عربية ضخمة وعظيمة زي دي وتروح تجيب عيش للعيال دي ليها خروجات معينة
وهذا ما لزم بيانه ودمتم وبالتوفيق وإلى اﻷمام ومن نصر إلى نصر
ودمتم للنضال

الف شكر يا باشا
و انا فعلا عندى عربية تانية دا اولا اما موضوع الشكل مش فارق معاية اوى بس الموضمون هو المهم و بصراحة مش معاية تمن ال2009 خااااااااااالص و عاوز اركب دودج رام و لو حضرتك تفضلت ممكن تقولى اية عبوب العربية دى غير الشكل و فعلا اكون شاكر فضلك يا فندم

المشاركة الأصلية كتبت بواسطة boozoo2010

الف شكر يا باشا
و انا فعلا عندى عربية تانية دا اولا اما موضوع الشكل مش فارق معاية اوى بس الموضمون هو المهم و بصراحة مش معاية تمن ال2009 خااااااااااالص و عاوز اركب دودج رام و لو حضرتك تفضلت ممكن تقولى اية عبوب العربية دى غير الشكل و فعلا اكون شاكر فضلك يا فندم

صديقي المواطن
متتعبش نفسك العربية مفيهاش أي عيوب غير إنها نمر نقل وبتصرف بنزين كتير غير كده مفيش مشاكل لكن الشكل القديم غير جميل ولا أنصح به داخليا وخارجيا ولكن على صعيد آخر العربية دي ليها عيب وهو إنو ملهاش عيب في حاجة معينة ولكن عيبها مش حتلاقي حالة نظيفة حتلاقي عربيات كلها متهانة وكل أجهزتها الداخلية بتكون واصلة مرحلة من التعب في عرفنا إحنه بنسميها لما توقع العربية دي مش بيبان عليها الصرف يعني تصرف فلوس تشد التحسن مش حيكون على قدر الذي صرفته ليه ﻷن العربية معظم ملاكها شباب أولاد اﻷغنياء بيشتري العربية كام شهر ويكبس بنزين عاﻵخر أول متبتدي تتعب يلبسها لحد تاني وخد بالك العربيات دي لما توقف عند الميكانيكي مبتوقفش بالساعات دي بتوقف باﻷسابيع وأنا أنصح تبيع عربيتك ال بي أم وتكمل على اللي معاك وتاخد رام 2010 وتاخد عربية ملاكي أي كلام تمشي بيها نفسك زي صني ولانسر وأوبترا والعربيات دي لغاية مربنا يرزقك تاني وترجع تجيب ال بي أم جنب الرام الشكل الجديد

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال