بسبب الشابورة المائية والسرعة الزائدة حوادث بشعة على الطريق الزراعى صباح اليوم

ياساتر يارب ده كل خطوتين حادث بشع على الزراعى

سمعت عن حادث مهبب فى مدخل طنطا عند ميت حبيش 6 سيارات محطمة تماماً بسبب السرعة الزائده والشبورة

غلق طريق مصر إسكندرية الزراعي بسبب حادث تصادم و15 مصاب علي الأقل

تشهد شوارع وميادين القاهرة والجيزة، والطرق الرئيسية منذ صباح اليوم الأربعاء، كثافات مرورية عالية، خصوصًا طريق مصر الإسكندرية الزراعى باتجاه القاهرة بسبب هبوط شبورة مائية أدت إلى ارتباك فى حركة المرور، وغلق الطريق أمام كفر الزيات بسبب وجود حادث تصادم مروع بين 3 سيارات

اسفر الحادث الذي وقع بالقرب من مدينة ايتاي البارود عن اصابة 15 بينهم حالات خطرة نقلت الي مستشفي دمنهور التعليمي نظرا لضعف الامكانات بمستشفي ايتاي البارود العام

والجدير بالذكر ان من بين المصابين طلاب بجامعة الاسكندرية كانوا في طريقهم الي الجامعة

اللهم استر طريقنا

لا حول ولاقوة الا بالله العلى العظيم
ربنا يسترها علينا والله بنى ادمين ماعندهاش لا دم ولا ضمير ولا مخ وعلى كده هما بيروحو كمان فى الرجلين بسبب غبائهم بس بيضيعو معاهم ناس تانيه

حادث تصادم بين 3 سيارات على طريق "مصر الإسكندرية الزراعى"

قع حادث تصادم صباح اليوم الأربعاء، بطريق مصر الإسكندرية الزراعى باتجاه القاهرة، بين 3 سيارات، على خلفية الشبورة المائية التى شهدتها المحافظات.

فى الوقت نفسه شهد الطريق تكدس مروري، من اتجاه القاهرة، مما دفع رجال المرور للإنتقال لرفع آثار الحادث وتسيير الحركة.

الزراعى طريق زبالة بيلخص جميع مظاهر التخلف في مصر

النهاردة أقاربى كانوا رايحين مطار برج العرب الصبح وراجعين يحكوا عن كم الحوادث طول السكة
ابشعهم حادث تريلا محملة بالزلط مقلوبه بعرض الطريق عند دمنهور والكابينه محطمة تماماً والسواق مرمى على الارض وبيطلع فى الروح
وفى الجهة الاخرى حادث آخر لميكروباصين مقلوبين
حاجه مش طبيعية
ده احنا لسه فى أول الشتاء وده اول يوم الشابورة تكون صعبه فيه كده
كمان شويه هنهبب ايه !!!

اقتباس:

---

المشاركة الأصلية كتبت بواسطة elawany13

النهاردة أقاربى كانوا رايحين مطار برج العرب الصبح وراجعين يحكوا عن كم الحوادث طول السكة
ابشعهم حادث تريلا محملة بالزلط مقلوبه بعرض الطريق عند دمنهور والكابينه محطمة تماماً والسواق مرمى على الارض وبيطلع فى الروح
وفى الجهة الاخرى حادث آخر لميكروباصين مقلوبين
حاجه مش طبيعية
ده احنا لسه فى أول الشتاء وده اول يوم الشابورة تكون صعبه فيه كده
كمان شويه هنهبب ايه !!!

---

قلبى اتقطع عليهم والله شكل العربيات بعد الحادثة كأنك دخلتهم مفرمة معادن العربيات متفرتكة بمعنى الكلمة الطريق النهاردة كان مهزلة

اقتباس:

---

المشاركة الأصلية كتبت بواسطة amoor89

قلبى اتقطع عليهم والله شكل العربيات بعد الحادثة كأنك دخلتهم مفرمة معادن العربيات متفرتكة بمعنى الكلمة الطريق النهاردة كان مهزلة

---

لا حول ولا قوة إلا بالله
اللهم استر طريقنا
واكفينا شر المستهترين