السلام عليكم انا معايا 30000 و عايز اشترى عربية نضيفة متورها ميزدش عن 1300 سىسى و موديلها ميقلش عن 94 تنصحونى بأية
انا بصراحة ميال للكورسا و البونتو انتوا ايه رئيكم فيهم
عيزكم كمان تقوليلى انهى افضل من حيث سعر قطع الغيار و توافرها و انهى تستحمل اكتر
عرض للطباعة
السلام عليكم انا معايا 30000 و عايز اشترى عربية نضيفة متورها ميزدش عن 1300 سىسى و موديلها ميقلش عن 94 تنصحونى بأية
انا بصراحة ميال للكورسا و البونتو انتوا ايه رئيكم فيهم
عيزكم كمان تقوليلى انهى افضل من حيث سعر قطع الغيار و توافرها و انهى تستحمل اكتر
انت كدة بتتكلم فى Punto فاضية من غير تكييف لان حسب علمى اللى بتكييف بتبقى من 34 و انت طالع.
الCorsa بتكييف لاكن من 35 و انت طالع بردة.
ولاهى لو جت على الاربع تلاف ممكن اتصرف فيهم اهم حاجة العربيه تكون نضيفة انا اهم حاجة عندى انى مجبش عربيه تبهدلنى و ميرسى جدا ليك لللاشتراك
الكورسا جامدة جدااااااااااا والمانى وتعيش ووتقولك اوعى تنسانى
الكورسا تكسب
كان فى وحدة 29 الف بس من غير تكيف
الاتنين حلوين
لكن بالتمن دا للاسف ما يجبش عربيه نضيفه سواء كورسا او بونتو.
عاوز كمان 5 الاف زياده
يا استاذ حازم يا كبير اولا كلامك بخصوص ال5 تلاف الذيادة دى مش معاك فيها علشان ليا واحد صديقى معاة كورسا 97 بس مش عايز يفرت فيها حلتها تمام التمام و كان شاريها قريب اوى و فيها فتحت سقف كمان و كاملة و متجنطة حلوة اخر حاجة يعنى ب32 الف هو ممكن كلامك صح لو عايز انزل اجبها من معرض اسعار المعارض العربيات المستعملة فى حدود من 35 الى 38 مش بتزيد و فيه حجات نضيفة اوى بس انا عايز حد يكون عايز يبعها احسنلى و احسنلوا انا ممكن ربنا يسهل و ازود 2 او 3 حتى و اكيد المعرض الى بيبيع ب35 مش حيخدها منوا اكتر من 30 علشان اصلا الاوبل عربيه نضيفة بس مش بياعة الاوبل عموما مش بياع و بينزل جامد جدا فى سعرة معلش يا رجالة طولت عليكم و ميرسى لمشاركتكم بس يا جماعة عايزين عروض محدش عندة عربية عايز يبعها فى الحدود دى
فين يا هوت بوجا دى انا عايز اشوفها
يا كابو باشا انا شايف عربيه بالمواصفاتاللي بتقول عليها دي في معرض بس زبون عارضها مش بتاع المعرض يعني كان عاوز فيها 41 الف!!
انا عارف انها كده غاليه اوي بس انا قولت تعمل في حدود 38
واحد صاحبي بايع واحده 95 تعبانه ب 32 الف و كان بايعها علشان قرفان
و واحد قريبي شاري واحده 95 كامله برضه ب 38 و فابريكه.
فهي فعلا اسعارها ماسكه حاليا ال 35 لو عربيه نضيفه.
عربيه صاحبك دي بجد لقطه ربنا يحميها له:)
و عموما لو لقيت حاجه قدامي حقولك عليها
صعب تلاقي كورسا أو بونتو بحالة جيدة بالسعر دة.
السعر دة ممكن متعرفش تجيب بة برايد ولا اونو!
اولا انا فى غاية الشكر لاشتركم معايا بس عايز اقلوكم حاجة بالنسبة للبنتو فهى بجد مش عربيه بياعة فسعرها بينزل اوى خصوصا على الموديلات الى انا بقصدها الى هى 94 او 95 لحد 98 فموضوع ان القيها بسعر 30000 نضيفة موجودة و فبريكة دواخل و حالة المتور ممتازة بس حلقيها رشة برة اكيد لكن بخصوص الكورسا انا متفق انها اغلى شوية و عندى استعدادا بدام الفرق معقول (معقول بالنسبة ليا لحد 4 الاف ) المهم خير الختام انا عايز ااعرف بردوا مزيد من الاراء و مرحب بكل الاراء و يا ريت تسعدونى و ميرسى لمشاركتكم جدا جدا