موبينة ولا ايه ؟ عايز رأيكم بجد

**MITSUKERO** · 06-11-2013 07:29 PM

السلام عليكم

دلوقتي العربية اوقات بتتخنق و بتقطع بسيط و انهرده قطعت و اتخنقت جامد و الخنقة بتيجي و تروح و اوقات تقطيع بسيط و يروح علي طول

انا مغير موتور طرمبة بنزين و رشاشات من 4 ايام للأسف كنت خارج القاهرة في المنوفية و العربية عملت العمله الزفت دي فروحت كشفت عند ميكانيكي هناك و جربناها و عمل اسكان و قالي الرشاشات وحشة (رشاشات الب اي اللي كنت مركبها من 8 الاف كيلو بالظبط) فقولت له لا ياعم دي جديدة و كذا و كذا فقال خد قطم رشاشات من عندي جرب بيه و فعلا اداني طقم ب 100 جنية بتاع لانوس (هو سعر غريب بس الاسعار في الارياف ببلاش بدون مبالغة بالمقارنة بالقاهرة) و فرق في السحب و في التقطيع يومين بالظبط و كل حاجة رجعت زي الاول

دلوقتي انا فكيت سلوك الموبينة سلك سلك من نص ساعة بالظبط و الاشارة زرقاء بس اخر سلك من تحت في الموبينة بيعمل الشرارة بالعافية يعني لازم اقرب السلك جدا من المكان بتاعة مش زي باقي السلوك بيلقط من علي بعد

انا قربت اتجنن و طبعا خايف اغير الموبينة و العيب يستمر خصوصا انها مش موضوع 100 ولا 200 جنية دي ب 600 جنية !!! ده غير ان انا بالفعل صرفت 300 جنية قلب طرمبة و رشاشات علي الفاضي !!! اه هو السحب فرق بس مش لدرجة اني ارمي الفلوس في الارض

ياريت تشاركوني في الراي لاني تعبت من كتر المصاريف بجد و حاسس اني اتقفلت من العربية

**mero100** · 06-11-2013 07:40 PM

بوبينه استيراد 100 او 150 جنيه ...جرب بيها و غالبا حتطلع بوبينه .

**MITSUKERO** · 06-11-2013 07:45 PM

متأكد من السعر ده ؟

**مصطفى-حسن** · 06-11-2013 08:16 PM

مبدئيا الموبينة الاستيراد دلوقتى من 200 الى 250ج (الاسعار دى من رمضان اللى فات )

بس على كلامك لو 3 اطراف بيطلعوا شرارة زرقا وواحد بس بيطلع شرارة حمرا...معتقدش دة ممكن يخنق العربية

عل العموم انت اعمل الحاجات البسيطة الاول واللى تكلفتها رخيصة قبل ما تخش على التقيل
وهيا بالترتيب
1- نضف الراس بتاعة الايدل
2- فلتر بنزين
3- اتاكد ان التقسية صح بتاعة الكاتينة
4 - بعد اى مشوار حط ايدك على الاربع جنوط ليكون واحد فيهم قافش هتلاقية سخن مولع ودة ممكن يكتف العربية

البند رقم 1 و 2 و 4 ممكن تعملهم بنفسك بدون ميكانيكى يعنى التكلفة هتبقى منعدمة والبند رقم 3 الميكانيكى كبيرة 30ج لو عمل شغل فى التقسيمة

**MITSUKERO** · 06-11-2013 08:31 PM

المشاركة الأصلية كتبت بواسطة zarif

مبدئيا الموبينة الاستيراد دلوقتى من 200 الى 250ج (الاسعار دى من رمضان اللى فات )

بس على كلامك لو 3 اطراف بيطلعوا شرارة زرقا وواحد بس بيطلع شرارة حمرا...معتقدش دة ممكن يخنق العربية

عل العموم انت اعمل الحاجات البسيطة الاول واللى تكلفتها رخيصة قبل ما تخش على التقيل
وهيا بالترتيب
1- نضف الراس بتاعة الايدل
2- فلتر بنزين
3- اتاكد ان التقسية صح بتاعة الكاتينة
4 - بعد اى مشوار حط ايدك على الاربع جنوط ليكون واحد فيهم قافش هتلاقية سخن مولع ودة ممكن يكتف العربية

البند رقم 1 و 2 و 4 ممكن تعملهم بنفسك بدون ميكانيكى يعنى التكلفة هتبقى منعدمة والبند رقم 3 الميكانيكى كبيرة 30ج لو عمل شغل فى التقسيمة

لا الاربعة الشرارة بتاعتهم زرقاء بس الاخير بيلقط الاشارة اصعب من الباقي

و كل اللي قولته عملته والله

الايدل منضفة من اقل من الف كيلو
فلتر البنزين متغير من اقل من الف كيلو
التقسيمة صح لان الكتينة قديمة بقالها 15 الف كيلو
الفرامل مظبوطة و مغيرها بالكامل امامي و خلفي من التوكيل طنابير و مساتر و خراطيم و تيل و كل حاجة من 20 الف كيلو

**MITSUKERO** · 06-11-2013 08:33 PM

المشاركة الأصلية كتبت بواسطة amr elshamy

موبينة عامله 150 جنيه ( استيراد ) بس دا ف بورسعيد وممكن تفاصل فيها كمان وعلى تجربه يوم .. لكن مش عارف القاهره عامله فيها كام

القاهرة اظن زي ما استاذ مصطفي قال ب 250 لاني سمعت السعر ده كذا مرة

**kha_led29** · 06-11-2013 08:40 PM

نفس المشكلة كانت عندى وبعد محاولات كتير وتغير موبينة وبوجهات وسلوكها وكمبيوتر .....
كان حساس الماب الافى صدر العربية
حاول تاخد ماب من عربية حد صاحبك وجارك وجرب بية
وفكة وتركيبة سهل جدا حرر الفيشة وانزع الخرطوم وجرب مشوار وهو راكب من غير تركيبة على الصدر يعنى سيبة لما تجرب بية من غير تربيط فى الصدر
سعرة جديد 350 واستيراد من 50 الى 70 جندى

**مصطفى-حسن** · 06-11-2013 08:41 PM

طيب
بردو الحاجات اللى مش مكلفة
طلع البوجيهات واحرقهم على البوتجاز لحد ما ينضفوا وبعدين خلى الميكانيكى يظبهم على 070 بالفيلر
وطقم كابلات جديد اعتقد فى حدود 55ج

وبردو كدة مدخلناش فى تكلفة جامدة

**مصطفى-حسن** · 06-11-2013 08:43 PM

المشاركة الأصلية كتبت بواسطة kha_led29

نفس المشكلة كانت عندى وبعد محاولات كتير وتغير موبينة وبوجهات وسلوكها وكمبيوتر .....
كان حساس الماب الافى صدر العربية
حاول تاخد ماب من عربية حد صاحبك وجارك وجرب بية
وفكة وتركيبة سهل جدا حرر الفيشة وانزع الخرطوم وجرب مشوار وهو راكب من غير تركيبة على الصدر يعنى سيبة لما تجرب بية من غير تربيط فى الصدر
سعرة جديد 350 واستيراد من 50 الى 70 جندى

حساس الماب يخلى العربية على السلانسية مبرجلة
والراجل بيشتكى من خنقة فى السحب بتروح وتيجى

على العموم هوة بردو يقولنا عل السلانسية العربية عاملة اية

-

الموضوع: موبينة ولا ايه ؟ عايز رأيكم بجد

LinkBack

أدوات الموضوع

عرض

موبينة ولا ايه ؟ عايز رأيكم بجد - انشر الموضوع فى :

-

-

-

-

-

-

-

المواضيع المتشابهه

الموضوع الرسمي لتحويل موبينة الماروتي اللي موبينة الكتروني

عايز اخد رأيكم

عايز رأيكم

عايز رأيكم

عايز رأيكم فقط رأيكم

الكلمات الدلالية لهذا الموضوع

المفضلات

المفضلات

ضوابط المشاركة