فطارك اية الصبح ؟

**hugan** · 07-11-2013 01:24 AM

المشاركة الأصلية كتبت بواسطة prof2013

انا بفطر ببسكوته اولكر ودا لاني مش بيبقى جايلي نفس للفطار عموما فدي بتبقى تغيير ريق بس لحد الغداء

هو ايه البسكويت الاولكر

انا بافطر اللي يتبقي من ساندوتشات العيال وهما رايحين المدرسه

**mesaharaty** · 07-11-2013 12:55 PM

فول وطعمية شغال
فول بس شغال
جبنة وفول شغال
جبنة وطعمية شغال
بيض وفول شغال
بيض وطعمية شغال
يبقى العامل المشترك الأكبر إيه يا شطااااااار ؟؟

**prof2013** · 07-11-2013 01:00 PM

المشاركة الأصلية كتبت بواسطة mesaharaty

فول وطعمية شغال
فول بس شغال
جبنة وفول شغال
جبنة وطعمية شغال
بيض وفول شغال
بيض وطعمية شغال
يبقى العامل المشترك الأكبر إيه يا شطااااااار ؟؟

ههههههههه فووووووووول

**corsair** · 07-11-2013 02:15 PM

انا محروم لاني بعمل دايت

فطاري 5 ملاعق فول بليمون وشطه وكمون مع فلفل رومي

والغدا 2 علبة زبادي مع عصير ليمون

والعشاء قطعة جبن قريش مع سلطة خضراء

ادعولي لحسن انا حاسس اني هبقي شبه الصوماليين عن قريب

**mohamedxsayed** · 07-11-2013 02:24 PM

الفطار بالنسبالى زى العيد كل فين وفين بس بشرب حاجه سخنه
مقدرش اصحى اكل حتى لوعندى مشوار مثلا من 9 الصبح لغايه الساعه 5 مكلش غير لما ارجع
من اول ما دخلت اعداديه بطلت اخد سدوتشات .

**ابو لؤى** · 07-11-2013 02:30 PM

على حسب المزاج مره فول وطعميه مره جبنه مره كشرى بس بحكم شغلى فى وسط البلد الفول والطعميه هنا طعمهم مختلف خالص غير الفول بتاع زمان اللى نعرفه كلنا حتى الطعميه مختلفه وطبعا غير المحلات الشعبيه بتاعتنا

**esam_refaat** · 07-11-2013 03:45 PM

المشاركة الأصلية كتبت بواسطة saddam

صديقي المواطن
رغم إني من ذوي اﻷوزان الثقيلة ولكن أنا مبحبش الفطار من صغري ومقدرش أزيد عن وجبتين في اليوم ولو أكلت 3 وجبات لمدة أسبوعين صحتي حتتدهور والجهاز الهضمي حيبيع القضيه ولو صحيت من النوم مقدرش آكل بتاتا من ساعتين وحتى 6 ساعات أتغدى على طول ولكن لو نزلت الشارع وبشد في العربيات ممكن لو لقيت أي حاجة آكلها وأنا بكون مستني حاجة وممكن تفاحة الصبح مع نص.كباية مياه ولكن عمري مقول كلمة جعان ولو إظطريت أعيش عالمياه لمدة يومين مشتكيش وأقول جعان وسط الرجالة بحس الراجل لو هو قائد في شركته أو عمله عيب عليه يقول جعان ولازم يستحمل وياكل في أي وقت وأكتر وجبه بقدسها هي العشاء حتى لو كان ده غلط ولكن العشاء ده حاجة عظمة وتجربة ممتعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لما هو كده امال السمنة جت منين ؟

**esam_refaat** · 07-11-2013 03:55 PM

محدش جاب سيرة سندوتشات الحلاوة الطحينية ليه ؟
هو انا بس الى بحبها فى البلد !!
مشكتها ان اكلها بكثرة بيرفع الكوليسترول واخيرا لقيتلها بديل صحى جدا بس موسمى
الا وهو سندوتشات العجوة بالسمنة
بتجيب البلح الامهات المستوى وتنزع منه النوى وتسويه مع ملعقة سمنة بلدى على النار وعمره طويل وممكن تعمل كميه وتحفظها فى الديب فريزر
طبعا ماتزودش السمن عشان يكون صحى
نسيت ادى الجبنة البراميلى حقها
ودول مع العيش البلدى اصدقائى فى ساعات العمل الطويلة وليالى السهر
4 سندوتشات وساعات 6 احسن ما تتحايل على حد فى الشغل يروح يجيب لك اكل من بره وطبعا انظف وأأمن
الله دمها نعمة واحفظها من الزوال

-

الموضوع: فطارك اية الصبح ؟

LinkBack

أدوات الموضوع

عرض

-

-

-

-

-

-

المواضيع المتشابهه

الميجان علي الصبح

صوت تخبيط على الصبح

التكييف الصبح ؟؟؟؟

حادثة على الصبح

حركة تلت كوم على الصبح

الكلمات الدلالية لهذا الموضوع

المفضلات

المفضلات

ضوابط المشاركة