سيارة صاروخ بقوة 5 الالاف حصان

اليوم يا ساده سوف نقدم لكم صاااااااااااااااااااااااا ااااااااارووووووووووووووو ووووووووخ

نعم انا اقصد هذا

انها Devel Sixteen الإختبارية

اترككم مع التقرير فتابعونا

هناك الكثير من السيارات الرائعة في معرض دبي هذا العام, جعلت فعاليات هذا العام اكبر من اي عام مضى.

ولكن هناك شيء سيسجّله التاريخ تواجد في معرض هذا العام,
وهي سيارة شركة Devel Sixteen الإختبارية التي تصل قوّتها لـ 5,000 حصان! نعم, تلك ثلاثة اصفار.

اذا كنت تعتقد ان لامبورغيني تصميمها مبالغ فيه, وخيالي جداً, فتصميم هذه السيارة ستجعلها تبدو اعتيادية.

هذا التصميم الخرافي مبني بالكامل من الكربون فايبر.

تم تصنيع هذه السيارة “الشيطانية” بالكامل في دبي, عدا محرّكها الذي يأتي من شركة امريكية.
هذا المحرّك تم انتاجه خصيصاً لها. يتكوّن من 16 اسطوانة على شكل حرف V واربعة شواحن تيربو. “مصنع” القوة هذا في داخلها يولّد 5,000 حصان! يجعلها تنطلق من 0 الى 60 ميل/س (0-96 كم/س) في 1.6 ثانية فقط!
سرعتها القصوى تجعل منافسة هينيسي فينوم GT وبوقاتي فايرون سوبر سبورت مضحكة ومخجلة, حيث تستطيع الوصول الى 560 كم/س!

لكن قبل البدء في انتاجها, هناك الكثير من العقبات التي تواجهها الشركة,
والتي لم يخفها رئيسها ماجد العطار.

يقول السيّد ماجد ان السيارة ستكون اصغر حجماً من هذه النسخة الإختبارية.
ولأنه لا يوجد اي اطارات حالياً تستطيع الصمود امام تلك السرعة المرعبة, تفكّر الشركة في استخدام اطارات الطائرات.
وهناك شكوك بشأن قانونية قيادة هذه “السيارة؟” في الطرقات العامّة.

يتوقّع السيّد ماجد العطار ان اول نسخة سيتم تسليمها لصاحبها بعد 14 اشهر من الان.
ستنتج الشركة 6 نسخ كل عام.

الغريب في الأمر هو سعرها المنخفض جداً مقارنة بسيارات مثل لافيراري ومكلارين P1, حيث لا يتعدّى سعرها 5.5 مليون درهم اماراتي, اي حوالي 5,616,049 ريال سعودي.
http://img.montada.haraj.com.sa.s3-w...a5b346c22b.jpg
http://img.montada.haraj.com.sa.s3-w...a5b4b48c41.jpg
http://img.montada.haraj.com.sa.s3-w...a5b57f2e3f.jpg
http://img.montada.haraj.com.sa.s3-w...a5b5c2930f.jpg
http://img.montada.haraj.com.sa.s3-w...a5b66e6b16.jpg
http://img.montada.haraj.com.sa.s3-w...a5b7a9f2e0.jpg
http://img.montada.haraj.com.sa.s3-w...a5b7b35091.jpg
[youtube]http://www.youtube.com/watch?feature=player_embedded&v=cl3Uy7CLCsI[/youtube]

5000 حصان و made in dubai ؟

اذا كانت ايطاليا والمانيا معملوش الكلام ده في عربياتهم هتيجي دبي تعمل كدة؟

واصلا العربية شكلها ماكيت بس مفيش اي نوع من انواع الواقعية

تلاقي الكبسة كبست على مخ اللي اخترع الخبر ده

اقتباس:

---

المشاركة الأصلية كتبت بواسطة eng f3lix

5000 حصان و made in dubai ؟

اذا كانت ايطاليا والمانيا معملوش الكلام ده في عربياتهم هتيجي دبي تعمل كدة؟

واصلا العربية شكلها ماكيت بس مفيش اي نوع من انواع الواقعية

تلاقي الكبسة كبست على مخ اللي اخترع الخبر ده

---

يا هندسة انا مش فاهم ايه مقصدك من الكلام كله؟
ولا كبسة كبست ولا طعمية طعمت ولا اي بتنجان

العربية زي ما حضرتك شايف اتعرضت في دبي ومش في اي معرض ياباشا ده في معرض دولي مش بيتعمل الا كل مده يبقى اللي قال الخبر ألفه من دماغه يعني ولا لازم حضرتك تشوفها بعنيك هناك؟

ثانيا فيها ايه يامعلم اما العرب يعملوا حاجة عدلة؟
اذا كنت شايف ان مصر فيها العقول الجبارة فإن هذه العقول لا تقتصر على مصر فقط ولا حتى اوروبا.. اهم حاجة اللي عنده طموح يتعلم ويبحث عن مصدر علم جيد ربنا هيوفقه مهما كان (حتى اللي بياكل كبسة)

باشا انا عايز اقول لك اني عايش في السعودية من 20 سنة وشايف التطور الرهيب في دول الخليج (بالنسبة لمصر)،، سواء في التعليم او غيره
وشفت نماذج من اكيلة الكبسة دكاترة استشاريين يغلبوا اجدع مصري عندنا

العلم لا يقتصر على طائفة معينة ولكن من اراد العلم (ايا كان من هو) وسعى اليه بأي وسيلة ربنا هيوفقه

اقتباس:

---

المشاركة الأصلية كتبت بواسطة abu 5attab

يا هندسة انا مش فاهم ايه مقصدك من الكلام كله؟
ولا كبسة كبست ولا طعمية طعمت ولا اي بتنجان

العربية زي ما حضرتك شايف اتعرضت في دبي ومش في اي معرض ياباشا ده في معرض دولي مش بيتعمل الا كل مده يبقى اللي قال الخبر ألفه من دماغه يعني ولا لازم حضرتك تشوفها بعنيك هناك؟

ثانيا فيها ايه يامعلم اما العرب يعملوا حاجة عدلة؟
اذا كنت شايف ان مصر فيها العقول الجبارة فإن هذه العقول لا تقتصر على مصر فقط ولا حتى اوروبا.. اهم حاجة اللي عنده طموح يتعلم ويبحث عن مصدر علم جيد ربنا هيوفقه مهما كان (حتى اللي بياكل كبسة)

باشا انا عايز اقول لك اني عايش في السعودية من 20 سنة وشايف التطور الرهيب في دول الخليج (بالنسبة لمصر)،، سواء في التعليم او غيره
وشفت نماذج من اكيلة الكبسة دكاترة استشاريين يغلبوا اجدع مصري عندنا

العلم لا يقتصر على طائفة معينة ولكن من اراد العلم (ايا كان من هو) وسعى اليه بأي وسيلة ربنا هيوفقه

---

انا كنت عايش كمان في قطر وعارف الناس بتفكر ازاي

القطري يزعل اوي لو شاف موبيل اجدد من اللي معاه في ايد حد تاني

ولا 5000 حصان ياباشا ولا حتى 50 .. دي حاجة صعبة جدا تطلع خصوصا لو كانت من الخليج .. انا بقول لحضرتك لو كان في امكانية ان عربية تطلع بقوة 5000 حصان كان حد من البلاد المحترمة في مجال العربيات قدر انه يعملها

اعتقد ده رقم مبالغ فييييه جداً واعذرني مقدرش اني اصدق حاجة زي دي

طب بذمتكو ده منظر طامبورة ؟ بالذمه ده منظر ديسك فرامل هيوقف عربيه 5000 سي سي

غير واقعي بالمرة

ياباشا العربيه دى لاهى موتور امريكى ولا حاجه ولاهى فيها موتو احتراق داخلى من اساسه ......كل ما فى الامر انها تصميم غير اعتيادى لغرض التباهى لسياره (نفاثه ) تحمل موتور نفاس وليس احتراق داخلى زى الطيارات بالظبط ......

http://i1.ytimg.com/vi/Ije7NJUgpY8/hqdefault.jpg


دى حاجه الحاجه التانيه الموتو النفاس يركب على اى حاجه فى الدنيا لانه بيعتمد على قوه دفع الهوا مش عن طريق دفع العجلات زى محرك البنزين ...... زى كدا

http://s3.amazonaws.com/mbc_actionha...0/original.jpg


الفكره مش جديده كمان دى من زمان


http://s3.amazonaws.com/mbc_actionha...4/original.jpg



والمحركات دى فى الاغلب بتبقى من صنع شركه رولز رويس لمحركات للطائرات

ولا تصلح لانها تمشى فى الشارع زى المركبات العاديه لقوة ومسافه ضخ اللهب الخلفى للمحرك بجانب صعوبه السيطره على قوة المحرك ومخاطر تشغيله ....ياباشا اللى عمل الخبر دا قاصد يلمع دوله الاما رات ليس الا بس الصور فضحته لان العربيه دى عمرها ما هتبقى نسخه تجاريه مستحيل دا تصميم انفرادى فقط

وعلى فكره المحركين بتوع العربيه باينين اوى انهم محركات نفاثه

تحياتى

اقتباس:

---

المشاركة الأصلية كتبت بواسطة eng f3lix

5000 حصان و made in dubai ؟

اذا كانت ايطاليا والمانيا معملوش الكلام ده في عربياتهم هتيجي دبي تعمل كدة؟

واصلا العربية شكلها ماكيت بس مفيش اي نوع من انواع الواقعية

تلاقي الكبسة كبست على مخ اللي اخترع الخبر ده

---

عندك حق ولو عايزنى اعملك تصميم زى دا بكره اعملهولك وفى المصانع الحربيه كمان وبمحركات اكبر وسرعه اعلى .......كل الحكايه هنحتاج صندوق باربع عجلات وموتور نفاث وشكرا .....والتكلفه مش كبيره ......بس ابقى دورلى على الطريق اللى هتمشى فيه بالعربيه

ياجماعة انا مليش دعوة لا بإمارات ولا بغيره انا بقول ان العربية دي اتعرضت وهما قالوا الكلام ده
مليش دعوة بقا بصحة الكلام
الفيصل في الموضوع في التجربة الحقيقية ساعتها نبقى نصدق (انما بالنسبة لي انا زيكوا مش مصدق الخبر لحد ما يتم اثباته)

واشكر لكم مروركم الكريم ^_^

هو احنا كده... نشوف التطور الرهيب للخليجيين على جميع المستويات ونقعد نقول دول بدو وبياكلوا كبسة ومش عارف ايه... نشوف جامعاتهم بتدخل ضمن افضل جامعات على مستوى العالم ونقول يا عم هم عندهم تعليم؟ دول ما بيفهموش... نشوف بلد زي دبي مستواها العمراني والثقافي والسياحي وكل حاجة الناس كلها على مستوى العالم معترفة بتفوقه وتطوره المتسارع جدا وتلاقينا احنا بننكر الواقع برضه!!!

وبعدين اللي بيقول ان حاجة زي دي المفروض تتعمل في دولة من الدول المحترمة... عايز اسأله بس: على أساس ان الامارات مش مصنفة من الدول المحترمة يعني؟؟؟ طيب بأمارة ايه؟؟ طب للعلم بس... احنا ترتيبنا الـ124 على العالم في مستوى الطرق في حين ان الامارات ترتيبها تعرف كام؟؟؟ ترتيبها رقم 1 على مستوى العالم... سابقين امريكا والسويد والنرويج والمانيا واستراليا وكله!!! يا راجل ده احنا هنا اللي عنده حتة لانسر ولا سيفيك قديمة عمال يعدل فيها ويتربنها ومبهور قوي انها بتجيب الـ200 وبيسابق بيها صحابه على الدائري وعاملين فيها عباقرة عربيات... أمال نقول ايه على الناس دول اللي راكبين كابريس واكورد وجراند ماركيز وتاهو وأرمادا الخ الخ الخ... أكيد يعني خبرتهم في العربيات -وبالتالي البحث العلمي اللي بيحتاج فلوس كتير موجودة عندهم برضه- أكيد الخبرة دي سابقة ناس زينا بسنوات ضوئية يعني...

طبعا الحمد لله على كل حال... بس كنت اتمنى مناخدش الموضوع بسخرية كدة قبل حتى ما نتأكد هو افتكاسة ولا لأ... وبعدين العربية بالفعل اتعرضت هناك مكنش حلم يعني...

والغريب قوي هنا بقى موضوع انهم عايزين "يلمعوا" الامارات!!!!! يا نهار ابيض... الامارات محتاجة تلميع؟؟؟؟ طيب لو قطر ممكن اصدق... انما الامارات؟؟؟؟ ده الليلة الواحدة في برج خليفة بتمن يجي سنة كاملة اقامة في فندق عندنا في مصر!!!

شخصيا اتمنى يكون الخبر صحيح... وعلى ما اعتقد ان لبنان برضه من فترة مصنعة عربية خارقة بس مش فاكر اسمها... يعني مش الامارات بس!!

اقتباس:

---

المشاركة الأصلية كتبت بواسطة ahmed travco

هو احنا كده... نشوف التطور الرهيب للخليجيين على جميع المستويات ونقعد نقول دول بدو وبياكلوا كبسة ومش عارف ايه... نشوف جامعاتهم بتدخل ضمن افضل جامعات على مستوى العالم ونقول يا عم هم عندهم تعليم؟ دول ما بيفهموش... نشوف بلد زي دبي مستواها العمراني والثقافي والسياحي وكل حاجة الناس كلها على مستوى العالم معترفة بتفوقه وتطوره المتسارع جدا وتلاقينا احنا بننكر الواقع برضه!!!

وبعدين اللي بيقول ان حاجة زي دي المفروض تتعمل في دولة من الدول المحترمة... عايز اسأله بس: على أساس ان الامارات مش مصنفة من الدول المحترمة يعني؟؟؟ طيب بأمارة ايه؟؟ طب للعلم بس... احنا ترتيبنا الـ124 على العالم في مستوى الطرق في حين ان الامارات ترتيبها تعرف كام؟؟؟ ترتيبها رقم 1 على مستوى العالم... سابقين امريكا والسويد والنرويج والمانيا واستراليا وكله!!! يا راجل ده احنا هنا اللي عنده حتة لانسر ولا سيفيك قديمة عمال يعدل فيها ويتربنها ومبهور قوي انها بتجيب الـ200 وبيسابق بيها صحابه على الدائري وعاملين فيها عباقرة عربيات... أمال نقول ايه على الناس دول اللي راكبين كابريس واكورد وجراند ماركيز وتاهو وأرمادا الخ الخ الخ... أكيد يعني خبرتهم في العربيات -وبالتالي البحث العلمي اللي بيحتاج فلوس كتير موجودة عندهم برضه- أكيد الخبرة دي سابقة ناس زينا بسنوات ضوئية يعني...

طبعا الحمد لله على كل حال... بس كنت اتمنى مناخدش الموضوع بسخرية كدة قبل حتى ما نتأكد هو افتكاسة ولا لأ... وبعدين العربية بالفعل اتعرضت هناك مكنش حلم يعني...

والغريب قوي هنا بقى موضوع انهم عايزين "يلمعوا" الامارات!!!!! يا نهار ابيض... الامارات محتاجة تلميع؟؟؟؟ طيب لو قطر ممكن اصدق... انما الامارات؟؟؟؟ ده الليلة الواحدة في برج خليفة بتمن يجي سنة كاملة اقامة في فندق عندنا في مصر!!!

شخصيا اتمنى يكون الخبر صحيح... وعلى ما اعتقد ان لبنان برضه من فترة مصنعة عربية خارقة بس مش فاكر اسمها... يعني مش الامارات بس!!

---

باشا انت واخد الموضوع على اعصابك ليه؟

وايه دخل كل اللى انت قولته دا بتصنيع السيارات الخارقه

هو ينفع اطلع الدور الاخير من غير ما عدى على الدور الاولانى.......يعنى اول ما اصنع عربيه اعمل عربيه 5000 حصان بموتور احتراق داخلى كمان......دا على كده المانيا وايطاليا وامريكا واليابان لا عندهم حضاره ولا تطور ولا فلوس كمان ودبى هى بس اللى عندها كل الحاجات دى


انا نقطه اعتراضى مش على 5000 حصان انا مصدق لان المحركات النفاثه تعمل اكتر من كده كمان انا نقطه اعتراضى على انه موتور احتراق داخلى ودا مستحيل فى الوقت والزمن الحالى ولسه قدمنا فتره زمنيه محترمه على ما العالم يتعرف على هذه الارقام الخياليه من الاحصنه والاهم من كدا انه يعمل عربيه تستحمل الكلام دا



ولو دبى نفسها قالت على الموتور اللى فى الصوره دا موتور عادى مش نفاث ......تبقى كدابه كمان فى اصل وشها وزى ما قولتلك الموتور النفاث مش فكره جديده ولا حاجه ولا حتى محتاجه امكانيات ماديه عاليه وممكن اى حد عادى يركبه على اى حاجه بتمشى سواء على اربع عجلات او 3 او 2 كمان ومش هيبقى انجاز هيبقى شى غير اعتيادى ومجنون وبس

تحياتى

اقتباس:

---

المشاركة الأصلية كتبت بواسطة samehsonic

طب بذمتكو ده منظر طامبورة ؟ بالذمه ده منظر ديسك فرامل هيوقف عربيه 5000 سي سي

غير واقعي بالمرة

---

احييك بشده على قوه ملحظتك دى اخرها توقف فلونس 2013 ودمتم

تحياتى

وااااااااااااااااااااو ... برضه فى دبى !!!!!!!!!!!!!!

اقتباس:

---

المشاركة الأصلية كتبت بواسطة ahmedesmat1987

باشا انت واخد الموضوع على اعصابك ليه؟

وايه دخل كل اللى انت قولته دا بتصنيع السيارات الخارقه

هو ينفع اطلع الدور الاخير من غير ما عدى على الدور الاولانى.......يعنى اول ما اصنع عربيه اعمل عربيه 5000 حصان بموتور احتراق داخلى كمان......دا على كده المانيا وايطاليا وامريكا واليابان لا عندهم حضاره ولا تطور ولا فلوس كمان ودبى هى بس اللى عندها كل الحاجات دى


انا نقطه اعتراضى مش على 5000 حصان انا مصدق لان المحركات النفاثه تعمل اكتر من كده كمان انا نقطه اعتراضى على انه موتور احتراق داخلى ودا مستحيل فى الوقت والزمن الحالى ولسه قدمنا فتره زمنيه محترمه على ما العالم يتعرف على هذه الارقام الخياليه من الاحصنه والاهم من كدا انه يعمل عربيه تستحمل الكلام دا



ولو دبى نفسها قالت على الموتور اللى فى الصوره دا موتور عادى مش نفاث ......تبقى كدابه كمان فى اصل وشها وزى ما قولتلك الموتور النفاث مش فكره جديده ولا حاجه ولا حتى محتاجه امكانيات ماديه عاليه وممكن اى حد عادى يركبه على اى حاجه بتمشى سواء على اربع عجلات او 3 او 2 كمان ومش هيبقى انجاز هيبقى شى غير اعتيادى ومجنون وبس

تحياتى

---

اولا: هوه مين اللي قالك يا باشا اني واخد الموضوع على اعصابي؟؟

ثانيا: كل اللي انا قلته ليه بالفعل علاقة وثيقة بتصنيع سيارات خارقة وغير خارقة لأن كلامي عام وينصب اساسا على حقيقة ان عادي جدا حضرتك لو عندك الامكانيات المادية والنية للدخول في ابحاث علمية جدية متخصصة في اي مجال هتقدر تعمل حاجات غيرك ممكن يشوفها مستحيلة... وخصوصا بقى لو تاريخك في التقدم -سواء عمراني او صناعي او غيره- يشهد على نجاحك الاستثنائي مقارنة بمن سبقوك في نفس المجالات!! وده مختلف تماما عن لو حد جاي يقولنا ان دولة زي مصر هي اللي بتعمل على الموضوع ده لأنه اكيد كان هيبقى ضرب من الخيال (وانا ببني هنا على فشلنا الذريع في جميع المجالات وخصوصا البحث العلمي ناهيك عن قدراتنا الاقتصادية التعبانة)...

ثالثا: لو كان الاعتراض بس من جانبكم على هل هوه احتراق داخلي ولا مش داخلي مكنتش علقت... انا كل اللي ضايقني اننا اوتوماتيكيا بنهاجم ونكذب أي خبر بدون ما حتى ندي نفسنا فرصة لحد ما نشوف على الطبيعة والمية تبقى تكدب الغطاس ساعتها... لأ احنا على طول تريقة طالما دي دولة عربية ومالهاش تاريخ في تصنيع العربيات... رغم ان البحث العلمي يعمل اكتر من كده ويقدروا يشتروا الخبرات الايطالية والألمانية وغيرهم عادي جدا ايه المشكلة؟؟ فزي ما بقولك... انا اعترضت على الهجوم الأوتوماتيكي على مجرد ارتباط اسم دبي بسيارة "اختبارية لسة" بيقولوا انها المفروض "لو اكتمل المشروع" تطلع 5000حصان... زائد حتة ان دي مجرد محاولة "تلميع" للإمارات لأني مش فاهم بأمانة ايه اللي في الإمارات تحديدا محتاج لتلميع؟؟؟

رابعا: هوه أنا قلت ان ده اختراع وان فكرته مش موجودة من زمان؟؟؟ لأ... حضرتك اللي سألت ورديت على نفسك... وبعدين مين اللي قال لحضرتك انهم عايزين يعملوا "انجاز"؟؟؟ ما يمكن هم بالفعل مجرد عايزين يعملوا شيء "مجنون وغير اعتيادي" زي ما حضرتك ختمت... ايه المشكلة بقى؟؟؟ انهم بياكلوا كبسة؟؟ وان الكبسة كبست على نفس اللي اخترع الخبر؟؟؟ طيب انت شايف ان ده هو الرد المعقول على موضوع زي كده؟؟؟ أنا عن نفسي مش شايف كدة وفسرت ليه أنا معترض على بعض التعليقات!!

دولة مثل الامارات والمعروف عنها استيراد العقول بدأ من المعلمين وحتى المهندسين والاطباء
بأي حال من الأحوال لا يمكنها التقدم بخطوة على ابتكارات الغرب

ده العربية اللي 120 حصان بتوصل سرعتها 200 كيلو
يعني بحسبة بسيطة - اذا صحت تلك الحسبة - ستتمكن السيارة من الوصول لسرعة 8000 كيلو في الساعة تقريبا
يعني 8 اضعاف سرعة الصوت

يا جماعة كل ده عشان عربية لسه مظهرتش؟ يا جماعة ما احنا قلنا الفاصل بيننا الاثبات والتجربة

كل اعتراضي على الكلام ان كل تعليقنا كمصريين ان دول بياكلوا كبسة ونقعد نتريق وننسى نفسنا واحنا مش عارفين حتى نعمل عربية فورميلا في كلية الهندسة (كليتي وبكل اسف هندسة المطرية),, ولما عملناها بقى كل همنا ان احنا نوصل لمركز تحت ال100 بعد ما اخدنا المركز 120

الموضوع كده مش هيخلينا كشعب ننافس حتى اللي بياكلوا الكبسة وهما عمالين يتعلموا ويطوروا واحنا عمالين نتجهل ونبص عليهم بس ونقول مينفعش يبقوا احسن مننا بسبب الفساد اللي عندنا... افيقوا (مش كل الموضوع كبسة)

اقتباس:

---

المشاركة الأصلية كتبت بواسطة ahmed travco

اولا: هوه مين اللي قالك يا باشا اني واخد الموضوع على اعصابي؟؟

ثانيا: كل اللي انا قلته ليه بالفعل علاقة وثيقة بتصنيع سيارات خارقة وغير خارقة لأن كلامي عام وينصب اساسا على حقيقة ان عادي جدا حضرتك لو عندك الامكانيات المادية والنية للدخول في ابحاث علمية جدية متخصصة في اي مجال هتقدر تعمل حاجات غيرك ممكن يشوفها مستحيلة... وخصوصا بقى لو تاريخك في التقدم -سواء عمراني او صناعي او غيره- يشهد على نجاحك الاستثنائي مقارنة بمن سبقوك في نفس المجالات!! وده مختلف تماما عن لو حد جاي يقولنا ان دولة زي مصر هي اللي بتعمل على الموضوع ده لأنه اكيد كان هيبقى ضرب من الخيال (وانا ببني هنا على فشلنا الذريع في جميع المجالات وخصوصا البحث العلمي ناهيك عن قدراتنا الاقتصادية التعبانة)...

ثالثا: لو كان الاعتراض بس من جانبكم على هل هوه احتراق داخلي ولا مش داخلي مكنتش علقت... انا كل اللي ضايقني اننا اوتوماتيكيا بنهاجم ونكذب أي خبر بدون ما حتى ندي نفسنا فرصة لحد ما نشوف على الطبيعة والمية تبقى تكدب الغطاس ساعتها... لأ احنا على طول تريقة طالما دي دولة عربية ومالهاش تاريخ في تصنيع العربيات... رغم ان البحث العلمي يعمل اكتر من كده ويقدروا يشتروا الخبرات الايطالية والألمانية وغيرهم عادي جدا ايه المشكلة؟؟ فزي ما بقولك... انا اعترضت على الهجوم الأوتوماتيكي على مجرد ارتباط اسم دبي بسيارة "اختبارية لسة" بيقولوا انها المفروض "لو اكتمل المشروع" تطلع 5000حصان... زائد حتة ان دي مجرد محاولة "تلميع" للإمارات لأني مش فاهم بأمانة ايه اللي في الإمارات تحديدا محتاج لتلميع؟؟؟

رابعا: هوه أنا قلت ان ده اختراع وان فكرته مش موجودة من زمان؟؟؟ لأ... حضرتك اللي سألت ورديت على نفسك... وبعدين مين اللي قال لحضرتك انهم عايزين يعملوا "انجاز"؟؟؟ ما يمكن هم بالفعل مجرد عايزين يعملوا شيء "مجنون وغير اعتيادي" زي ما حضرتك ختمت... ايه المشكلة بقى؟؟؟ انهم بياكلوا كبسة؟؟ وان الكبسة كبست على نفس اللي اخترع الخبر؟؟؟ طيب انت شايف ان ده هو الرد المعقول على موضوع زي كده؟؟؟ أنا عن نفسي مش شايف كدة وفسرت ليه أنا معترض على بعض التعليقات!!

---

1...انا اتشرفت بمعرفتك


2..احنا مش هنستنى لغايه ما الميه تكدب الغطاس لان دى حقيقه واضحه زى الشمس ودا محرك نفاس 100%..........ودا ميمنعش ان دى حاجه غير اعتياديه وتحسبلهم انا كل اعتراضى ليه فى الدعايه او اللى ناقل الخبر بيقوله عليه موتور احتراق داخلى بيعمل بالبنزين لما هما فعلا عاملين انجاز
وليهم فيه براءه اختراع


3..بالنسبه للحكايه تلميع الامارات لا هما فعلا بيلمعه نفسهم ودى اهم حاجه عندهم وبيهتمه بالمظاهر اكتر من الجوهر يعنى ميهمش اللى عمل الانجاز دا مين ومنين الاهم انه فى الامارات لذالك هما بلد فلوس مش عقول على عكس مصر ...........واديك معلومه للزمن (معظم التشيدات العمرانيه الحضاريه فى الامارات فى الاصل فكره وتصميم مهندس مصرىوالبعض الاخر اجنبى ) بس دى معلومه انا متاكد من المعلومه دى ومصدرها مهندس معمارى صديقى كان بيعمل تصميمات لدبى


4.حكايه انى قولت كبسه كبست على عقولهم ..........الكلام دا محصلش ودا مش اسلوبى فى الكلام ياريت تبقى تركز فى اسم صاحب الرد كويس


تحياتى

اقتباس:

---

المشاركة الأصلية كتبت بواسطة egyption2012

ده العربية اللي 120 حصان بتوصل سرعتها 200 كيلو
يعني بحسبة بسيطة - اذا صحت تلك الحسبة - ستتمكن السيارة من الوصول لسرعة 8000 كيلو في الساعة تقريبا
يعني 8 اضعاف سرعة الصوت

---

لا الحسبه مبتبقاش كده برده لان فيه عربيات 80 حصان برده وبتجيب سرعه 200 وفى عربيات 140 حصان ومبتجبش ال200 فدا مش مقياس لسرعه العربيه ال5000 حصان


وفى تقديرى الشخصى العربيه دى لو حقيقيه فعلا وعدد الاحصنه حقيقى حتتجاوز سرعتها 500 كيلو متر بالكتير نظرا لقطر حجم غرفه احتراق المحرك النفاث اللى فى الصورة

ومعلومه لسيادتك فى عربيه نفاسه فعلا اخترعت عدت سرعه الصوت ودى حقيقه بس الصراحه مكنتش بالمنظر اللى فى الصوره الصراحه كانت شبه المكوك الفضائى واول تجربه ليها كانت فى صحراء المكسيك وتخطت سرعتها 1250 كيلو متر وهى سرعه الصوت

تحياتى

اقتباس:

---

المشاركة الأصلية كتبت بواسطة ahmedesmat1987

1...انا اتشرفت بمعرفتك


2..احنا مش هنستنى لغايه ما الميه تكدب الغطاس لان دى حقيقه واضحه زى الشمس ودا محرك نفاس 100%..........ودا ميمنعش ان دى حاجه غير اعتياديه وتحسبلهم انا كل اعتراضى ليه فى الدعايه او اللى ناقل الخبر بيقوله عليه موتور احتراق داخلى بيعمل بالبنزين لما هما فعلا عاملين انجاز
وليهم فيه براءه اختراع


3..بالنسبه للحكايه تلميع الامارات لا هما فعلا بيلمعه نفسهم ودى اهم حاجه عندهم وبيهتمه بالمظاهر اكتر من الجوهر يعنى ميهمش اللى عمل الانجاز دا مين ومنين الاهم انه فى الامارات لذالك هما بلد فلوس مش عقول على عكس مصر ...........واديك معلومه للزمن (معظم التشيدات العمرانيه الحضاريه فى الامارات فى الاصل فكره وتصميم مهندس مصرىوالبعض الاخر اجنبى ) بس دى معلومه انا متاكد من المعلومه دى ومصدرها مهندس معمارى صديقى كان بيعمل تصميمات لدبى


4.حكايه انى قولت كبسه كبست على عقولهم ..........الكلام دا محصلش ودا مش اسلوبى فى الكلام ياريت تبقى تركز فى اسم صاحب الرد كويس


تحياتى

---

1. الشرف لي أنا...

2. وانا ما طلبتش من حد ما يعترضش... أنا كل اللي شفته -من وجهة نظري- ان الناس بتتريق مش علشان هوه احتراق داخلي ولا غير داخلي لأ علشان بس الخبر عن عربية خارقة مرتبطة ببلد عربي... فده على طول بقى مجال للسخرية... وده اللي معجبنيش...

3. مين اللي جاب مصر في الموضوع؟؟ ومين اللي قال لحضرتك انهم بلد فلوس فقط؟؟؟ واننا بلد عقول؟؟؟ يعني هم معندهمش عقول؟؟؟ واحنا لو معانا فلوس كنا بقينا احسن؟؟؟ يعني مشكلتنا فلوس بس؟؟ ما علينا مش هندخل في جدال... بس يا ريت حضرتك تكمل ما تعتقد انه معلومة للزمن وتقولي اسم المهندس المصري ده... يا ريت يكون صح طبعا دي حاجة تفرحنا كلنا... بس مش فاهم يعني ايه المغزى؟؟ انهم ما بيفهموش بس معاهم فلوس واحنا عباقرة بس مش لاقين ناكل؟؟؟ الحقيقة انا بشوف اننا لو فضلنا معتقدين كده مش هنتطور أبدا أبدا وهنلاقي نفسنا دايما بنعلق فشلنا على ظروفنا الاقتصادية... في حين ان دول كتير اثبتت ان ممكن تبقى ظروفك منيلة بنيلة وبتصميمك واصرارك وضميرك وشغلك تقدر تبقى كيان اقتصادي محترم...

4. أنا ما قلتش انك انت اللي قلت موضوع الكبسة... أنا انتقدت فكرة ان حد يقول كده وما ذكرتش اسمك خالص ولا حتى اسم اللي قال كده لأن مش ده هدفي اصلا... كل اللي كنت بحاول اقوله -تاني- اني بعترض على اسلوب التريقة ده... فيا ريت حضرتك اللي تبقى تركز المرات الجاية وتشوف اتوجهلك مني كلام ولا لأ...
وللعلم بس... أنا كتبت مشاركتي الأولى عادي جدا وما كنتش مقتبس مشاركة لأي حد علشان أرد عليها... حضرتك اللي اقتبست مشاركتي دي ورديت عليها...
وكويس ان حضرتك بتقول ان ده مش اسلوبك لأن ده ببساطة يبرر أنا اعترضت ليه من البداية... مش كده برضه؟؟؟

اقتباس:

---

المشاركة الأصلية كتبت بواسطة ahmed travco

1. الشرف لي أنا...

2. وانا ما طلبتش من حد ما يعترضش... أنا كل اللي شفته -من وجهة نظري- ان الناس بتتريق مش علشان هوه احتراق داخلي ولا غير داخلي لأ علشان بس الخبر عن عربية خارقة مرتبطة ببلد عربي... فده على طول بقى مجال للسخرية... وده اللي معجبنيش...

3. مين اللي جاب مصر في الموضوع؟؟ ومين اللي قال لحضرتك انهم بلد فلوس فقط؟؟؟ واننا بلد عقول؟؟؟ يعني هم معندهمش عقول؟؟؟ واحنا لو معانا فلوس كنا بقينا احسن؟؟؟ يعني مشكلتنا فلوس بس؟؟ ما علينا مش هندخل في جدال... بس يا ريت حضرتك تكمل ما تعتقد انه معلومة للزمن وتقولي اسم المهندس المصري ده... يا ريت يكون صح طبعا دي حاجة تفرحنا كلنا... بس مش فاهم يعني ايه المغزى؟؟ انهم ما بيفهموش بس معاهم فلوس واحنا عباقرة بس مش لاقين ناكل؟؟؟ الحقيقة انا بشوف اننا لو فضلنا معتقدين كده مش هنتطور أبدا أبدا وهنلاقي نفسنا دايما بنعلق فشلنا على ظروفنا الاقتصادية... في حين ان دول كتير اثبتت ان ممكن تبقى ظروفك منيلة بنيلة وبتصميمك واصرارك وضميرك وشغلك تقدر تبقى كيان اقتصادي محترم...
اللى جاب مصر فى الموضوع حضرتك ودا كلا مك ( لو حد جاي يقولنا ان دولة زي مصر هي اللي بتعمل على الموضوع ده لأنه اكيد كان هيبقى ضرب من الخيال (وانا ببني هنا على فشلنا الذريع في جميع المجالات وخصوصا البحث العلمي ناهيك عن قدراتنا الاقتصادية التعبانة)...) المهندس صديقى اللى قالى الككلام دا اعتقد اسمه مش هيفرق مع حضرتك فى حاجه ولا محتاج اثبت لحضرتك ان كلامى صح ولا غلط لانه حقيقه وبدل ما بقلل من بلدى يشرفنى انى الاقى بادره امل على طريق الازدهار باذن الله واكيد هيا فيها سلبيات بس هتتحسن باذن الله

4. أنا ما قلتش انك انت اللي قلت موضوع الكبسة... أنا انتقدت فكرة ان حد يقول كده وما ذكرتش اسمك خالص ولا حتى اسم اللي قال كده لأن مش ده هدفي اصلا... كل اللي كنت بحاول اقوله -تاني- اني بعترض على اسلوب التريقة ده... فيا ريت حضرتك اللي تبقى تركز المرات الجاية وتشوف اتوجهلك مني كلام ولا لأ... ماشى عديها

وللعلم بس... أنا كتبت مشاركتي الأولى عادي جدا وما كنتش مقتبس مشاركة لأي حد علشان أرد عليها... حضرتك اللي اقتبست مشاركتي دي ورديت عليها...
وكويس ان حضرتك بتقول ان ده مش اسلوبك لأن ده ببساطة يبرر أنا اعترضت ليه من البداية... مش كده برضه؟؟؟

---

طريقه اعتراضك مقبوله وحق الاقتباس والرد مكفول لاى عضو فى المنتدى طالما فى حدود النقاش ولم تتعدى حدود الاحترام واكيد يعنى اللى بيرد رد مش بيطلب من الناس انها متردش بالعكس دا بيبقى مستنى الردود على احر من الجمر مش كدا ولا ايه

تحياتى

العربيه حقيقيه و بمحرك نفاث فعلا
و ده فيديو ليها و هي بتتحرك

[youtube]http://www.youtube.com/watch?v=dM27iFSoI00[/youtube]

اقتباس:

---

المشاركة الأصلية كتبت بواسطة ahmedesmat1987

طريقه اعتراضك مقبوله وحق الاقتباس والرد مكفول لاى عضو فى المنتدى طالما فى حدود النقاش ولم تتعدى حدود الاحترام واكيد يعنى اللى بيرد رد مش بيطلب من الناس انها متردش بالعكس دا بيبقى مستنى الردود على احر من الجمر مش كدا ولا ايه

تحياتى

---

أحب بس اقولك اني لما قلت انا فاشلين في كل المجالات الخ مكنتش بقلل من بلدي ولا بحقر منها... أنا بقول يا ريت يا ناس نبطل تريقة على خلق الله ونشوف هم عملوا ايه علشان يوصلوا للي هم فيه... هوه ده بقى يا فندم اللي ممكن يديني "أمل" والعكس -اللي هو التريقة واتهام الناس بانهم بلا عقول ومجرد معاهم فلوس وووو- هو اللي بيحبطني لأن رأيي ان الأسلوب ده هيخلينا طول عمرنا نايمين ومبنشتغلش وعمالين بس نتحسر على اننا مش معانا فلوس... على اساس ان مشكلتنا الوحيدة الفلوس!!

وطبعا مش محتاجك تثبت لي حاجة... أنا بحاول أوصلك انه ايه يعني ان المهندس مصري ولا هندي ولا غيره؟؟ ايه المشكلة؟؟؟ ناس عايزة تبني بلدها صح وبتستعين بكل الكفاءات المتاحة لتحقيق الرخاء الاقتصادي والاجتماعي لبلدهم اللي وصل ان طرقه بقت الأفضل على مستوى العالم وفنادقه هي الأفخم وسوقه العقاري هو الأفضل للمستثمرين وشركات طيرانه بتاخد جوايز عالمية سنويا ومستوى دخل الفرد فيه أضعاف نظيره في دول أغنى منه الخ الخ الخ... فبادرة الأمل اللي بتتكلم عنها بشوفها أنا لما بلاقي بلد عربي متفوق في أي حاجة لأن ده معناه اننا ممكن نعمل نفس الشيء... مش نقعد نتريق ونقول بياكلوا كبسة ومش عارف ايه!!

ومع عدم احتياجي لإنك تثبت لي أي حاجة... طبعا انا كمان مش محتاج انك تعرف اني بحب بلدي ونفسي تكون احسن بلد في العالم زيك وأكتر بكتير كمان...

وانا مرة تانية يشرفني اي حد يرد على مشاركة ليا او يقتبس منها... انا ما قلتش حاجة... انت بس اللي اعتقدت -خطأ- اني بقولك انت اللي اتكلمت في الكبسة والبتاع... فحبيت اوضحلك انه محصلش اني جبت سيرتك اساسا وان كلامي عام...

الامارات بتشهد طفرة فى جميع المجالات بارك الله فى تلك الارض الطيبة وشعبها

اقتباس:

---

المشاركة الأصلية كتبت بواسطة horas3000

العربيه حقيقيه و بمحرك نفاث فعلا
و ده فيديو ليها و هي بتتحرك

[youtube]http://www.youtube.com/watch?v=dm27ifsoi00[/youtube]

---

ده بيحرق بعربية فيها محرك نفاث !!!

اقتباس:

---

المشاركة الأصلية كتبت بواسطة eng f3lix

ده بيحرق بعربية فيها محرك نفاث !!!

---

و ماله
خليه يحرق في دمنا كمان و كمان
الناس دي عدت

ما شاء الله
فعلا مش عربية