اشترى كورولا بالتقسيط و لا اجيب سيراتو اول فئة كاش

**saikoproff** · 07-11-2013 01:21 AM

بسم الله الرحمن الرحيم
السلام عليكم يا جماعة دا اول مشاركة ليا هنا انا محتار جدا . انا معايا اول من اخر 144 الف جنيه و كنت ناوى اشترى كاش فا كان ادامى سيراتو اوتوماتيك اول فئة او اجيب اكسنت هاى لاين بس بعد ما شوفت التويوتا كورولا 2014 تفكيرى اتحول 180 درجة و قررت ادفع اللى معايا مقدم و اقسط الباقى (30 الف لانى ناوى على اول فئة اوتوماتيك. عشان موجودة فى التوكيل و مش قادر استنى من غير عربية) فأيه رأيكم اتكل على الله و ا خلص التويوتا و لا اجيب سيراتو هو حتى النترا كاش اول فئة طبعا.

ملحوظة: انا كنت باتجنب القسط عشان البنوك و الفوائد و كده فلو حد يعرف مكان قسط مباشر يبقا جزاه الله خيرا

**abofandy** · 07-11-2013 01:49 AM

راى المتواضع :
الكورولا اول فئة اوتو
موجودة حاليا جميع الالوان .. هتحل مشكلة انك مش قادر تقعد من غير عربية
سيارة اعتمادية .. اعادة بيعها كويس .. اسم كبير يعشقة كل المصريين .. شكل جديد ثورى

العيب
مبلغها اكبر من الى معاك بس ممكن تقسط الباقى اعتقد في تويوتا فيه المصرف العربى تقريبا ولو كان عند حضرتك وديعة او كدة هتبقى كويسة جدا لانهم بيدوا 8 في المية على الوديعة فممكن تحط المبلغ دة عندهم وديعة بس معرفش اية النظام او الشروط انت ممكن تستفسر منهم احسن وهيفدوك عنى

**Dr . Mohamed** · 07-11-2013 02:12 AM

المشاركة الأصلية كتبت بواسطة honda_lover

من رآيي المتواضع خليك في حاجة علي قد فلوسك وبلاش قسط انا عن نفسي مبحبش الحرام ومحبش ابيع اخرتي عشان دنيتي

بارك الله فيك

نفس الكلام اللى كنت هقوله

السيراتو مش وحشة على فكرة دى عربية ممتازة الناس بس بتتهبل بالكورولا كماركة مش أكتر انما السيراتو فخامة و موتورها قوى جدا منافس للكورولا والثبات رائع و استهلاك الوقود ممتاز

و فوق دا كله سيراتو حلال احسن من كورولا بطريقة جايز تكون حرام

فيه نظام اسمه المرابحة الاسلاميه للسيارات ممكن تسأل عليه الشيوخ تاخد رأيهم و الله أعلم

**عصام غنايم** · 07-11-2013 02:19 AM

ولو قدرت تذود شويه وتجيب سيراتو تانى فئه كاش تبقى فزت

وان شاء الله مش هتندم

**M I D O** · 07-11-2013 03:13 AM

في رايي حرام تجيب سيراتو اول فئة بالمبلغ دة ومفيهاش وسائل امان الافضل تجيب بيجو 301 هاي لاين ب 136 واوروبي ومليانة وسائل امان

**عمر محمد مؤمن** · 07-11-2013 07:08 AM

تريوس 2014 ولا كورولا 2014
نريوس إرتفاع علشان المطبات و7 راكب
وكورولا مش عايزه كلام الشكل الجديد بس واطي شوية من الأرض والمطبات وما أدراك مالمطبات

**yassermahmmoud** · 07-11-2013 08:24 AM

يا عزيزي طبعاً الكورولا بدون تفكير سيبك من السيراتو اللي بعد سنة ونصف تبدأ تتفكك، خليك في الكورولا سيارة محترمة وإعادة البيع زي الفل وقيادة رائعة ومش هتندم أبداً.