الموضوع: تقرير استلام 301 مانوال

بسم الله ما شاء الله
ألف ألف مليون مبروك

ربنا يباركلك فيها و يكفيك حسد كل ذي حسد و عين كل ذي عين
و يجعلها لك عوناً في طاعته

قلي بقى يا سيدي جبت الدواسات و بقية الكماليات منين؟؟
و أسعارها أخبارها ايه؟؟
و الدواسات بتاعتها و عليها اسم الموديل و علامة البيجو و لا لأ؟؟
و هل العربية فيها EBD و لا لأ...عشان الموضوع ده إختلفت فيه الأقاويل؟؟

و ايه اللي خلاك تجيب من القاهرة مش الأسكندرية..رغم أن كفر الشيخ أقرب للأسكندرية على ما أظن؟؟


و كفاية كده أسئلة عشان أكيد خنقتك

مبروك يا ريس .. و انا معاك في طلب ان حد يفهمنا نتعامل مع ال 301 ازاي بخصوص الزيوت و المايه و ناخد بالنا من ايه لحد ما نوصل لل10000 صيانه
و ايه افضل طريقه للحفاظ علي تيل الفرامل انه يعيش فتره طويله ؟

ألف مبرووووك يا باشا و يباركلك فيها :)

الف مبروك ربنا يديك خيرها و يكفيك شرها

المشاركة الأصلية كتبت بواسطة leitosr

أولاً مبروك علي العربية,, وما شاء الله واضح إن سحب العربية معاك مغري,,
ودا اللي أنا بحبه في العربيات الجديدة لما تبقي لسه خفيفة ورايقة كدا,,
وحاول تحافظ علي نفس ريتم مشيك دا متقرصش عليها أكتر من 90 كم في الساعة, وعدد لفات موتور ميعدش 3 علي قد ما تقدر لحد ما تعدي 500 كيلو علي الأقل,

وغلط جداً أنك تمشي من غير نمر تجارية, وياما حذرنا من الموضوع دا,,
أنت حظك إن الظابط محترم وأما ملاحظ أنهم زوق فعلاً اليومين دول في كذا كمين أقف فيه وأكون مقصر في حاجة,
المحضر لايغني عن النمر التجارية, ومينفعش بأي حال من الأحوال كقاعدة أنك تمشي بعربية من غير نمر لانك لو خبطت حد مفيش حد هيعرف يجيبك.
محضر الأستلام دا بتوع المعارض بيضحكو بيه علي اللي بيشتري جديد وبيفرح بالعربية وبيقوله يروحك, والمفروض بيوفرله نمرة لحد ما يرخص العربية,
فخد بالك بعد كدا من النقطة دي عشان متضيعش فرحة العربية الجديدة, وأمشي في السليم.

وأهلا بيك في عالم الأوروبي, ومستنين بقي تقريرك التاني اللي وعدتنا بيه,,
مبروك تاني علي العربية, وربنا يبارك لك فيها, وشكراً علي التقرير الجميل دا.

الله يبارك فيك يارب
كوضوع النمر التجاريه بصراحه انا كنت عارفه لكن كنت مستعجل بقي الحمد لله عدت ع خير والحمد لله رخصت النهارده خلاص
ان شاء الله اتتحرك براحتي واعمل التقرير التاني