الموضوع: حيره مابين ريجاتا ولا 132

السلام عليكم ورحمه الله وبركاته

وانا بدور علي النت شفت اعلانين شدوا أنتباهي لاني بدور علي عربيه مستعمله اتعلم عليها السواقه وامشي حاله بيها سنتين تلاته لغايه لما ربنا يكرم ونجيب جديد
ونظرا لان الحاله جيم والواحد داخل علي مسئوليه فكان التفكير في الفيات لان سعرها حنين
المهم لاقيت عربيه ريجاتا 85 بيقول انها فابريقه ماعدا الشنطه وباين من الصور ان العربيه محتاجه وش نظافه
.
العربيه التانيه 132 مو 79 200 سي سي فابريقه وبيقول أن الالات الجر تمام والعربيه كويسه

فرق السعر بين العربين 3 الالاف جنيه وبصراحه الواحد محتار
فيه بيقولي الريجاتا ناعمه وسحبها حلو ... بس كونها مش فابرقع بالكامل قلقني منها ... ربما تكون حادثه ده غير انه هيأثر علي سعر أعاده البيع
132 معقوله بس بيقولوا عربيه عجوزه وبتاكل عفشه وقطع غيارها بتقل
محتاج رائيكم بجد .........

المشاركة الأصلية كتبت بواسطة eng.salama93

خليك ف الريجاتا .. ركوبه أحسن عن ال 132 و موديل أعلي و أنعم و فرق كبير جدا
و حتي لو الريجاتا اللي قدامك انتا قلقان منها شوف واحده غيرها افضل يا اما تكشف عليها كويس
بس خليك ف الريجاتا

جزاك الله خيرا ياباشا علي الرد والاهتمام
الريجاتا أفضل مفيش كلام
بس المشكله أن اصحابها مغالين أوي في اسعارها 22 فما فوق
يعني الواحد لو معاه المبلغ ممكن يصبر شويه ويجيب حاجه اعلي زي ابيزا أو فيليشيا
المشكله في السيوله المتاحه
هصبر وأشوف لما أكمل مبلغ أعلي