محتار بين كيا سبورتاج الهاي لاين وسعرها 250
والبيجو 508 الهاي لاين وسعرها 270
وopel insignia 2014 الفئة التانيه الهاي لاين وسعرها 275
أنا عارف بتكلم في الكوري والفرنسي والألماني
وبغض النظر عن الأسعار لكن كل عربيه ليها مميزتها الخاصه
فماذا تفعلون لو كنتو مكاني
صديقي المواطن
قولا واحدا
أبيعهم سبورتج
أفضلهم وأفخمهم 508 وبرستيجك أمام الناس ترسمه أفضل
اﻷوبل إنسجنيا لا تملك المقومات الكافية لتقفف ضد ال 508 فإنساها أقرب للتقوى
ملحوظة السيارات الثلاثة ستتعب في إعادة بيعهم وستخسر مبالغ طائلة في بيعها وعند البيع أسرعهم سبورتج ولكن أيضا حتاخد وقت السبورتج عربية جيدة ولكن للأسف الموديل الموجود في مصر محركها صغير على حجمها فتحس بضعف في اﻷداء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
أنسي السبورتج ركز في الأتنين التانيين ...
البيجو اثبتت وجودها وتوكيلها أنضف من اوبل ...
بس لازم تعمل تست درايف للاتنين ...
ساعدنا عشان نساعدك
أنت بتدور على ايه
بدل الفروق المادية مبينهم مش هتفرق معاك
قولنا أنت بتدور هلى ايه
فخامة و لا قوة و لا سهولة صيانة و توكيل محترم و لا إعادة بيع و لا إستخدام عائلي
أبشنز و لا عوامل أمان و ثبات...
حطط أسس للمقارنة نساعدك على أساسها
دي مقارنة بين النسجنيا و ال508 و عربيتين كمان ممكن تساعدك
http://www.nilemotors.net/Nile/386563-508-a7.html
و متنساش الإستخارة طبعاً
تقبل تحياتي
من غير تفكير كتير ......... 508 طبعا
و لو تقدر تجيب الخليجي بتاعها يكون احسن عشان ارخص من هنا و كماليات اكتر بكتير و نظام I drive بتاع بي ام موجود فيها
أنا عملت تست درايف السبورتاج 2014 بصراحة تحفة في السحب والجرياقتباس:
المشاركة الأصلية كتبت بواسطة Anxs111
إنما البيجو وأوبل للأسف لسه وأنا كنت بقارن البيجو والسبورتاج لغاية فتره قصيرة
حتي ظهرت opel insignia 2014 وناس كتير ترشحلي الاوبل بس أنا محتار بين شياكة السبورتاج وقوة البيجو والاوبل
أولا إعادة البيع مش فارقه معايا لكن يفرق معايا مركز الخدمة فيما بعد وطبعا يهمني عوامل الأمان والثبات وفي الآخر استخدام عائلياقتباس:
المشاركة الأصلية كتبت بواسطة abohend
بيجو 508
لازم تعمل تست درايف الأول للاتنين أو حد يكون عمل تست درايف يفيدنا برأيه ...
اقتباس:
المشاركة الأصلية كتبت بواسطة qorachy
حضرتك بتفاضل بين سيدان و suv ... فلازم تحسم اختيارك من الاول ...
السبورتاج تقارن بالهيونداى i35 / قشقاى / كيا كارنز الجديده ... الخ
اما بخصوص السيدان فأنا افضل الاوبل الانسيجنيا الجديده ... و لو حضرتك معجب بموتور السبورتج ال 130 حصان ... فالاوبل موتورها 180 حصان و عزم 260 نيوتن .. روح شوفها على الطبيعه لانها احلى من الصور و النت كتير جدا ...
تحياتى ...
508 طبعا وبميل ليها جدا وان شاء الله هجبها
المبالغ دى تدفع في عربيه الماني بس
المقارنة مفيهاش اي عربية لتويوتا ؟؟
الانسجنيا روعة بس علي الورق لسة محدش جربها عشان كدة بفضل السبورتاج بسبب الانتشار
حضرتك فالأول استبعد السبورتاج
البيجو والاوبل حلوين أوى والفروق ما بينهم مش كتير.
أنا أفضل الأوبل عن نفسى بس ده رأيى شخصى.
يبقى لازم تروح تشوفهم على الطبيعة ويا سلام بقى لو تست درايف يبقى أحسن كتير.
وربنا يوفقك الخير إن شاء الله.
الانسجنيا روعة على الورق و فعليا من خلال ال reviews و التجارب بتوع الجماعة اللي بره اللي بينقضو العربيات جامد و مش بيسيبو فيها حاجة و الكل مبسوط منها و شايفين انها نقلة مختلفة لأوبل و فعلا رئيس مجلس الإدارة الجديد عامل شغل كويس و التقييم كان من ناحية الشكل و الاستجابة سواء من المحركات و التعليق ما يعيب العربية و في نفس الوقت مديها ميزة هنا في مصر ان الاوتوماتك بتاعها مخلي التسارع بتاعها ابطأ الى حد ما 9.2 من 0 الى 100 طبعا ده احسن من عربيات كتير لكن كان نفسي تبقى 8.5 مثلا بس الفتيس مريح و سلس و مفهوش مشاكل مع الزحمة غير كده الموتور ده كويس بس لما دخلت على النت شفت فيديو على النت عن المحرك بتاعها اللي هو 1.6 SIDI تربو فيه منه بره Overboosted turbo بيوصل لعزم 310 نيوتن بس بتهيألي منزلش هنا عشان السخونة و كده البيجو تتفوق من ناحية انها اطول لكن يعيبها في الركن و من ناحية التوكيل لأن منصور سمعته سبقاه و كله عارف يعني ايه :0002014A:
اولا البيجو مواتير بى ام دبليو والفتيس شركه مارلى وتصنيه فى اليابان احنا بنتكلم فى عربيه ( المانى - فرنسى -يابانى - ايطالى ) عاوز ايه اكتر من كده ياشيخ
هى مش مواتير BMWاقتباس:
المشاركة الأصلية كتبت بواسطة chef
الموتور بتاع ال508 مصمم تحت تعاون بين مجموعة PSA (بيجو - سيتروين) و مجموعة BMW.
وعائلة المواتير دى اسمها Prince engine وهى مبنية على تطوير العائلة السابقة فى المجموعة الفرنسية. وتصنيعه فى فرنسا لسيارات المجموعة الفرنسية وفى انجلترا لسيارات MINI.
الموتور بتاع ال508 اسمه THP version وده لا يستخدم فى سيارات BMW.
استخدام BMW محدود فى هذه العائلة ويسمى N13.