المشاركة الأصلية كتبت بواسطة abdelmoneem
ألف شكر أستاذ صدام،
بالنسبة للسي دي تشانجر ليه أهمية بالنسبة لي، لأني عامل سيستم سي دي قرآن لوحده وسي دي أغاني لوحده وهكذا، فيهمني إني مفقدش الميزة دي، زائد إني مش متقبل فكرة تعطيل خاصية عشان خاطر خاصية أخرى مهما كانت الخاصية المعطلة تافهة، الحاجة اللي هتركب "تزود العربية ومتنقصش منها حاجة"، أحس كده إنها منسجمة مع بقية العربية مش متخانقة مع حد.
بالنسبة لتركيب جي بي إس في حامل، فكرة رائعة فعلاً، وأوحت لي بإني ممكن أجيب حامل لتليفوني galaxy s3 واركبه في التابلوه واستخدمه gps. حد نفذ الفكرة دي؟ ولا فيها مشكلة؟ علمًا بأني استخدمت الـ gps بتاعه كذا مرة، سواء في تحديد المسارات أو الأماكن أو في توفير الإرشادات طول منا ماشي، يعني كان بيقول لي خش يمين بعد 100 متر، اطلع الكوبري اللي جاي، حاجات زي كده بالإنجليزي طبعًا، وكان دقيق إلى حد ما، يعني استخدامه كـ gps كان مرضي بالنسبة لي خاصة إني معايا mobile data مبعملش بيهم حاجة. ولو الفكرة دي موفقة أجيب الحامل ده منين؟ (سواء حامل جي بي إس أو حامل موبايل) والزجاج الأمامي هو أنسب مكان لتثبيته؟ أنا لاحظت إن في كذا مكان ينفع يتثبت فيه (سواء الموبايل أو جهاز الجي بي إس)، زي الصور، في ناس مركبا الحامل في التابلوه فوق فتحتين التكييف اللي في النص، في ناس مركباه أقصى اليسار في التابلوه، وفيه ناس معلقاه في مراية الرؤية الخلفية وفي ناس عاملة حامل أرضي ناحية الكرسي اللي جانب السواق:
وده واحد مركب الاتنين: